Pusuana 16:15 - Syin Chin Bible

¹⁵ Israel te in tuasia a mu ciang he ngawl ahikom khat le khat kidongh in “Hisia bangziam?” ci uh hi. Moses in amate tungah, “Hisia in Topa ii note neak tu in hong piak an ahi hi.

Pusuana 16:15 Iomraidhean Croise

Nehemiah 9:15

“Amate a ngilkial ciang vantung pan anluum na pia a, a dangko ciang suang sung pan tui na pia hi. Amate tungah piak tu in na kamciam sa ngam le lei uk tu in amate na sawl hi.

Nehemiah 9:20

Na phatna taw a sep tu te na son a; manna taw vaakin a neak tu tui na pia hi.

Psalm Late 105:40

Amate in ngen a, ama in vamimte puak hi; ama in amate lungkim natu in vantung pan an khiak hi.

Psalm Late 78:24

Ama in vantung panin amate antang pia a, amate neak tu in manna khiaksuk hi.

Pusuana 16:31

Israel mite in tua an sia manna ci uh hi. Tua manna sia ancii kaang no khat taw kibangin, khuaitui taw kivawt moh bangin lim hi.

Pusuana 16:33

Moses in Aaron tungah, “Beal khat la in, tua ii sungah manna litre 2 dim koi in a, ih suan ih paalte atu in Topa ompuina ah koi ta'n,” ci hi.

Pusuana 16:4

Topa in Moses tungah, “Tu in note theampo atu van pan an, ngua bangin kong zusak tu hi. Mihingte ni sim pusuak nanak in tua ni a khamkhop tu tawm tu hi. Tuabangin, kong sonnate a zui ziam, ka sit thei tu hi.

Paunakte 9:5

“Hong pai tavun a, ka an ne in, ka hel sa sapittui ne vun.

Mi Simna 21:5

Pathian le Moses langpanin sonsia uh hi. Amate in, “An le tui om ngawlna hi mun sennealngam sungah a thi tu in banghang Egypt ngam pan hong pusuapui ni ziam? An lim ngawl hi bang te po ka ne zo buatu uh hi!” ci in phunsan uh hi.

Luke 12:30

(Banghang ziam cile leitung ah, Pathian a he ngawlte in, hi bang teng thinbot in nei uh hi.) Na Pa in hite na kisap hunlam uh hong he hi.

John 6:49

Na taanghpupite in sennealngam sungah manna ne uh hi, ahihang amate thi hi.

John 6:58

Tua hi a, hisia in vantung pan hong paisuk anluum ahi hi; na taanghpupite neak anluum taw kibang ngawl hi. Amate in ne in thi veve hi, ahihang hi anluum a nete in, a tawntungin nungta tu uh hi,” ci hi.

1 Corinth te 10:3

A vekpi in thaa anluum a kibangin ne uh a,

Thuhil kikna 8:16

Sennealngam sungah na taanghpupite ii a neak ngeingawl uh ahi manna sia na neak tu in hong pia hi. Ama in a khak sangah thupha hong piak thei natu in haksatnate taw hong ze et hi.

Thuhil kikna 8:3

Ama in note hong ngilkialsak a, tua zawkciang noma le taanghpupite neak ngeingawl manna na neak tu in hong pia hi. Hi mihingte in a nuntak natu an bek suang ngawl het tu a, Topa ci theampo suang tu a hina thu hong hil nuamin ama in hi bang hong vawt hi.

Hebrew te 9:4

Tua ii sungah sathau namtui halna, khamh biaknatau le, khamh taw a kituam Thuciamna Thingkuang om a, a sungah manna koina khamh uum le a teeno a suak Aaron ciangkhut le thupiakte a ki atna suangpheak niite om uh hi.

Joshua 5:12

Tuasia hunin manna an hong taak nawn ngawl a, Israel te in bangma a nei nawn bua uh hi. Tua hun pan kipan Canaan ngam ah a kiciing ante a ne uh hi.

Thupualaakna 2:17

“Bil na nei uh le pawlpite tungah Thaa thusonnate ngai vun! “Zawna a nga mihingte tungah a kiseal manna an pawlkhat ka pia tu hi. Amate khat tek tungah, a saangte ngawl po kuama dang ii heak ngawl minthak a ki at suangpheak khat tek ka pia si tu hi.