Pusuana 16:6 - Syin Chin Bible

⁶ Tua ahiciang Moses le Aaron in Israel te theampo tungah, “Egypt pan hong pusuapuipa sia Topa a hina, tu nitakin he tu nu hi.

Pusuana 16:6 Iomraidhean Croise

Psalm Late 77:20

Nangma in Moses le Aaron ii a uk, na mite sia tuucingpa bangin lam na pui hi.

Psalm Late 81:11

“Ahihang ka mite in ka thu hong ngai nuam ngawl a, Israel te in ka thu hong ni ngawl tu hi.

Pusuana 12:51

Tua ni in, Topa in Israel minamte Egypt pan pusuapui hi.

Pusuana 16:3

amate tungah, “Topa in Egypt ah hong that le uuk zaw ung. Tualai ah thildang a vaal lai, to in sa le an ka du za ka ne thei tu uh hi. Ahizong noma in hi lai sennealngam ah a pukthi tu in hong paipui nu hi,” ci uh hi.

Pusuana 16:8

Tua zawkciang Moses in, “Noma phutsatna teng ama in hong za zo ahikom, nitakin na neak tu uh sa le zingsangin anluum na deiza po hong pia tu sia Topa ahi hi. Ko nong phutsat uh ciang Topa a phunsan hi nginge nu hi,” ci hi.

Pusuana 32:1

Moses mual tungah ngei hialma om in hong tuaksuk ngawl sia mipite in a mu ciang Aaron kungah kikhawmin ama tungah, “Egypt pan lam hong pui Moses hisia pa bang tat ziam ih he bua hi; tua ahikom eite lam hong pui tu in pathian khat hong vawtsak ta'n,” ci uh hi.

Pusuana 32:11

Ahizong Moses in Topa a Pathian tungah hesuak ngenin, “Topa awng, na thahatna le na vaangletna taw Egypt pan na suatak, na mite tungah banghangin na thin uuksak mama thong ni ziam?

Pusuana 32:7

Topa in Moses tungah, “Manlang in ciasuk ta'n, banghang ziam cile Egypt pan na paipui na mite khialin kei hong nial uh hi.

Pusuana 6:6

Tua ahiciang Israel te tungah, ‘Keima in Topa ka hi hi; Egypt te sal panin note kong hun tu a, kong suaktasak tu hi. A thahat ka khut laamin amate tungah a lauhuai daan ka tungsak tu a, note kong hun tu hi.

Pusuana 6:7

Note keima mihing kong suaksak tu a, keima in note Pathian ka hi tu hi. Egypt saltanna pan kong suataksak ciang na Topa na Pathian ka hina nong he tu uh hi.

Mi Simna 16:28

Moses in mipite tungah, “Hi bang teng seam tu in Topa in kei hong sawl a, keima deiteal bangin a seam ka hi ngawlna thu na heak natu uh ahi hi.

Mi Simna 16:30

Ahizong Topa in a kiza ngeingawl thu khat a sepna taw in amate le a neisa theampo sia lei in valh ahi hu in amate a hingtangin mithi khua a zot ciang amate in Topa nial a hina thu na he tu uh hi,” ci hi.