Pusuana 18:21 - Syin Chin Bible

²¹ Tua banah mipil mithiam pawlkhat tealin a, mihingte lampui tu in koi in: tuate sia mihing a tul, a za, a sawmnga le a sawm sim te ii lampuite hi tu hi. Amate sia Pathian a kiita mihing muanhuai le sumnguk ne thei ngawlte ahi kul tu hi.

Pusuana 18:21 Iomraidhean Croise

Pianciilna 22:12

Vantunglalang in, “Patangpa sia liamsua heak in, ama bangma law heak in. Pathian thu na nitna le na zatakna, tu in ka he hi, banghang ziam cile tapa khat bek na nei kei atu in na haza bua hi,” ci hi.

Pianciilna 42:18

A ni thum ni in Joseph in amate tungah, “Keima in Pathian kiita mihing khat ka hi a, thu khat hangin na nuntakna uh kong khoaikhe tu hi.

Pianciilna 47:6

Egypt leitang sia amate aa hi. Leitang phabelna mun ahi, Goshen ah teang tahen. Amate sung pan naseam thiam a om le ka ngannote a uk tu in koi in,” ci hi.

2 Samuel 18:1

Kumpipa David in a mite theampo khawmtua in, tulkhat pawl, zakhat pawl ci in khen a, a uk tu uliante koi hi.

2 Samuel 23:3

Israel ii Pathian pau zo hi; Israel a dal pa in kei tungah hong ci hi: “Thutang khenna taw a uk kumpipa, Pathian thu ni in a uk pa sia,

1 Kumpite 18:12

Ka pai po ciang Pathian ii thaa in nang sia heak ngeingawlna mundang khat pawpo ah hong tua luilam le bang law tu khi ziam? Tuasia ciang Ahab munah nang hi sungah om hi ka ci ciang, ama in hong mu zo buale kei hong thatlum tu hi. Ka no ciang a thu um, Topa a biapa ka hi hunlam sia ciamtee in.

1 Kumpite 18:3

tua ahikom Ahab in kumpi inn a uk pa Obadiah sam hi. (Obadiah sia Topa a bia thu um khat hi a,

Ezra 7:25

“Nangma Ezra in na Pathian hong piaksa ciimna zanghin, na Pathian Thukham bangin a nungta Euphrates Nitumna sang mite theampo a uk tu ngamukte le Thukhente panmun na pia tu hi. A he ngawl laite theampo tungah tua Thukham na hil hamtang tu hi.

Nehemiah 5:9

Tuaciang keima in, “Na ngamtatna uh khial nu hi! Pathian ii thu ni in, a maan bang na sep kul hi. Tua hile ih ngalte ahi Gentile te in ei hong selno natu thu om ngawl tu hi.

Nehemiah 7:2

Jerusalem khuapi a uk tu in mihing nii ka koi a, ka suapuipa Hanani le kulhpi a uk ngalkapmangpa Hananiah ahi hi. Hananiah sia a muanhuai le Pathian a kiita khat hi a, kuama taw kibang ngawl hi.

Job 1:1

Uz ngam ah a teang Job kici mi khat om a, ama in Pathian bia in, ama ii tungah thumaan hi. Ama mihing pha khat hi a, siatna peuma a vawt ngawl natu in kidawm hi.

Job 29:16

Mizawngte atu in pa dinmun ah ka ding a, khualmi a ngimngate sangah ka pang hi.

Job 31:13

Ka naseamte khat in ka tungah a lungkim ngawlna hong pualaak ciang, ngai in ama tungah a pha ka vawt hi.

Psalm Late 15:1

Topa awng, na Biakinnpi sungah akua bangte tum thei tu ziam? Akua bangte in na mual thiangtho Zion tungah biakpiakna vawt thei tu ziam?

Psalm Late 15:5

Amate in a meet ngawl taw sum pukthaak hi, tuaciang a maw ngawlte langpanna tetti tu in sumnguk ne ngawl hi. A kuama po hi bang a, a ngamta sia in ngam muanna nei tawntung tu hi.

Pusuana 17:9

Moses in Joshua tungah, “Zing ciang Amalek mite a do tu in mi pawlkhat teal in. Kei sia mual dawnah ka ding tu a, Pathian ii keng a hong sawl ciangkhut ka toai tu hi,” ci hi.

Pusuana 18:25

Israel te sung pan mipil mithiamte teal hi. Ama in tua te sia mihing a tul, a za, a sawmnga le a sawm sim te ii lampui tu in panmun pia hi.

Paunakte 28:2

Minam khat a maw ciang ngam uk khat zawkciang khat kilaih tu hi. Ahihang ngam khat sia a pilvang, khuangaisun thei lampuite a nei le, thahat tu a, kip tu hi.

