Pusuana 15:18 - Syin Chin Bible

¹⁸ Topa awng, nangma sia a tawntung le a tawntungin kumpi na hi tu hi.”

Pusuana 15:18 Iomraidhean Croise

Pianciilna 21:33

Tuaciang Abraham in Beersheba ah makeang kung khat suan a, Tawntung Pathian, Topa bia hi.

Psalm Late 10:16

Topa in a tawntung a tawntungin kumpipa ahi hi; pathian dang a biate sia ama ii leitang tung panin mong tu hi.

Psalm Late 146:10

Topa sia a tawntung kumpipa ahi hi. Zion awng, na Pathian sia hun theampo ah maang tu hi. Topa pok vun!

Psalm Late 29:10

Topa in kumpi a hina taw tui thukte a tawntungin uk hi.

Psalm Late 9:8

Ama in thutang taw leitung uk a; ama in minamte thukhaikim taw thukhen hi.

Isaiah 57:15

“Keima in a saang le a thiangtho, a tawntung a nungta Pathian ka hi hi. Keima in a saang le a thiangtho na munah ka teang hi, ahihang mite ii hong muanna le lametna a nga kik thei natu in mawna kisiik kik a, a kiniamkhiak vadeam mite taw zongh in ka teang khawm hi.

Daniel 2:44

Tua ngamukte hun sungin, vantung Pathian in a bo ngeingawl tu kumpi ngam khat phut tu hi. Tua ngam sia kuama in zo zo ngawl tu a, ahizong tua ngam in kumpi ngamliante theampo zo ngawpin kip tawntung tu hi.

Daniel 4:3

“Pathian ii eite hong lak nalamdangte lian lawlawm hi! A vawt nalamdang laknate vaang nei lawlawm hi! Pathian sia a tawntungin kumpi hi a; ama in a tawntungin uk tu hi.

Daniel 7:14

Ngam theampo, minam theampo le paunam theampo pan mite in ama ii na a sep natu in ama sia thu neina, upatna le kumpi vaangletna kipia hi. A thuneina in a tawntungin kip tu a, a kumpi ngam bo ngeingawl tu hi.

Daniel 7:27

Leitung kumpi ngam theampo ii vaang le a letna sia Lianbel Pathian ii mihingte tungah kipia tu hi. Amate kumpi vaang sia bo ngeingawl tu a, leitung a ukte theampo in amate na sepsakin a thu ni tu uh hi,” ci hi.

Matthew 6:13

Ze etna haksa hong thuaksak heak in a, Ngilopa ii khutsung pan hong tan ta in. Uk zawkna, vaangletna le minthanna Nang aa hi tawntung tahen, Amen.

Thuhil kikna 33:5

Tua nam teng le a lampuite a kikaikhop ciang, Topa sia ama ii Israel mite kumpi suak hi.