Pusuana 16:34 - Syin Chin Bible

³⁴ Topa in Moses tungah a thupiak bangin tuasia a kikepcing natu in Aaron in Thuciamna Thingkuang mai ah koi hi.

Pusuana 16:34 Iomraidhean Croise

1 Kumpite 8:9

Thuciamna Thingkuang sungah, Egypt ngam panin Israel mite a pusua lai in Sinai mual tungah Topa in amate taw thuciamna a vawt ciangin Moses ii koi tua suangpheak nii te simngawl, nadang bangma om ngawl hi.

Pusuana 25:16

Tuaciang nang kong piak tu thupiak teng a ki at suangpheak niite thingkuang sungah koi in.

Pusuana 25:21

Suangpheakte nii thingkuang sungah koi in a tungah a sitna koi in.

Pusuana 27:21

Kong ompuina Puanbuk sung, Thuciamna Thingkuang mai, puankhai pua sangah Aaron le a tapate in meiinn koi tu uh hi. Tua mun keima omna ah nitak pan zingsang dong mei de tu uh hi. Hi thupiak sia Israel te le a suan a paalte in a tawntung a zui tu uh ahi hi.

Pusuana 30:36

Aheap sia suuvui in a, ka ompuina Puanbuk ah paipui in, Thuciamna Thingkuang mai ah the in. Hi ngimnamtui sia a thiangtho sinsen in ngaisun in.

Pusuana 30:6

Thuciamna Thingkuang mai ah a kikhai puankhaite pua sangah tua biaknatau koi in. Tua mun sia no kong mu natu mun ahi hi.

Pusuana 31:18

Sinai Mual tungah Pathian in Moses a paupui zawkciang, Pathian ama tatak ii thupiak teng a tungah a at sa suangpheakte nii sia Moses pia hi.

Pusuana 38:21

Thupiak sawmte a ki atna suangpheak niite koina ahi, Topa ii ompuina Puanbuk sungah na zakte a nuai a bang ahi hi. Tua tepteena lai vawt tu Moses in sawl a, thiampi Aaron ii tapa Ithamar khutnuai a naseam Levi mite in vawt hi.

Pusuana 40:20

Tuaciang ama in suangpheakte nii la in Thuciamna Thingkuang sungah koi hi. Ama in a zawnna thingpumte a bilvang sungah thun in, Thuciamna Thingkuang sitna khak hi.

Mi Simna 1:50

Ahizong Levi te ka ompui na Puanbuk le a vanhzak nate theampo a uk tu in koi in. Amate in Puanbuk le a vanhte pua tu uh a, a sungah naseam in tua Puanbuk kiim ah ngiaphual saat tu uh hi.

Mi Simna 1:53

Khat po in puanbuk nai ah pai in a neak le ka thin uuk tu a, Israel taangpite daan ka pia tu hi, tua ahikom Levi te in Puanbuk kiim ah ngiaphual saatin cing tu uh hi,” ci hi.

Mi Simna 17:10

Topa in Moses tungah, “Thuciamna Thingkuang mai ah Aaron ciangkhut koi kik in. Hi ciangkhut sia, a leedo nuam Israel te ii phunna a tawp buale amate thi tu a hisia a kidop natu in kepcing tu ahi hi,” ci hi.

Thuhil kikna 10:5

tuaciang kiheakin mualtung pan ka tuaksuk hi. Tua zawkciang Topa thupiak bangin ka vawtsa thingkuang sungah tuate ka koi a — tua hun pan kipan tualai ah om hi,” ci hi. (