Amate sia mihingte atu a seam top tu thukhenpa hisak in. Thu nozaw teng amate in khensak in a, ahizong thu haksa theampo nangma kungah puaksak in. Tuasia in na vanhngitte hong dawn tu a, nang atu in olzaw tu hi.
Thukhenna te ah nguptuam paaituam nei heak vun; akua akua ahizong a vekpi a kibangin khensak vun. Kuama kiita heak vun, banghang ziam cile na thukhenna te sia Pathian kung pan hong pai hi. Thu khat pawpo note atu in a haksa lei le, hong paipui tavun a, keima ka khen tu hi,’ kong ci sa ahi hi.
“Khua sung thukhente atu in khensat haksa ahi, neisa kituuna, pumpi kiliamsuana, mihing thalupna le mihing thisakna a khentel tu thute hong om tu hi. Hi bang thute a om ciang Topa na Pathian ii tealsa biakna mun khat sia ah pai in,