Pusuana 2:15 - Syin Chin Bible

^15-16 Tua thupiang teng kumpipa in a zaak ciang Moses thalup tu in zongsak a, ahizong Moses sia Midian ngam ah teang tu in tai hi. Ni khat, Moses tuikhuk khat paam ah a to laitak, Midian thiampi Jethro ii tanu salite tuitoai tu in hong pai uh a, a pa ii tuu le kealte atu in tuikuang teng tui dimh hi.

Pusuana 2:15 Iomraidhean Croise

Pianciilna 24:11

A thet ciang khuapi puasang tuikhuk ah a kalaohte khupdinsak hi. Tua hun in nikai zawk nitak sang hi a, numeite pusuak in a tuitoai hun ahi hi.

Pianciilna 25:2

Ama taw ta Zimran, Jokshan, Medan, Midian, Ishbak le Shuah nei hi.

Pianciilna 25:4

Midian tapate sia Ephah, Epher, Hanoch, Abida le Eldaah ahi uh hi. Hite theampo sia Keturah ii suan le paalte ahi hi.

Pianciilna 29:2

Thakhatin lo sungah a om tuikhuk khat kung theng a, tuikhuk paam ah tuuhon, hon thum lum hi. Ngannote in hi tuikhuk pan tui ne hi, tuikhuk sitna suangtum sia lian mama hi.

1 Kumpite 11:18

Amate in Midian nusia in Paran ah pai a, tua munah mi pawlkhat in amate pawm hi. Tua zawkciang amate Egypt ngam ah khualhaw in, kumpipa kung a pai ciang Hadad sia leitang pawlkhat le inn khat pia hi, tuaciang anvaak hi.

Pusuana 18:4

Ama in, “Egypt kumpipa ii hong thalup natu pan ka pa ii Pathian in hong hu in, hong hun hi,” ci si hi; tua ahikom a tapa khat sia ii min, Eliezer phuak hi.)

Pusuana 4:19

Midian ah Moses a om lai in Topa in, “Egypt ah heak kik ta'n, nang hong that nuamte thi siat zo hi,” ci hi.

Paunakte 22:3

Mihing khuangaisun theite in ngimna hong pai ciangin mu thei a pial uh hi, ahihang khuangaisun meal ngawl khat sia tua ii sungah tum vacin tu a, a zawkciang kisiik tu hi.

Habakkuk 3:7

Cushan mite launa ka mu a, Median mite liinglawng uh hi.

Matthew 10:23

Khuapi khat sungah hong kivawtsiat ciangin, khuapi dang khat ah tai vun. A tatakin kong ci ciang, Mihing Tapa hong pai kik ma in, Israel te khuapi theampo ah na nasep, na khuangkhim zo buatu uh hi.

John 4:6

Jacob ii tuikhuk tua munah om a, Jesus sia a khualhawna pan toi in, tua tuikhuk hui ah to hi. Tua hun sia sunkim khawng ahi hi.

Sawltakte 7:29

Moses in hi thu a zaak ciangin, Egypt ngam pan tai a, Midian ngam ah teang hi. Tua munah tapa nii nei hi.

Hebrew te 11:27

Moses in kumpipa thin uuk tu lau ngawlin, Egypt ngam a nusiat sia upna hang ahi hi. A kimu thei ngawl Pathian sia a mu bang phetin, nungsang ah heak kik tu a uuk bua hi.