Pusuana 19:18 - Syin Chin Bible

¹⁸ Sinai Mual buppi meikhu in siincip hi, banghang ziam cile Topa tua mualtung ah mei sungah hong tuaksuk hi. A khu sia mei phualpi khu bangin kaato in, mi theampo liinglawng ngawp uh hi.

Pusuana 19:18 Iomraidhean Croise

Pianciilna 11:5

Tuasia ciang tua mite ii a vawt khuapi le tausaang a en tu in Topa hong paisuk a,

Pianciilna 15:17

Ni tumin khua a zin ciang meikhu a suak meibeal le meisip kuang sia thakhat thu in kilangh a, nganhing sabekte kilaklaw kaantan hi.

Pianciilna 19:28

Ama in Sodom le Gomorrah le a ngamkuam bup ensuk a, meiphualpi khat pan meikhu suak taw a kibang, lei pan meikhu a suakto mu hi.

Nehemiah 9:13

Vantung panin Sinai Mual tungah na tuaksuk a; na mite paupui in thukham phate le hilna maante na pia hi.

Psalm Late 104:32

Ama in simlei en a, leitung a liing hi; ama in mualte tham a, tuate sung pan meikhu pusuak hi.

Psalm Late 114:4

Mualpite sia keal bangin leang valet uh hi; mualnote sia tuunote bangin kilawn kawkoai hi.

Psalm Late 114:7

Topa hong pai ciang, Jacob ii Pathian mai ah leitung awng, liing in;

Psalm Late 144:5

Topa awng, van khentham in hong pai suk ta'n; mualte tham in, tua hile tuate in meikhu pusua tu hi.

Psalm Late 18:9

Ama in van sia eautham in meeikaaivom sisanh in hong tuaksuk hi.

Psalm Late 68:9

Nangma in ngua na zusak piikpeak a, a tul sa na leitang na puuapha kik hi;

Psalm Late 77:18

Na vanto sia a kipee in ngingkeak a, khualeng in leitung taangsak hi; leitung liingin ngawk hi.

Psalm Late 77:19

Tui kihualte tungah na vak hi; tuipi thuk, na kaantan hangin, na khuanite a kimu thei bua hi.

Pusuana 19:13

ama kuama in thutha ngawl tu a, suang taw kideanglum ahibuale thal taw kikaplum tu hi. Hi thu in mihingte le nganhingte huam khawm a; tuate kithatlum nanak tu hi. Ahizong lemle hong kitum ciang mipite mual tungah kaato tu uh hi,” ci hi.

Pusuana 19:17

Moses in amate, Pathian taw kimu tu in ngiaphual pan pusua pui a, mualpeang ah amate ding uh hi.

Pusuana 20:18

Mipite in khualeng vanto le lemle awngingte za in, khualeng le meikhu suak mual a mu ciang, lau in liing a, a khualana ah ding uh hi.

Pusuana 3:2

Tualai ah Topa vantunglalang sia sawlpaang khat ii sung pan a pusuak meikuang khat bangin ama kungah kilangh hi. Moses in sawlpaang a kaangh in mu a, ahizong sawlpaang sia kaanghtum ngawl hi.

Pusuana 34:2

Kithoai in a, Sinai Mualdawn ah kei taw kimu tu in zingsang ciang hong paito ta'n.

Isaiah 6:4

Amate awnging in Biakinnpi tawdappha liingsak a, tuaciang Biakinnpi mama meikhu taw kidim hi.

Isaiah 64:1

Banghangin vantung hongkeak in hong tuaksuk ngawl ni ziam? Mualte sia nang hong mu a, hong kiita in liing tu uh hi.

Jeremiah 4:24

Mualliante ka en a — tuate liing hi, tuaciang mualnote kivei kawkoai hi.

Habakkuk 3:6

Ama a tawlngak ciang, leitung kithing a; Ama ii a et ciang minamte liinglawng hi. A tawntungin a om mualte kektham a; taanghlai hunin, a va ngeina mualte, a kip tawntung mualte kiasuk hi.

Zechariah 14:5

Mual khen nii in a khen, tua kuam kaantanin no na suakta tu uh hi. Judah kumpipa Uzziah hunsung zinliin lai in, na taanghpupite tai bangin na tai tu uh hi. Topa ka Pathian in vantunglalang theampo hong pai pui tu hi.

Matthew 24:7

Ngam khat le ngam khat kisim tu hi; kumpi khat le khat kido tu hi. Mun theampo ah kialpi tung tu a, zinliing tu hi.

Thuhil kikna 33:2

Sinai Mual pan Topa hong pai a; Edom ngam tungah ni bangin suak in, Paran Mual pan a mite tungah taang hi. Vantunglalangte tulsawm ama taw omkhawm a, a ziatsang khut taw meikuang khat toai hi.

Thuhil kikna 4:36

Ama in thu hong hil thei natu in vantung pan a aw hong zasak a; hi leitung ah ama ii a thiangtho meikuang hong musak in, tua sia pan hong paupui hi.

Thuhil kikna 5:22

“Hite sia mual tungah na kikhop uh lai in Topa ii note theampo tungah hong piak thupiakte ahi hi. Meikuang sung pan le meeisaa te sung panin ama in a vaanglian aw taw hong paupui a, hi thupiakte hong pia in thudang hong son ngawl hi. Tuaciang ama in tua teng suangpheak nii tungah at in, kei tungah hong pia hi.

Thuhil kikna 5:4

Tualai mual tungah meikuang sung pan kimaingat in Topa in note hong paupui hi.

2 Thessalonica te 1:7

tuaciang no a thuakte le ko zongh nopsakna hong pia tu hi. Topa Jesus in ama ii a thahat vantunglalangte taw

2 Thessalonica te 1:8

Pathian a nialte le Topa Jesus Lungdamna Thupha a zui nuam ngawlte daan pia tu in meikuang taw hong pai ciang ama in tuasia seam tu hi.

Hebrew te 12:18

Note in Israel mite Sinai mual a zot uh bangin cii le sa ii phaw theinate ahi meikuang ahizong, khuazing le khuangial ahizong, vuipi suangval ahizong,

Hebrew te 12:26

Ama aw in tua hun laitakin, leitung liingsak ahihang tu in ama in, “Leitung bek hi ngawlin, vantung zongh khatvei ma ka liingsak lai tu hi,” ci hi.

2 Peter 3:10

Ahihang Topa Ni sia nguta bangin hong pai tu hi. Tua Ni ciangin vantungte a nging mama khat taw hong bocip tu a, vantung a om nate kuangkeak in, leitung le a sung a om theampo zong bo cimit tu hi.

Thupualaakna 15:8

Biakinn sia Pathian minthanna le vaangletna meikhu taw kidim hi, tuaciangin vantunglalang salite ii hong paipui uh ngimna lian nam salite a ven dongin kuama in biakinn sungah a tum thei bua uh hi.

Thupualaakna 9:2

Aksi in a hawng thukpui sia hong a, thik huanna meimang sung panin, a pusuak bangin meikhu pusuak hi; a hawng thukpui sung pan a pusuak meikhu in nitaang le vuite zingcipsak hi.

Thukhente 5:5

Sinai ii Topa mai, Topa Israel ii Pathian mai ah mualpite liing hi.