Pusuana 19:5 - Syin Chin Bible

⁵ Tu in ka thu hong ni in ka thuciamnate na zui uh le keima aituam mite hi tu nu hi. Leitung buppi keima aa hi a, ahizong note sia keima tealtuam mite na hi tu uh hi,

Pusuana 19:5 Iomraidhean Croise

Pianciilna 17:9

Pathian in Abraham tungah, “Nangma le na suan na paal khangkikte in keima taw ih thuciamna sia a zui tu in nangma zongh na thukim kul hi.

1 Kumpite 8:53

Koma taanghpupite Egypt pan na pusuapui lai in na naseampa Moses tungah na sonsa bangma in mihing theampo sung pan amate sia nangma mi tu in na teal hi,” ci hi.

1 Khangtaanghthu 17:22

Israel mite a tawntungin nangma mi tu in na vawt zo a, nangma Topa in amate ii Pathian na suak zo hi.

Job 41:11

Ama ngalvawt a simin, bangma a tat thei ngawl akua om tu ziam? Tuabang ahithei tu leitung theampo ah kuama om ngawl tu hi.

Job 41:3

Ama in hong thaa ta'n ci in hong ngen tu ziam? Nang tungah hesuak hong ngen tu ziam?

Psalm Late 135:4

Ama in ama atu in Jacob teal a, ama aituam tu in Israel mite teal hi.

Psalm Late 24:1

Simleitung le a sungah a om theampo sia Topa neisa ahi hi; leitung le a tungah a teang theampo sia ama aa ahi hi.

Psalm Late 25:10

A thuciam le a thupiak a nite theampo itna le thumaanna taw lampui hi.

Pusuana 15:26

Ama in, “Keima ii maan ka sak sia na vawtna uh taw ka thu nong ni siat uh a, ka thupiakte na zui uh le Egypt te tungah ka tunsak natnate khat zongh kong tungsak buatu hi. Keima in Topa note hong damsakpa “Jehovah Rapha” ka hi hi,” ci hi.

Pusuana 23:22

Ahizong ama ii thu ni in kong thupiak theampo na seam uhle na ngalte theampo kong simsak tu hi.

Pusuana 24:7

Tua zawkciang Moses in Topa thupiak teng a ki at, thuciamna laibu la in mipite tungah nging takin sim hi. Amate in, “Topa thu ka ni tu uh a, ama thupiak theampo ka vawt siat tu uh hi,” ci uh hi.

Pusuana 34:9

Ama in, “Topa awng, kei tungah nong lungkim takpi ahile kote taw hong paikhawm ta'n. Hi mihingte thinpui hi, ahizong kote siatna le mawna hong maisak ta'n a, nangma aituam mihing in hong saang ta'n,” ci hi.

Pusuana 6:7

Note keima mihing kong suaksak tu a, keima in note Pathian ka hi tu hi. Egypt saltanna pan kong suataksak ciang na Topa na Pathian ka hina nong he tu uh hi.

Pusuana 8:22

Ahizong ka mite teenna Goshen ngam sia tho om ngawl tu in ka khe tu hi. Keima Topa in hi ngam le lei ah naseam hi ci in nong heak natu in hi bangin ka vawt tu hi.

Pusuana 9:29

Moses in ama tungah, “Khuapi pan ka pusua po ciang ka khutte laamin Topa tungah thu ka ngen tu hi. Vanto nawn ngawl tu a, ngialkia nawn ngawl tu hi. Tuasia ciang hi leitung sia Topa aa hi ci in na he tu uh hi.

Solomon ii La 8:12

Solomon awng na ngunn dangkatang tulkhat la in a, lothote tungah amate tel tu a zaa nii pia in. Kei ka hi le keima aituam sapit huan khat ka nei hi!

Isaiah 1:19

Keima thu bek nong ni uh le lei pan a piang a pha nate na ne tu uh hi.

Isaiah 41:8

“Ahihang nang, ka naseampa Israel awng, kong tealsa mi na hi a, ka lawmpa Abraham ii suan le paalte na hi hi.

Isaiah 43:1

Israel awng, nang hong bitphua Topa in, “Lau heak in — kong ngum tu hi. Na min taw kong sam zo hi — nang sia Keima mi na hi hi.

Isaiah 56:4

Topa in tuabang a ngaisun pa tungah, “Sabbath na tanna taw kei nong zatak vawt a, ka thuciamna sia thumaan tak lenin kei nong lungdamsak le,

Jeremiah 10:16

Jacob ii Pathian sia amate bang hi ngawl hi; ama in na theampo a vawt pa hi a, ama mi tatak tu in Israel mite teal zo hi. Ama min sia Vaanglianbelpa, Topa ahi hi.

Jeremiah 13:11

Ngoaipuan tomte in kawng ah a belh cinten bangma in Israel le Judah mite theampo in keima hong bel cinten tu ka dei hi. Hi bang a ka vawtna in amate sia ka mi a sua thei natu, hong pok thei in ka min a pataak thei natu ka deina ahi hi; ahihang amate in ka thu hong ni ngawl uh hi,” ci hi.

Jeremiah 7:23

Ahihang keima in amate ii Pathian ka hi natu le amate sia keima ii mite ahi natu in ka thu a nit natu thu ka piak ma ahi hi. Tuaciang ka thupiak bangin a nuntak thei natu in amate tungah ka son hi, tua hile amate a maivang tu uh hi.

Ezekiel 16:8

“Nang kaantanin kong pai kik ciang, ngual taw a kidei thei tu na hi hun hong theng zo na hi sia kong mu hi. Na pumnguaktang sia ka laktong puasilh taw kong khu a, itna kamciam kong pia hi. Hi hi, nangma taw kiteenna thuciam kong pia a, nang sia keima aa na suak hi,” ci hi. Hisia Vaanglianpipa Topa son teng ahi hi.

