Pusuana 20:16 - Syin Chin Bible

¹⁶ “A maan ngawlin khat pawpo mawsiat heak vun.

Pusuana 20:16 Iomraidhean Croise

Psalm Late 15:3

tuaciang ama in ngualdangte ngensia ngawl tu hi. Ama in a lawmte tungah tat khialna nei ngawl tu a, a innpaamte huvau kamleang kizelsak ngawl tu hi.

Pusuana 23:1

“A maan ngawl kamdawn kizelsak heak vun a, a maw sia hu nuamin leilot tetti pang heak vun.

Paunakte 10:18

Mihing khat ama ii etsatna a phualseal sia in leilot pa ahi hi. Thu nawnsan a kizelsak sia in mihing mawmaw ahi hi.

Paunakte 11:13

Thu nawnsan son khat sia thuku huvau ah kimuang thei ngawl hi, ahihang a muan taak khat sia na muang thei hi.

Paunakte 19:5

Thukhenzum sungah leilot thu na son le daan na thuak tu hi — suatakna a om buatu hi.

Paunakte 25:18

A maan ngawl kimawsakna sia, namsau, moltawng, ahibuale thaltang hiam bangin kiitakhuai hi.

Thiampite 19:11

“Nguta heak vun a, ngualtheam ahibuale leilot thu son heak vun.

Thiampite 19:16

Khat pawpo taw kisai in leilot thu sonsawn heak vun a, mihing khat ii nuntakna le thina thu a kison ciang na tetti panna in ama a hu thei tu a ahile, son khe in. Keima in Topa ka hi hi.

Thiampite 19:18

Kuama tungah phula heak vun a, kuama ngaimaw top heak vun. Noma le noma na ki it uh bangin na innpaamte it vun. Keima in Topa ka hi hi.

Matthew 19:18

Ama in “A bang thupiakte ziam?” ci in dongh hi. Jesus in “Mihing that heak in, palngul mawna vawt heak in, ngu heak in, leilot thu taw ngual suanhkhial heak in;

Luke 3:14

Ngalkap pawlkhat in, “Ko zongh bangbang a ngamta tu khu ziam?” ci in dongh uh hi. Amate tungah, “Zawthawk thu taw kuama tung pan sum la heak vun, leilot thu taw kuama tungah thu zong heak vun. Na thasum uh taw lungkim vun,” ci hi.

Sawltakte 6:13

Tua zawkciangin, leilot tetti pang tu in, mihing pawlkhat sungtangsak hi. Amate in, “Hisia pa in, a thiangtho ih Biakinnpi le Moses Thukham sia langpan tawntung hi.

Ephesus te 4:31

Thin natna, thin tomna le thin uukna theampo na vawk vun. Ki oksatna ahibuale kiselnona, ki etsatna a tuatuamte theampo vawk vun.

Thuhil kikna 5:20

“ ‘A maan ngawlin khat pawpo mawsiat heak vun.

1 Timothy 1:10

numei le pa huvau a paktatte, numei le pa ngeina ngawlin a ngamtate, mihing a mante, leilotin thumaan ngawl tetti a pangte tua ahibuale a pha a kho upna thubul taw a kileebulin ngamtatna a neite atu in a kivawt ahi hi.

2 Timothy 3:3

Amate sia dikna nei ngawl, hesuakna sel, ngual min siasak, ngoltol, kiitakhuai, a phate ensan,

James 4:11

Ka suapuite awng, khat le khat na kisonsia heak vun. Tapidaw suapui khat a sonsia ahibuale a tung a thu a khen sia in, Thukham sonsia a thukhen ahi hi. Thukham tungah thu na khen le, Thukham a zui nawn ngawl, Thukham tungah thukhenpa na hi uh hi.