Pusuana 15:26 - Syin Chin Bible

²⁶ Ama in, “Keima ii maan ka sak sia na vawtna uh taw ka thu nong ni siat uh a, ka thupiakte na zui uh le Egypt te tungah ka tunsak natnate khat zongh kong tungsak buatu hi. Keima in Topa note hong damsakpa “Jehovah Rapha” ka hi hi,” ci hi.

Pusuana 15:26 Iomraidhean Croise

1 Kumpite 11:33

Hi bangin seam tu khi hi, banghang ziam cile Solomon in kei hong nial in ngamdang pathiante: Sidon te ii numeipathian Astarte;, Moab te ii pathian Chemosh; Ammon te ii pathian Molech te bia hi. Solomon in ka thu hong ni ngawl hi; ama in khialna vawt zo hi, a pa David ii a zui bangin ka thukhamte le ka thupiakte zui ngawl hi.

1 Kumpite 11:38

ka thu a cing takin nong ni a, ka thukhamte taw nungta in, ka thupiak sia David ii hong nit bangin nong ni le nang taw kong omkhawm tawntung tu hi. Israel kumpipa kong suaksak tu a na suan le na paalte in nang zawkciang, David a tu ka vawt bangma in, ka uksak tu hi.

2 Kumpite 2:21

tuaciang ama in cik ah pai in, tui sungah a ci lawn a, “Hisia Topa ii kammal hi: ‘Tui hisia thiangthosak khi hi, tua tui in thina ahizong, nautolna ahizong piangsak nawn ngawl tu hi,’ ” ci hi.

2 Kumpite 20:5

Topa in mite a ukpa Hezekiah kungah Isaiah pai kik in sawl a, ama munah, “Kei, Topa, na taanghpupi David ii Pathian in na thungetna kong za zo a, na thitui luan ka mu zo hi. Nang hong damsak tu khi hi, tuaciang tu zo ni thum ciangin Biakinnpi ah pai tu ni hi.

2 Kumpite 22:2

Josiah in Topa ii diksak te vawt hi; ama in a taanghpupi David ii lamlak bangin ngamta a, Pathian thukhamte theampo belcing takin zui hi.

Job 5:18

Pathian in ama liamsuate ii meimate tuamsak hi; a khut taw nang hong nasak a, a khut taw nang hong damsak hi.

Psalm Late 103:3

Ka mawna theampo ama in hong maisak a, ka natna theampo hong damsak hi.

Psalm Late 147:3

Ama in thin kitamhte damsak a, a liammate tuamsak hi.

Psalm Late 81:9

Note in pathian dang peuma na bia ngei buatu uh hi.

Pusuana 12:29

Zankim laitak Topa in Egypt ngamsung tapaciil theampo, kumpi tokhum a lua tu kumpipa tapa pan kipan leinuai khuazing sung thongtaakte ii tapate dongin that siat a; nganno suakciil theampo zongh that hi.

Pusuana 19:5

Tu in ka thu hong ni in ka thuciamnate na zui uh le keima aituam mite hi tu nu hi. Leitung buppi keima aa hi a, ahizong note sia keima tealtuam mite na hi tu uh hi,

Pusuana 19:6

keima tung bek ah hong ki aap minam khat na hi tu uh a, thiampite bangin ka na nong seam tu uh hi.”

Pusuana 20:2

“Keima in note saltanna Egypt pan hong pusuapui Topa na Pathian ka hi hi.

Pusuana 23:25

Topa na Pathian keima nong bia uh le an le tui taw thupha kong pia tu a, note natna theampo kong laaksak siat tu hi.

Isaiah 55:3

“Tu in ngai vun, ka mite awng, ka kungah hong pai tavun; ka kungah hong pai tavun tua hile nuntakna na nga tu uh hi! Note taw thuciamna kho khat ka vawt tu a, David tungah ka kamciamsa thuphate kong pia tu hi.

Isaiah 57:18

“Amate ngamtatnate ka mu zo hi, ahihang amate ka damsak tu hi. Amate lampui in hu in, a hee a kapte ka heeneam tu hi.

Jeremiah 11:7

A taanghpupite Egypt ngam pan ka paipui lai in, ka thu hong nit natu in amate nasia takin ka hil a, tuni dong ma a kidop natu in ka hihil lai hi.

