Pusuana 18:4 - Syin Chin Bible

⁴ Ama in, “Egypt kumpipa ii hong thalup natu pan ka pa ii Pathian in hong hu in, hong hun hi,” ci si hi; tua ahikom a tapa khat sia ii min, Eliezer phuak hi.)

Pusuana 18:4 Iomraidhean Croise

Pianciilna 49:25

Nang hong hu, na pa ii Pathian, Thupha hong pia Vaanglianbelpa Pathian in Vantung pan thupha ngua taw Leinuai tawngh pan tui taw Khoai le vul tam mama, tu le ta tam mama thuphate taw,

1 Khangtaanghthu 23:15

Moses in tapa nii nei a, Gershom le Eliezer te hi.

1 Khangtaanghthu 23:17

Eliezer in tapa Rehabiah bek nei a, ahizong Rehabiah in suan le paal tam mama nei hi.

Psalm Late 18:1

Topa awng, bangza in nang hong it khi ziam! Nangma in kei hong hungpa na hi hi.

Psalm Late 18:48

kei sia ka ngalte khut sung panin hong hun hi. Topa awng, ka ngalte nong zosak hi; tuaciang a ngoltol mihingte khut sung panin nong dal hi.

Psalm Late 34:4

Topa tungah thu ka ngen a, ama in hong zo hi; ama in ka launa theampo panin hong suaktasak hi.

Psalm Late 46:1

Pathian in ih belhna le ih thahatna hi a, ngimna hun sungah hong hun tu in a kinging sa in om tawntung hi.

Pusuana 10:28

Kumpipa in Moses tungah, “Ka muna ah om heak in! Nang hong musak kik nawn heak in! Kong mu kik ni in thi tu ni hi!” ci hi.

Pusuana 2:15

Tua thupiang teng kumpipa in a zaak ciang Moses thalup tu in zongsak a, ahizong Moses sia Midian ngam ah teang tu in tai hi. Ni khat, Moses tuikhuk khat paam ah a to laitak, Midian thiampi Jethro ii tanu salite tuitoai tu in hong pai uh a, a pa ii tuu le kealte atu in tuikuang teng tui dimh hi.

Pusuana 2:22

Zipporah in tapa khat neipui hi. Moses in, “Hi ngam ah ngamdangmi khat suak ka hi ciang, a min Gershom ka phuak tu hi,” ci hi.

Pusuana 4:20

Tuaciang Moses in a zi le a tapate a laate tungah tosakin Egypt zuan uh hi, Pathian ii a sawl ciangkhut sia keng hi.

Daniel 6:22

Pathian in tawpite ii kei hong liamsua ngawl natu tawpite kam a hum tu in a vantunglalang sawl hi. Kumpipa awng ka maw ngawl hunlam le nang tungah kong khial ngawl hunlam Pathian in he a hikom hi bangin vawt hi,” ci in zo hi.

Sawltakte 12:11

Tua zawkciang Peter in ama tungah bang thu piang, ci in phawk a, “Tu in a maan tatak sia ka he hi!” ci hi. “Topa in a vantunglalang khat sia, Herod ii vaangletna pan le Jew te ii kei tungah hong piang tu a upna theampo pan hong suatak tu in, hong paisak hi,” ci hi.

Sawltakte 7:29

Moses in hi thu a zaak ciangin, Egypt ngam pan tai a, Midian ngam ah teang hi. Tua munah tapa nii nei hi.

2 Timothy 4:17

Ahitazong Topa sia kei kungah hong om a, thahatna hong pia hi. Tuasia ciangin Gentile te theampo ii a zaak tu in ngupna thu a cing in ka thangsak thei hi; tuaciang kei sia thidaan panin hong suaktasak hi.

Hebrew te 11:34

a kiitakhuai meikuangte sumit in namsau taw thalup natu pan suakta uh hi. Amate sia thaneam kale thahatte suak uh hi; amate sia kidona sungah thahat a, ngamdangmi ngalkapte zothal uh hi.

Hebrew te 13:6

Tua ahikom hangsan takin, hi bangin ci tawng, “Topa sia kei hong hu pa hi a, ka pa tau buatu hi. Akua in kei bang hong law thei tu ziam?”