Pusuana 15:22 - Syin Chin Bible

²² Tuaciang Moses in Israel mite San Tuipi pan Shur sennealngam ah paipui hi. Ni thum sung sennealngam sungah pai a, ahizong tui mu ngawl uh hi.

Pusuana 15:22 Iomraidhean Croise

Pianciilna 16:7

Topa vantunglalang sia Shur paina lampi senneal ngamsung ciktui khat ah Hagar taw kisi a,

Pianciilna 20:1

Mamre pan Canaan thangsang ah Abraham kikhiin suk a, Kadesh le Shur kilaklaw ah teang hi. Tua zawk Gerar ah a teen lai in,

Pianciilna 25:18

Ishmael ii suan le paalte sia Egypt nisuana sang Assyria paina lampi, Havilah le Shur kilaklaw ah teang uh hi. Abraham suan le paal dangte taw kikhenin a tuamin teang uh hi.

Psalm Late 136:16

Ama in a mite sennealngam kaantan in lampui hi; ama ii itna kip tawntung hi.

Psalm Late 77:20

Nangma in Moses le Aaron ii a uk, na mite sia tuucingpa bangin lam na pui hi.

Psalm Late 78:52

Tuaciangin ama in tuucingpa bangin a mite lampui in pusuapui a, sennealngam kaantan pui hi.

Psalm Late 78:53

Ama in amate ngammuang takin lampui a, amate a lau bua uh hi; ahihang tuipi in a ngalte khulum hi.

Pusuana 17:1

Israel mi bup in Sin sennealngam nusia in Topa thupiak bangin mun khat pan mun khat ah kikhiin uh hi. Rephidim ah ngiaphual saat a, ahizong tua munah neak tu tui om ngawl hi.

Pusuana 3:18

“Ka mite in nangma thuson hong ngai tu uh hi. Tua zawkciang Israel lampuite taw Egypt kumpipa kungah pai in a, ama tungah, ‘Hebrew te ii Pathian Topa sia kote tungah ama le ama hong kilaak zo hi. Tu in sennealngam sungah Topa, kote Pathian tungah sangaw biakpiakna ka piak thei natu uh in, kote ni thum sung khual hong hawsak ta'n,” ci tu ni hi.

Mi Simna 33:8

Amate Pi Hahiroth nusia in, San Tuipi kaantan in Shur sennealngamsung theng uh hi; ni thum sung a pai zawk uh ciang Marah ah ngiaphual saat uh hi.

1 Samuel 15:7

Saul in Amalek te, Havilah pan Egypt nisuana Shur dongin zo a;

1 Samuel 27:8

Tua hun sung tengin David le a mite in tua Geshur, Girzi, le Amalek ngamkhente sungah khuangeipi a teang sa mite sim uh hi. Ama in amate ii ngam sia Shur dong, Egypt paina lamdung theampo simsuk hi,