Pusuana 15:17 - Syin Chin Bible

¹⁷ Nangma in amate paipui in na mual tungah na omsak hi, Topa awng, tua mun sia nangma tatak ii na saksa Biakinnpi, na inn atu in na tealna mun ahi hi.

Pusuana 15:17 Iomraidhean Croise

2 Samuel 7:10

Ka mi Israel te ten natu mun khat ka teal zo a, tua munah amate kinengniam nawn ngawlin nungta tu uh hi. Ngam hisia sungah amate hong tum pan kipan mihing ngoltolte in sim tawntung ahihang hi bangte piang kik nawn ngawl tu hi. Na ngalte kung pan kong kepcing natu le suan le paal na nei natu in kamciam kong pia zo hi.

1 Kumpite 8:13

Tu in a tuanngen biakinn khat nang atu kong saksak zo hi, a tawntungin na ten natu mun ahi hi.”

Psalm Late 114:2

Judah sia Topa ii minam thiangtho suak a, Israel te sia ama ii neisa suak hi.

Psalm Late 2:6

Ama in “Ka mual thiangtho Zion ah ka kumpipa ka koi zo hi,” ci hi.

Psalm Late 44:2

Nangma mama in Pathian he ngawlte bangbang na notkeak a, amate ii leitang tungah na mite bangbang na koi a; minam dangte bangbang daan pia in, na mite bangbang khangtosak ci thu ka za uh hi.

Psalm Late 68:16

Banghangin a nasia na mualdawn saangte panin Pathian ii a ten natu a teal mualtung sia zawnsakna taw en ni ziam? Topa sia tua munah a tawntungin teang tu hi!

Psalm Late 76:2

Jerusalem ah ama ii inn om hi; Zion Mual tungah teang hi.

Psalm Late 80:15

Hong pai ta'n a, hi na suan sa sapitkung le a limcii tu na suan sapitkung moi sia hong hung ta'n!

Psalm Late 80:8

Nangma in sapitkung khat Egypt panin na la a, minam dangte hawlkeak in amate leitang tungah tuasia na suan hi.

Pusuana 15:13

Na kamciam bangin na thumaan a, na suatak sa mite lam na pui hi; na thahatna taw na ngam thiangtho ah amate lam na pui hi.

Pusuana 23:20

“Na khualhawna ah hong cing tu le ka vawtkholsa munah hong paipui tu in na mai ah vantunglalang khat ka paisak tu hi.

Pusuana 25:8

Amate sungah ka teen thei natu in, kei atu in mite in puanbuk thiangtho khat vawt tahen.

Pusuana 32:34

Tu in pai in kong sonna munah mihingte paipui in. Ka vantunglalang in lam hong lak tu phawkin a, ahizong a hun a cin ciang hi mihingte a mawna daan ka pia tu hi,” ci in zo hi.

Jeremiah 2:21

A ci phabel sung pan deiteal sapitkung khat taw kibangin nang kong suan zo hi. Ahihang bang suak zo ni ziam en in! A muatcip, kimanna nei ngawl sapitkung taw na kibang hi.

Jeremiah 31:23

Vaanglianbelpa Topa Israel ii Pathian in, “Mihingte a ngam ka piak kik ciang, Judah ngamsung le a khuate sungah amate in, ‘Topa in Jerusalem mual thiangtho, ama teenna mun thiangtho sia, thupha pia tahen’ khatvei ma ci kik tu uh hi.

Jeremiah 32:41

Amate atu in naphate ka vawtna ah dik ka sa tu a, hi ngam sungah amate ka teang suaksak tu hi.

Ezekiel 37:26

Amate a tawntung ngammuangin a omsak thuciamna khat amate taw ka vawt tu hi. Amate ka kipsak tu a, a mite pungsakin, ka Biakinnpi sia a ngam sungah a tawntung a om tu in ka koi tu hi.

Ezekiel 37:28

Ka Biakinnpi sia amate sungah a tawntung atu ka phu ciang, minamte in Keima, Topa in Israel sia keima mi in ka teal hunlam hong he tu uh hi,” hong ci hi.

Thuhil kikna 33:19

Amate in a mual tungah ngamdang mite sam a, tualai ah a maan sangaw biakpiaknate pia hi. Amate in a hauna sia tuipi pan le tuipi hui sen panin nga uh hi,” ci hi.

Joshua 22:19

Tu in, na ngam na lei uh sia biakpiak natu in citaak sa ngawl na hi uh le ama Puanbuk omna Topa ii leitang tungah hong pai tavun. Ko sungah leitang pawlkhat sia ko aa hi hong ci tavun. Ahizong Topa ih Pathian biaknatau sia belapna in biaknatau khat a kisakna taw in Topa langpanin leedo heak vun, ahibuale ko zongh a leedote hong suaksak heak vun.