Pusuana 16:3 - Syin Chin Bible

³ amate tungah, “Topa in Egypt ah hong that le uuk zaw ung. Tualai ah thildang a vaal lai, to in sa le an ka du za ka ne thei tu uh hi. Ahizong noma in hi lai sennealngam ah a pukthi tu in hong paipui nu hi,” ci uh hi.

Pusuana 16:3 Iomraidhean Croise

2 Samuel 18:33

Kumpipa khuangai mama hi. Kongpi suazoai tung inndoi sungah kaato in kap hi. A pai kawkawmin, “Aw, ka tapa! Ka tapa Absalom! Absalom ka ta awng! Nang ka tapa ii thi luangin kei thi zaw leng maw! Absalom ka tapa!” ci in au hi.

Job 3:1

A khakbel ciang Job pau in, ama pian ni haamsiat hi.

Job 3:10

Ngimna le heena sungah kei hong omsak in, kei hong piansak hu in tua zan haamsiat in.

Job 3:20

Banghangin mihingte thinngimna nei in nungtasak tan ni ziam? Banghangin a khuangaite khuavak pia ni ziam?

Psalm Late 107:5

Amate a ngilkialin a dangtaak a, lametna bangma a nei nawn bua uh hi.

Psalm Late 78:19

Amate in Pathian langpanin: “Pathian in sennealngam sungah an pia thei tu ziam?

Psalm Late 78:25

Tuabangin amate in vantunglalangte ii an ne uh a, Pathian in a du zaza pia hi.

Pusuana 14:11

Amate in Moses tungah, “Egypt ah thaan om ngawl ziam? Hi lai sennealngam ah a thi tu in nang hong paipui kul ziam? Egypt pan nong pusuapuina, na nasepna sa teng en in!

Pusuana 17:3

Ahizong a mihingte dangko mama ahikom Moses tungah phuul veve uh hi. Amate in, “Banghang Egypt pan hong paipui ni ziam? Kote ka tate le ka ngannote dangko in hong thisak nuam ni ziam?” ci uh hi.

Pusuana 2:23

Kum tampi zawkciang Egypt kumpipa thi a, ahizong Israel te a saltanna hangin thuumin, tau a, hu ngenin kap lai uh hi. A kaana awte Pathian kung thengin,

Pusuana 5:21

Amate in Moses le Aaron tungah, “Na nasepnate uh Topa in hong mu zo hi, kumpipa le a uliante in kote hong ensansak na hi uh kom, daan hong pia tu hi. Kote hong thalup natu in a paulap tu khat a pia na hi uh hi,” ci uh hi.

Jeremiah 2:6

Keima in amate Egypt ngam pan suatakin duisung ngampa: sennealngam le dumkhuk sung, lei kongaw a, kuama teen ngawl, a lau huaina mun le kuama khual zongh a haw ngawl natu mun kaantanin amate keima in lampui hi napi amate in kei, hong awlmawk ngawl hi.

Jeremiah 44:17

Vawt tu ka cite theampo ka vawt tu uh hi. Koma le ka taanghpupite, kumpipa le lampuite in Judah ngam khuate le Jerusalem khua lampite ah ka vawt ngei uh bangma in, kote numeipathian Vantung Kumpinu tungah sangaw biakpiakna pia in, ama tungah biakpiakna sapittui ka buak tu uh hi. Tuasia ciang an hau in, nuamsa in, ngimna ka nei bua uh hi.

Kaa late 4:9

Ngal sungah a thite sia nuntak zawk natu an om ngawl a, dadam in a thi, a thi khakte sangin phazaw lai hi.

Mi Simna 11:15

Hi bangin nong vawt tu ahile nong ngitlona ka thuak nawn ngawl natu in hong hesuak ta'n a kei hong that heu ta'n,” ci hi.

Mi Simna 11:20

tha khat bup na zaknop ngawl liang uh dong, na nim uh dongin na ne tu uh hi. Banghang hi bang hi tu ziam na ci uh le hilai note sungah a om Topa na nial uh a, Egypt ngam pan pusuak bualeang ci in na phunsan uh hang hi,’ ci in son in” ci hi.

Mi Simna 14:2

Amate in Moses le Aaron langpanin phunsan uh a, “Egypt ah ahibuale hi lai duisung ngawngawn ah thi le ung phazaw hi!

Mi Simna 14:3

Banghangin eite tua ngam ah Topa in hong paipui ziam? Eite ngal sungah hong kithat tu a, ih zite le ih tate kiman tu hi. Egypt ah cia kik leang phazaw ngawl ziam?” ci uh hi.

Mi Simna 16:13

Hilai duisung ah a thi tu in Egypt ngamnuam pan nong pusuapui sia pha zo hi ngawl ziam? Kote tungah to hong seam nuam lai ni ziam?

Mi Simna 16:41

A zing ciang taangpi bup in Moses le Aaron phunsan a, “Topa ii mihing pawlkhat that zo nu hi,” ci hi.

Mi Simna 21:5

Pathian le Moses langpanin sonsia uh hi. Amate in, “An le tui om ngawlna hi mun sennealngam sungah a thi tu in banghang Egypt ngam pan hong pusuapui ni ziam? An lim ngawl hi bang te po ka ne zo buatu uh hi!” ci in phunsan uh hi.

Sawltakte 26:29

“Hun tom kale, sau kale, nang le tuni a ka thuson hong ngaite theampo, hi thikkolte kihel ngawlin, keima bang na hi thei natu uh sia Pathian tungah ka thungetna ahi hi!” ci in zo hi.

1 Corinth te 4:8

Na kisap uh theampo nei zo nu ziam? A hau sa hi zo nu ziam? Ko zongh kumpi suak ngawl lai a, no kumpipate suak zo nu ziam? Pha hi, kote noma taw kumpipate ka sua khop thei natu in kumpi suak takpi le uhte kong oai hi.

2 Corinth te 11:1

Ka mawmaw phial zonghin, nong thuak zawk natu ka dei hi. Hong khual tavun!

Thuhil kikna 28:67

Na mu theampo in na thin uh lausak tu hi. Zing simin nitak na thangai tu uh a, nitak simin zingsang na thangai tu uh hi.

Thuhil kikna 8:3

Ama in note hong ngilkialsak a, tua zawkciang noma le taanghpupite neak ngeingawl manna na neak tu in hong pia hi. Hi mihingte in a nuntak natu an bek suang ngawl het tu a, Topa ci theampo suang tu a hina thu hong hil nuamin ama in hi bang hong vawt hi.

Joshua 7:7

Tuaciang Joshua in, “Vaanglianpipa Topa awng! Banghang peuma in Jordan ngun hong kaantansak ni ziam? Amor mite khut sungah hong aap tu in maw? Hong mot tu in maw? Banghangin Jordan ngun langkhat ah om po ngawl ka na khu ziam?