Thuhilsya 12:13

Hite theampo zawkciang son tu thu khat bek om lai hi: Pathian thasia in a, a thupiakte ni in, banghang ziam cile hite theampo sia mihing a kibitphuana thu ahi hi.

Isaiah 16:5

Tua zawkciang, David suan le paal sung pan khat sia kumpi suak tu a, ama in mihingte thumaanna le itna taw uk tu hi. Ama in a maan sia seam papaih tu a, thukhaikim thu omsak tu hi.)

Isaiah 33:15

Thumaan son in a maan na seam uh le na suakta zo tu uh hi. Na vaang neina uh sia mizawngte theamna in zangh heak vun a, sumnguk sang heak vun. Mihing thalup a sawmte taw ahizong, a dang a sia vawt theite taw ahizong, kipawl heak vun.

Isaiah 59:4

Thukhenzum ah na kaa uh hangin note sang pan thumaanna na nei bua uh hi. Thu na zaw natu in leilot thu na suang uh hi. Ngualdang nat natu na tup uh bang na seam uh hi.

Jeremiah 5:1

Jerusalem mite awng, na lamdungte zui in tai vun! Na kiim na paam khuadakin en vun! Noma tatak ma na mu vun. Vanh zuakna munte zong vun! A maan a ngamta le Pathian tungah thumaan tu a hanciam mihing khat na mu thei uh ziam? Na mu thei uh ahile Topa in Jerusalem ii mawna maisak tu hi.

Ezekiel 18:8

Ama in a meet deina in sum pukthaak ngawl hi. A sia vawt tu nial a, thu kituu na po ah a maan in thukhen hi.

Ezekiel 22:12

Na mite pawlkhat in sum ne in ngual that uh hi. Pawlkhatte sia, a Israel mipuite tungah summeet pukthaak a tua tungtawnin hau uh hi. Amate in kei hong mangil uh hi.” Vaanglianpipa Topa in son zo hi.

Zechariah 7:9

“Khua ngeipi lai in ka mite munah hi thupiakte ka pia hi: ‘Thukhaikim in seam vun a, khat le khat dikna le kihesuakna nei hamtang tavun.

Zechariah 8:16

Na sep tu uh sia hi teng hi: Khat le khat tungah thumaan thutak kison vun. Thukhenzum ah thutang khenna tatak — kilemna a piangsak thukhenna namte pia vun.

Mi Simna 1:4

Hong hu tu in bee le phung khat sung pan ukpi khat veu ngen tavun,” ci hi.

Mi Simna 10:4

Ahizong lemle khat bek a kitum le bee le phungte pan lampui teng bek nangma kiimkot ah kikhawm tu uh hi.

Luke 18:2

“Khua khat ah thukhenmangpa khat om a, ama in Pathian le kiita ngawl, mihing maitang le a zakta ngawlhet khat ahi hi.

Luke 18:4

Khuangei hialma thukhenmangpa in bangma hisak nuam ngawl ahihang, a khakbel ciangin hi bangin ngaisun hi, ‘Pathian le kiita ngawlin mihingte zongh zakta ngawl ka hi hang,

Sawltakte 20:33

Khamh ahizong, ngunn ahizong, puansilhte ahizong, kuama ii neisa ka dungawk ngei bua hi.

Sawltakte 6:3

Tua ahiciang, suapuite awng, Thaa Thiangtho le ciimna taw a kidim hi ci in a kitel pasal sali noma sung pan hong teal tavun a, amate khut sungah, hi nasep sia ih aap tu hi.

Thuhil kikna 22:18

Tuaciang khua lampuite in a pasal samin saat tu hi.

1 Timothy 3:3

Ama sia zukham thei le a ngoltol hi ngawl het tu a, cinghin ngual taw kilem thei tu hi; ama in sum bek ngaisun ngawl het tu hi;

Joshua 22:14

Lampui pasal sawm sia Phinehas taw paikhawm uh hi, nitumna sang a minamte khat ciang khat veu le bee le phung sungah a innkuan papi khat tek kihel uh hi.

1 Samuel 8:12

Ama in pawlkhat te sia mihing tulkhat ukin koi tu a, pawlkhat sia mihing sawmnga uk in koi tu hi. Na tapate in ama lote a thawsak uh kul tu a, a an laaksakin, a ngalhiamte le siphu ngalleang sungah a kizangh vanhte vawtsak tu hi.

1 Samuel 8:3

Ahihang amate in a pa nasep bangin a seam bua uh hi; amate in sum vawt tu bek kin ahikom, sumnguk ne in thumaan thutang taw thu a khen bua uh hi.