Pusuana 2:5 - Syin Chin Bible

⁵ Kumpipa tanu kibual tu in ngun sungah tuak hi, tua laitakin a naseamte ahile ngundung ah vak uh hi. Thakhat thu in ama in lopa thukna ah a om tua khum mu a, a sila numei khat tua khum la tu in sawl hi.

Pusuana 2:5 Iomraidhean Croise

1 Kumpite 17:6

Ama in Luitui dawnin, va-akte in zing sim nitak simin anluum le sa puak hi.

Psalm Late 12:5

“Ahihang tu in hong pai tu khi hi,” Topa in ci hi, “Banghang ziam cile a cimawte kizothaw a, vawtsiatna a thuakte in na a sakna taw tau uh hi. Amate ii dei ngammuanna ka pia tu hi.”

Psalm Late 46:1

Pathian in ih belhna le ih thahatna hi a, ngimna hun sungah hong hun tu in a kinging sa in om tawntung hi.

Psalm Late 76:10

Mihingte thin uukna in nang atu in pokna tam vaial a pian natu hi bek hi; ngal kidona pan a taang laite in nangma ii poai khaam tan tu uh hi.

Psalm Late 9:9

Zawthawk a thuakte atu in Topa sia bukna kip ahi hi, ngimna hun sungah ngammuanna mun ahi hi.

Pusuana 2:6

Kumpipa tanu in tua khum hong a, nausen pano khat mu hi. Tua nauno kakap ahiciang ama in khuangaihuai sa hi. Ama in, “Hi sia Hebrew nausen khat hi ta a,” ci hi.

Pusuana 7:15

Tua ahiciang zingsang in kumpipa Nile ngun ah a pai ciang, pai in a kimu ta'n. Ngul a suak thei na ciangkhut kengin ngunvaal pan ama ngak in.

Pusuana 8:20

Topa in Moses tungah, “Ngun ah kumpipa a pai ciang kimu tu in zing ciang zingsang tuungin pai in a, Topa in, ‘Amate in kei hong biak thei natu in ka mite paisak hen.

Paunakte 21:1

Topa in luitui luanna lam ol takin a heak bangin kumpipa khat ii ngaisutna uk hi.

Jonah 1:17

Topa sawl bangin ngasa lian khat in Jonah valh a, ama sia ngasa ngil sungah sun thum le zan thum om hi.

Jonah 2:10

Tuasia ciang Topa in vaalbo tungah Jonah a luak natu in ngasa tungah thupia a, tuabangin ngasa lua hi.

Sawltakte 7:21

inn panin a hep uh ciangin, kumpipa ii tanu in, ama sung pan a piang ta bangin vawt a, vaak in taa hi.