Pusuana 19:13 - Syin Chin Bible

¹³ ama kuama in thutha ngawl tu a, suang taw kideanglum ahibuale thal taw kikaplum tu hi. Hi thu in mihingte le nganhingte huam khawm a; tuate kithatlum nanak tu hi. Ahizong lemle hong kitum ciang mipite mual tungah kaato tu uh hi,” ci hi.

Pusuana 19:13 Iomraidhean Croise

Pusuana 19:14

Tuasia ciang mual tung pan Moses tuaksuk a, biakna vawt tu in mite kithoaisak hi. Tua ahiciang amate a puan uh sawp hi,

Pusuana 19:16

A ni thum ni zingsang ciang vanto in khualeng a, mual tungah meeilom saa khat hong kilangh in lemle aw nging mama khat kiza hi. Ngiaphual ah a om mihing theampo liingin lau uh hi.

Pusuana 19:17

Moses in amate, Pathian taw kimu tu in ngiaphual pan pusua pui a, mualpeang ah amate ding uh hi.

Pusuana 19:19

Lemle aw hong nging vaial hi. Moses in paupui a, Pathian in vanto taw in zo kik hi.

Pusuana 34:3

Khat zongh kaato pui heak in a; mual tung koima ah kuama omsak heak in; tuu ahizong, khui ahizong, mualpeang ah tha heak in,” ci hi.

1 Thessalonica te 4:16

Vantunglalangte sung pan a lianbel sia ii aw taw thupiak auna, Pathian lemle aw om tu a, tuaciang Topa ama mama vantung pan hong tuaksuk tu hi. Christ um a, a thite hong tho masabel tu a,

Hebrew te 12:20

Banghang ziam cile amate in, “Nganhing khat ngawngawn in tua mual a thutha le suangtum taw hua lup kul tu hi,” ci in thupiakna sia a thuak zo bua uh hi.

Thukhente 20:37

Hi mite Gibeah sangah manlang tak tai a; amate khuapi sungah kiphalin tuasung ah a om theampo thatlum uh hi.