Pusuana 19:17 - Syin Chin Bible

¹⁷ Moses in amate, Pathian taw kimu tu in ngiaphual pan pusua pui a, mualpeang ah amate ding uh hi.

Pusuana 19:17 Iomraidhean Croise

Pusuana 19:13

ama kuama in thutha ngawl tu a, suang taw kideanglum ahibuale thal taw kikaplum tu hi. Hi thu in mihingte le nganhingte huam khawm a; tuate kithatlum nanak tu hi. Ahizong lemle hong kitum ciang mipite mual tungah kaato tu uh hi,” ci hi.

Pusuana 19:16

A ni thum ni zingsang ciang vanto in khualeng a, mual tungah meeilom saa khat hong kilangh in lemle aw nging mama khat kiza hi. Ngiaphual ah a om mihing theampo liingin lau uh hi.

Pusuana 19:18

Sinai Mual buppi meikhu in siincip hi, banghang ziam cile Topa tua mualtung ah mei sungah hong tuaksuk hi. A khu sia mei phualpi khu bangin kaato in, mi theampo liinglawng ngawp uh hi.

Thiampite 9:5

Moses thupiak bangin amate in Puanbuk mai ah na theampo paipui a, Topa a bia tu in taangpi bup tua munah kikhawm uh hi.

Sawltakte 7:38

Sennealngam ah a kikhawmtua Israel mite taw a omkhawm pa sia Moses ahi hi; Sinai mual tungah ama a paupui vantunglalang sia le ih taanghpupite taw tua munah omkhawm a, ei tungah hong piak sawn tu, Pathian ii a nungta thute ama in saang hi.

Thuhil kikna 4:10

Sinai mual ah Topa na Pathian ii mai ah noma dingin na om uh ni in hong kison thu hi a, ama in kei tungah, ‘Mipite ka kungah hong khawm tavun. Leitung ah a nuntak laiteng in amate in kei thu hong nit thei natu, a tate tung zongh ah tuabang ma in a hilsawn thei natu in, amate ka son tu te za le ka oai hi,’ ci in hong son thu ahi hi.

Thuhil kikna 4:11

“Meikhu vom bangin meisate le van ah meikuang lengto te taw a kituam, tua mualpeang ah pai in, na dindan uh khawngte, na tate tungah son tavun.

Thuhil kikna 5:5

Tua meikuang kiita in mual tungah kaato ngam ngawl na hi uh kom Ama citeng, hong son tu in tua hunin note le Topa kilaklaw ah ka ding hi. “Topa in,