Pusuana 2:10 - Syin Chin Bible

¹⁰ Patang hong khan ciang, a nu in kumpipa tanu kungah paipui a, kumpipa tanu in ama tapa sua hi. Kumpipa tanu in, “Tui sung pan ka laak ahiciang a min Moses ka phuak hi,” ci hi.

Pusuana 2:10 Iomraidhean Croise

Pianciilna 16:11

Tapa khat na nei tu a, a min Ishmael na phuak tu hi, banghang ziam cile thinngim in na kaana Topa in za zo hi.

Pianciilna 4:25

Adam le a zi in tapa dang khat nei hi. A zi in, “Cain ii a thalup Abel taang tu in, Pathian in tapa khat hong pia hi,” ci hi. Tua ahikom a min Seth phuak hi.

Pianciilna 48:5

Jacob in a pau zomin, “Joseph awng, hi lai ah kong pai ma in Egypt ah na nei na tapa niite keima aa hi; Reuben le Simeon bangma in Ephraim le Manasseh te sia keima tapate ma ahi hi.

2 Samuel 22:17

Topa in tungsang panin hong baan suk a, kei hong len hi; ama in tuithukna panin kei hong kaito hi.

Pusuana 2:9

Kumpipa tanu in tua nu tungah, “Hi nausen la in a, kei atu in hong opsak ta'n, na thaman kong pia tu hi,” ci hi. Tua ahiciang tua nu in nausen la a, opsak hi.

Matthew 1:21

Ama in tapa khat hong hing tu a, a min Jesus ci in na phuak tu hi — banghang ziam cile ama in a mite mawna pan a hun tu hi,” ci hi.

Galatia te 4:5

Pathian ii tapate tanute ih sua natu in thukham khutnuai ah a omte a tat natu in tuabangin hong piang hi.

Hebrew te 11:24

Moses hong khanthin tak ciang kumpipa tanu ii a tapa a kici tu uuk ngawlin a nial sia upna hang ahi hi.

1 John 3:1

Pa in ei sia bangza in hong it ziam tel tavun! Ama hong itna lian mama ahikom ei sia Pathian ii tate hong kici hi — tuabang takpi ma ih hi hi. Leitung in Pathian he ngawl ahikom leitung mite in ei hong he ngawl hi.

1 Samuel 1:20

Tuabangin ama naungil om a, tapa khat hing hi. Ama in a min Samuel phuak a, “Ama sia Topa tung pan ka nget hi” a cina ahi hi.