Pusuana 17:14 - Syin Chin Bible

¹⁴ Tuaciang Topa in Moses tungah, “Hi ngalzawna thu teng a kiphaw natu in tepteena lai at in. Amalek mite ka mot natu thu Joshua tungah son in” ci hi.

Pusuana 17:14 Iomraidhean Croise

2 Samuel 1:1

Saul ii thi zawkciang, David sia Amalek te a zawna pan hong cia a, Ziklag ah ni nii taam hi.

2 Samuel 8:12

Edom, Moab, Ammon, Philistia, le Amalek te tung pan a laaksak ngunn le khamh te le Hadadezer kung pan a laaksak vanh pawlkhatte taw zong kopin biakna ah a zak tu in koituam hi.

1 Khangtaanghthu 4:42

Simeon nam sung pan a dang mihing za nga nisuana sang Edom ngam zuan uh hi. Amate sia Ishi ii tapate ahi: Pelatiah, Neariah, Rephaiah, le Uzziel te in lampui uh hi.

1 Khangtaanghthu 4:43

Amate in tua munah a nungta lai Amalek mite that a, tua lai ah tua hun panin teang suak uh hi.

Ezra 9:14

Tua ahiciang nong thupiakte thu sim ngawl kikin hi mihing seksolte taw kiteang kik thei tu khu ziam? Tuabang ka ngamta uh le na thin uuk mama in khat zongh hong hing khoai ngawlin nong mon siat tu hi.

Job 18:17

Amate ii minthanna sia tualsung le ngamdang ah bo vangeu a; kuama in amate phawk nawn ngawl hi.

Job 19:23

Mihing khat in ka kammalte phawk in, laibu khat sungah ciamtee le paw oai napeu ing!

Psalm Late 9:6

Ngalte sia a tawntungin bo siat zo hi, a khuapite na lalthamsak zo a, amate kimangil cip zo hi.

Pusuana 12:14

Keima Topa in bang vawt khi ziam ci na phaw natu in hi ni sia biaknapoai khatin vawt tu nu hi. Mailam hun theampo ah tua poai vawt suak tavun,” ci hi.

Pusuana 13:9

Hi ngeina poai vawtna in na khut ah ahibuale na tal tungah na khat a kikhit bangin, tua in Topa thukham hong phawksak tawntung tu hi. Tua in Topa thukham na sin tu le na sim tawntung natu in hong phawksak tu hi. Banghang ziam cile Topa in a vaangletna taw Egypt pan note hong pusuapui hi.

Pusuana 17:13

Hi bangin Joshua in Amalek mite zo siat hi.

Pusuana 24:4

Topa thupiak theampo Moses in at siat hi. A zing ciang zing tuungin mualpeang ah Moses in biaknatau khat sa in, Israel minam sawm le niite atu in suangtum sawm le nii phut hi.

Pusuana 32:33

Topa in, “Ka tungah mawna a neite bek ka laibu sung pan a min ka phiat tu hi.

Pusuana 34:27

Topa in Moses tungah, “Hi kammalte at in, banghang ziam cile nangma le Israel mite tungah thuciamna ka vawt sia, hi kammalte kibulphu hi,” ci hi.

Paunakte 10:7

Mihing phate sia thupha saanna hi ci in kiciamtee tu hi, ahihang mihing seksolte sia kimangil pal tu hi.

Jeremiah 30:2

keima tungah: “Kong son theampo laibu khat sungah at in,

Jeremiah 36:2

“Laizial khat la in a tua tungah Israel le Judah le minamte theampo ii thu kong sonte at in. Josiah kumpi a sep lai in, na tungah kong son masak phit pan kipan tuni dong kong sonte theampo at in.

Mi Simna 24:20

Tua zawkciang Balaam ii mukholna sungah Amalek te mu a, hi bangin kamsaanna pualaak hi: “Amalek sia minam theampo sung pan a thahatbel hi a, ahizong a khakbel ciang a tawntung maaimang tu hi.”

Mi Simna 33:2

Topa thupiakna bangin, Moses in ngiaphual a saat simin a mun min veu ciamtee hi.

Thuhil kikna 31:9

Tuaciang Moses in Pathian Thukham at in, Topa Thuciamna Thingkuang a keam Levi thiampite le Israel lampuite tungah pia hi.

Joshua 4:7

Topa Thuciamna Thingkuang ii ngun a kaantan ciangin Jordan ngun sia a luan tawlnga hi, ci in na son tu uh hi. Hi lai munah bang thu piang ci sia hi suangte in Israel mite phawksak tawntung tu hi,” ci hi.

1 Samuel 15:18

tuaciang ama in nang sia tua a seksol Amalek te a lalcipsak tu in hong paisak hi. Amate na thalup siat dong sim tu ni hi ci in thu hong pia hi.

1 Samuel 30:1

Ni nii zawkciang David le a mite Ziklag theng kik uh hi. Amalek te in Judah thangsang sim zo a, Ziklag sim uh hi. Amate in a khua haltham a,

1 Samuel 30:17

A khuavak ni zing tuungin David in sim a, nitak dong kido uh hi. Kalaoh tung to in a tai khangno 400 simngawl kuama a suakta om ngawl hi.