Pusuana 15:25 - Syin Chin Bible

²⁵ Moses in thinsung tak taw, Topa tungah thungen hi, Topa in thingbek khat lak a, tua thingbek tui sungah a lot ciang tua tui neakthei suak hi. Topa in tua munah a nuntakpui tu thukhamte pia in, amate ze et si hi.

Pusuana 15:25 Iomraidhean Croise

2 Kumpite 2:21

tuaciang ama in cik ah pai in, tui sungah a ci lawn a, “Hisia Topa ii kammal hi: ‘Tui hisia thiangthosak khi hi, tua tui in thina ahizong, nautolna ahizong piangsak nawn ngawl tu hi,’ ” ci hi.

2 Kumpite 4:41

Elisha in, an tawm ngenin beal sungah tha hi, tuaciangin ama in, “Amate ii neak tu satui tawm thuuk thua lai vun,” ci hi. Tua zawkciang satui sia bangma siat huai nawn ngawl hi.

2 Kumpite 6:6

Elisha in, “Koisung santak ah taak ziam?” ci in dongh hi. A taakna san a lak ciang Elisha in ciangkang khat saattan in, tui tungah a lot le a heitang tui tungah hong kilaamto hi.

Psalm Late 50:15

Ngimna hong pai ciangin keima hong ko tavun; Noma kong hun tu a kei nong pok tu uh hi.”

Psalm Late 66:10

Pathian awng, kote hong sit zo ni hi; ngunn sia meisa taw a kithiansak bangin kote nong sittel zo hi.

Psalm Late 81:7

Ngim na nga laitakin nong sam uh a, kong hun hi. Ka bukna vuipi sung panin kong zo a, Meribah cikte ah note kong ze et hi.

Psalm Late 91:15

Kei hong biapui ciangin amate ka zo tu hi; ngim a nga ciangin amate taw ka omkhawm tu hi. Amate ka suatak tu a, ka upat tu hi.

Psalm Late 99:6

Moses le Aaron in ama ii thiampite hi a, Samuel sia ama tungah thu ngen pa ahi hi; amate in Topa biakpui a, ama in zo kik hi.

Pusuana 14:10

Israel te in kumpipa le a ngalkaphonpi in a del a mu ciang lau mama a, Topa tungah huna ngen in au uh hi.

Pusuana 16:4

Topa in Moses tungah, “Tu in note theampo atu van pan an, ngua bangin kong zusak tu hi. Mihingte ni sim pusuak nanak in tua ni a khamkhop tu tawm tu hi. Tuabangin, kong sonnate a zui ziam, ka sit thei tu hi.

Pusuana 17:4

Moses in nasia takin Topa tungah thungen in, “Hi mihingte bang law tu khi ziam? Suang taw hong deang dektak zo uh hi,” ci hi.

Pusuana 20:20

Moses in, “Lau heak vun! note na khial ngawl natu hong sit tu in Pathian hong pai hi bek a, ama thu ni tawntung tu in hong vawt hi,” ci in zo kik hi.

Paunakte 17:3

Khamh le ngunn sia mei taw hal in kisit hi, Topa in mihing khat ii thinsung sit hi.

Jeremiah 15:1

Tuaciang Topa in kei tungah, “Moses le Samuel ngawngawn hi munah dingin ka tungah hesuak hong ngen hial zongh in, hi mihingte tungah hesuakna ka nei tuan buatu hi. Amate paisak vun; ka muna ah omsak heak vun.

Jeremiah 9:7

Tua ahikom Vaanglianbelpa Topa in, “Ka mite leisung sumpiang bangin ka thiangsak tu a, ka sittel tu hi. Ka mite in a sia vawt zo a — amate bang law tuan thei tu khi ziam?

Ezekiel 47:7

tua mun ka thet ciang, thingkung tam mama ngunvaal lang le lang ah a om ka mu hi,

Ezekiel 47:8

Ama in kei tungah, “Hi tui sia nisuana sang tawnin Jordan Kuam le Tuipi Thi dongah luang suk hi. Tuipi Thi sungah a tum suk ciang, tua tuipi tui al sia tuithiang taw lai hi.

1 Corinth te 1:18

Banghang ziam cile a mangthang mihingte atu in thinglamtee tungah Christ ii thina thu sia, luithawthong thu ahi hi, ahizong ngupna a nga eite atu in Pathian ii vaangletna ahi hi.

Thuhil kikna 13:3

ama awlmawk heak vun. Topa sia na thin theampo taw na it takpi ziam ci in hong heak nop manin, Topa na Pathian in tua pa zangh in hong ze et ahi hi.

Thuhil kikna 8:16

Sennealngam sungah na taanghpupite ii a neak ngeingawl uh ahi manna sia na neak tu in hong pia hi. Ama in a khak sangah thupha hong piak thei natu in haksatnate taw hong ze et hi.

Thuhil kikna 8:2

A bosa kum sawmli sung Topa na Pathian in sennealngam hong kaantan pui in, hi khual khuala hong hawsak a, hong thupiakte zui nuam ziam, zui nuam ngawl ziam ci in, na thinsung na ngaisutnate he nuamin haksatna hong tunsaknate phawk vun.

Thukhente 2:22

A taanghpupite vawt bangma in hi Israel mite in ka zia hong zui ziam hong zui bua ziam ka heak natu in amate zangh tu khi hi,” ci hi.

Thukhente 3:1

Tua ahikom, Topa in Canaan ah ngal kisimnate a he ngawl Israel te a ze et natu in minam pawlkhat taangsak lai hi.

Thukhente 3:4

Moses tungtawnin Israel mite in a taanghpupite tungah Topa ii thupiakte a ni ziam a ni bua ziam ci in Israel a ze et natu in amate a taanglai ahi hi.