Pusuana 18:22 - Syin Chin Bible

²² Amate sia mihingte atu a seam top tu thukhenpa hisak in. Thu nozaw teng amate in khensak in a, ahizong thu haksa theampo nangma kungah puaksak in. Tuasia in na vanhngitte hong dawn tu a, nang atu in olzaw tu hi.

Pusuana 18:22 Iomraidhean Croise

Ezra 7:25

“Nangma Ezra in na Pathian hong piaksa ciimna zanghin, na Pathian Thukham bangin a nungta Euphrates Nitumna sang mite theampo a uk tu ngamukte le Thukhente panmun na pia tu hi. A he ngawl laite theampo tungah tua Thukham na hil hamtang tu hi.

Pusuana 18:18

Nangma le hi mihingte in na tha uh zawm law tu nu hi. Hite nang nguak sep tu in tam leih hi.

Pusuana 18:23

Pathian thupiak bangin, seam lete nangma zongh na thazawm ngawl tu hi, mihing theampo zongh a thu thiang in inn ah cia thei tu uh hi,” ci hi.

Pusuana 18:26

Amate in mite atu a seam top tu thukhenmangte hi a, thu haksate Moses tungah puakin thu nozaw te ahile amate in khen hi.

Mi Simna 11:17

Kong paisuk tu a, tualai ah kong paupui tu hi. Nang kong piaksa thaa pawlkhat la in, amate ka pia tu hi. Tuasia ciang amate in hi mihingte atu vaipuak teng hong hu thei tu a, nangma bek in tua vaipuak na la buatu hi.

Mi Simna 15:33

Ama sia Moses, Aaron le taangpi bup mai ah kipaipui a,

Mi Simna 27:2

Amate pai in Moses, thiampi Eleazar, lampuite le taangpi bup ii mai, Topa ompuina Puanbuk kongbiang ah ding a,

Mi Simna 36:1

Joseph ii tapa ahi Manasseh ii tupa, Machir ii tapa le Gilead bee le phung sung innkuan lutang teng sia, Moses le lampui dangte kungah pai hi.

Romete 13:6

Hi thu hu in shia na pia vun, banghang ziam cile, tua thuneite in a kicing takin a sep uh ciangin, amate in Pathian atu seam a suak uh hi.