Pusuana 2:11 - Syin Chin Bible

¹¹ Moses hong let ciang, a mipui Hebrew te kungah haw in, zawthawk thu taw a kisawl nasep haksa a sepsaknate mu hi. Egypt te khat in Moses ii mipui Hebrew mi khat a thalup ngawngawn mu hi.

Pusuana 2:11 Iomraidhean Croise

Pusuana 1:11

Tua ahikom, Egypt te in a thinno thei natu in nasep ham seamsak a, amate tungah sila ukte koi hi. Kumpipa an khol natu in Israel te in Pithom le Rameses khuapite saat uh hi.

Pusuana 3:7

Tua zawkciang Topa in, “Egypt ah ka mite bang zata vawtsiatna thuak cisia ka mu zo hi, sila ukte khut sung pan suakta nuam in a kaana aw zongh ka za zo hi. A ngim thuakna theampo ka he siat hi,

Pusuana 5:14

Egypt mi sal ukte in nasepna uk tu in a koi Israel naseam ukte saat hi. Amate in “Nidang a uksuang na vawt za uh banghang vawt zo ngawl nu ziam?” ci hamtang uh hi.

Pusuana 5:4

Kumpipa in Moses le Aaron tungah, “Mipite in a nasep a nusiat natu in na vaihawm uh sia bang na cinopna uh ziam? Naseam tu in hi salte kuansak kik vun!

Pusuana 5:5

Egypt te sangin no tam phazaw zo nu hi. Tu in a nasep tawlngasak nuam nu ziam!” ci hi.

Pusuana 5:9

Hi mite nasep haksa zaw seamsakin, komlasak vun, tua hile leilot thusonte ngai man ngawl tu hi,” ci hi.

Pusuana 6:6

Tua ahiciang Israel te tungah, ‘Keima in Topa ka hi hi; Egypt te sal panin note kong hun tu a, kong suaktasak tu hi. A thahat ka khut laamin amate tungah a lauhuai daan ka tungsak tu a, note kong hun tu hi.

Pusuana 6:7

Note keima mihing kong suaksak tu a, keima in note Pathian ka hi tu hi. Egypt saltanna pan kong suataksak ciang na Topa na Pathian ka hina nong he tu uh hi.

Isaiah 58:6

“Kei dei an tanna sia hi bang ahi hi: zawthawkna thikkolte le thukhaikim ngawl a kivawtna hakkolte suutin, zawthawk vawt a thuakte suataksakna ahi hi.

Matthew 11:28

“Vanhngit pua in, a toite theampo awng, kei kungah hong pai tavun, tawlngakna kong pia tu hi.

Luke 4:18

“Topa ii Thaa kei tungah hong om hi, banghang ziam cile mizawngte tungah lungdamna thupha puak tu in kei hong teal hi. A kimante suatakna a pia tu le, mittawte khua a mu kik natu, nencip a thuakte suatakna thu a thangsak tu,