Jeremiah 17:24

Ka thu piak theampo a zui nanak natu in hi mite tungah son in. Amate in Sabbath ni in hi khuapi kongpite kaantan in bangma tumpui ngawl het tu hi. Amate in Sabbath sia ni thiangtho khat in tang tu a, na bangma seam ngawl het tu uh hi.

Jeremiah 30:17

No kong damsak kik tu hi; Na ngalte in, ‘Zion sia a kipuavawk sa khat hi a; kuama in awlmaw ngawl uh hi,’ a ci tazong na liammate ka damsak tu hi. Keima, Topa in ka son zo hi,” ci hi.

Jeremiah 33:6

Ahihang hi khuapi le a mite ka puuapha kik tu hi, ciidamna amate ka pia kik tu hi. Amate a kicing thinnopna le ngammuanna ka lak tu hi.

Jeremiah 7:23

Ahihang keima in amate ii Pathian ka hi natu le amate sia keima ii mite ahi natu in ka thu a nit natu thu ka piak ma ahi hi. Tuaciang ka thupiak bangin a nuntak thei natu in amate tungah ka son hi, tua hile amate a maivang tu uh hi.

Jeremiah 8:22

Gilead ah zatui om ngawl ziam? tua munah syavuan te om ngawl ziam? Tua ahile banghangin, ka mite kidamsak ngawl thong ziam?

Ezekiel 18:5

“Mihing a pha takpi khat om ci in ngaisun tawng.

Hosea 11:3

Ahitazong, Israel lampai tu a hil sia keima ka hi hi. Ka mite ka khut sungah ka toai hi, ahihang keima ii ka khoi hunlam amate in tel ngawl hi.

Hosea 6:1

Mite in, “Topa kungah heak kik tawng! Ama in ei hong liamsak zo a, ahihang ama in hong damsak kik nanak tu hi; ama in hong liamsua zo a, ahihang ama in ih liammate hong tuamsak tu hi ngawl ziam?

Thiampite 26:13

Keima Topa na Pathian in sila na hi nawn ngawl natu in Egypt pan kong pusuapui hi. Keima in no hong neng suk vaangletna sia ka sumai zo a, vandak sa in hi vaviau in kong kalsuansak zo hi.

Thiampite 26:3

“Ka thukham bang nungta in ka thupiakte na zui uh le,

Mi Simna 12:13

Tua ahiciang Moses in Topa biakpui a, “Pathian awng, Miriam damsak in!” ci hi.

Thuhil kikna 12:25

Hi thupiak na zui uh le Topa lungkim tu a, nangma le na suan na paalte theampo na ma uh vang tu hi.

Thuhil kikna 12:28

No tungah kong thupiak theampo thumaan takin zui vun, tua hile nangma le na suan na paalte a tawntungin na ma uh vang tu hi, banghang ziam cile noma in a maan nate le Topa na Pathian a lungkimsak nate a seam tu na hi uh hi.

Thuhil kikna 13:18

na taanghpupite tungah a kamciamsa bangin note hong hesuak in, note hong pungsak tu hi.

Thuhil kikna 28:27

Topa in Egypt te tungah a tunsak bangma in note uilut hong veisak tu hi. Ama in na pumpite matum veisak tu hi. Cithak natna vei in thak na sa tu uh a, ahizong dam thei ngawl tu hi.

Thuhil kikna 28:58

“Hi thubu sungah a ki at Pathian ii hong hilciannate theampo thumaan takin ni ngawlin a lamdang a kiitakhuai Topa na Pathian ii min na zatak vawt bua uh le,

Thuhil kikna 28:60

Egypt ah noma thuaksa a lauhuai natnate theampo ama in khatvei hong tungsak kik tu a, na dam kik ngei buatu uh hi.

Thuhil kikna 32:39

“ ‘Keima, keima bekma Pathian ka hi hi; pathian tatak a dang om ngawl hi. Ka thatlum a, nuntakna ka pia hi, ka liamsak a, ka damsak hi, ka nasepte kuama in hong nalh thei ngawl tu hi.

Thuhil kikna 5:1

Moses in Israel mite theampo samin amate tungah, “Israel mite awng, tuni in kong piak thukham theampo ngai vun. Sin vun a, pha tak zui vun.

Thuhil kikna 7:15

Topa in natna theampo pan hong dal tu a, Egypt ah na thuak uh a kiitakhuai natnate khat zongh no tungah hong tungsak ngawl tu a, ahizong na ngalte theampo tungah tuate tungsak tu hi.