Thiampite 20:24

Ahizong hi ngamhoi ngampha lua tu in, hong ciam zo ka hi ciang kong pia tu hi. Keima in Topa na Pathian ka hi a, minam dangte sung pan kong tuamkoi zo hi.

Amos 3:2

“Leitung minam theampo sung pan kong heak le kong thin nop mawk sia noma bek na hi uh hi. Hi thu in noma mawna khialna nasiasak seseam a, tua hu in daan kong piak kul tu hi.”

Amos 6:1

Samaria ah ngammuang kisate le Zion ah nuntakna ol a sate — hi Israel ngamlian sung a, ngual ii hu hong kingetna, no lampui uliante atu in bangza in lauhuai ziam!

Malachi 3:17

Vaanglianbelpa Topa in, “Amate ka mite hi tu hi. Ka dian ni tak ciang amate mama keima neisa hi tu hi. A pa atu a seam tapa tungah pa khat in hesuakna a nei bangin amate hesuak tu khi hi.

1 Corinth te 10:26

Banghang ziam cile laithiangtho in, “Leitung le a sungah a om na theampo sia Topa ii neisa ahi hi,” ci hi.

1 Corinth te 10:28

Ahihang khat po in, “Hi an sia milim a kipia an hi,” hong cile, tua an sia hong sonpa le ama ii thinsung ngaisutna na khualna taw ne heak vun —

Thuhil kikna 10:14

A saangbel vantungte ngawngawn Topa neisa hi a, leitung le a tung a om na theampo zongh ama ii neisa ahi hi.

Thuhil kikna 11:27

Tuni in kong piak Topa na Pathian thupiakte na zui uh le thupha khat hi a,

Thuhil kikna 14:2

Topa na Pathian neisa na hi uh a; leitung ah a teang mihing theampo sung pan ama mi tu in hong tealsa na hi uh hi.

Thuhil kikna 14:21

“Ama thu in a thi thawthong nganhing sa ne heak vun. Note sungah a teang ngamdangmite in nesak thei tu nu hi, ahibuale ngamdangmite tungah zuak thei tu nu hi. Ahizong note sia Topa na Pathian neisa na hi uh a; ama mite na hi uh hi. “Tuuno sa ahibuale kealno sa sia a pui noaitui sungah huan heak vun.

Thuhil kikna 26:18

Ama hong kamciam bangin tuni in Topa in note sia ama mihing in hong saang zo a; ama thukham theampo zui tu in thu hong pia hi.

Thuhil kikna 26:19

Ama ii piansak minam dang theampo sangin a lianzaw in note hong vawt tu a, ama min pokin na patoai tu uh hi. Ama kamciam bangin note ama mihing na hi tu uh hi,” ci hi.

Thuhil kikna 28:1

“Tuni a kong piak Topa na Pathian thupiak theampo thumaan takin zui in, a thu na ni uh le ama in leitung minam dangte sangin a lian zaw in note hong siam tu hi.

Thuhil kikna 28:9

Topa na Pathian ii thu ni in, ama thupiak theampo na seam uh le, ama kamciamsa bangin ama mihing hong suaksak tu hi.

Thuhil kikna 4:20

Ahihang note sia Egypt meikhuk linghna sung pan hong suatak mite na hi uh hi. Tuni na dinmun ahi, ama mihing na sua thei natu uh in note hong pusuapui hi.

Thuhil kikna 5:2

Topa ih Pathian in Sinai Mual tungah thuciamna khat vawt a,

Thuhil kikna 7:6

Hi bang vawt vun, banghang ziam cile note Topa na Pathian neisa hi nu hi. Leitung mi theampo sung pan ama aituam mi in note hong teal hi.

Thuhil kikna 9:29

Bangbang po ahitazong, hi mihingte sia nangma atu na tealsa te hi a, na vaangletna le na thahatna taw Egypt pan na pusuapui mihingte ahi hi,’ ci in thu ka ngen hi.

Titus 2:14

Seksolna theampo pan ih suatak natu le ama bek ii neisa hi in, a pha sep tu a lawp, a thiangtho mite hong suasak natu in ama le ama sia ei atu hong kipia hi.

Hebrew te 11:8

Pathian ii kamciam a piaksa ngam ah a pai tu in, Abraham in Pathian ii sapna a nit sia upna hang ahi hi. Ama in koisung pai tu ci in he ngawl pipi ma in, a ngam nusia hi.

Hebrew te 8:9

Amate ii taanghpupite taw thuciamna ka vawt bang ahi buatu hi. A khut uh pan kai in, Egypt pan ka pusuapui hunlai bang ahi buatu hi. Amate taw ka vawt thuciamnate tungah a thumaan bua uh hi, tua ahikom amate ka awlmawk bua hi.

Joshua 24:24

Tuasia ciang Mipite in Joshua munah, “Topa ih Pathian naseam tu khu hi. A thu piakte ni tu khu hi,” ci uh hi.

1 Peter 2:9

Ahihang note sia a kiteal sa minam, Kumpi thiampite, a thiangtho minam, Pathian ii aituam mite, khuazing sung pan a lamdang ama ii khuavak sungah nang hong sam pa Pathian ii a lamdang ngamtatnate a thangsak tu a hong tealsate na hi uh hi.

1 Samuel 15:22

Samuel in, “Thunitna ahibuale biakpiaknate le sangaw biakpiakna Topa in koisia dei zaw ziam? Ama tungah tuu phabel taw sangaw biakpiakna sangin thunitna phazaw hi.