Pusuana 15:16 - Syin Chin Bible

¹⁶ Launa le patauna amate tungah theng hi; Topa awng, amate in na thahatna mu uh hi, saltanna pan na suatak na mite ii a kaantan zawk mateng amate launa taw cimaw in ding uh hi.

Pusuana 15:16 Iomraidhean Croise

Pianciilna 35:5

Jacob le a tapate vaiding tu a kipat lai in, khua naina tengah a teang mite tungah launa lian tung ahikom khua mite in amate del ngawl uh hi.

2 Samuel 7:23

Nangma mi tatak a suak tu in na suatak Israel bang peuma leitung ah a dang minam om ngawl hi. Amate atu in na vawt a lian le a lamdang nate in na minthanna leitung buppi kizelsak hi. Egypt ngam pan nangma mi tu in na suataksak na mite maisang a nawk ciangin minam dangte le a pathian te na notkeak hi.

Psalm Late 105:38

Egypt te in amate kiita ahikom amate ii a nusiat ciangin a lungdam uh hi.

Psalm Late 74:2

Khuangei lai pek a, nangma mama atu na tealsa mihingte phawk in, saltanna sung pan nangma minam tu a, na tat sate phawk in. Khatvei lai a, na teenna mun Zion Mual sia phawk in.

Psalm Late 89:14

Na kumpi ngam sia thumaan le thutang tungah kidoppha hi; itna le thumaanna sia na sep na vawt theampo ii sungah kilangh hi.

Pusuana 11:7

Ahizong Israel te ahibuale, a ngannote ahile ui ngawngawn in nak ngawl tu hi. Tuasia ciang Keima Topa ii Egypt te le Israel te kilaklaw ah kilamdanna khat ka vawt na he tu uh hi, hong ci hi,” ci hi.

Pusuana 15:13

Na kamciam bangin na thumaan a, na suatak sa mite lam na pui hi; na thahatna taw na ngam thiangtho ah amate lam na pui hi.

Pusuana 15:5

Tuipi thuk in amate khuum hi; tuipi taw ah suangtum bangin tumsuk uh hi.

Pusuana 15:6

“Topa awng na khut ziatsang, thahat in lamdang a; tua khut in ngalte semtham hi.

Pusuana 18:8

Moses in Jethro tungah Topa ii Israel te a hut natu in kumpipa le Egypt mihingte tungah a vawt theampo son hi. Lampi ah mihingte in haksatna a thuakna le Topa ii a hutna teng zongh son hi.

Pusuana 20:2

“Keima in note saltanna Egypt pan hong pusuapui Topa na Pathian ka hi hi.

Pusuana 23:20

“Na khualhawna ah hong cing tu le ka vawtkholsa munah hong paipui tu in na mai ah vantunglalang khat ka paisak tu hi.

Pusuana 23:22

Ahizong ama ii thu ni in kong thupiak theampo na seam uhle na ngalte theampo kong simsak tu hi.

Pusuana 23:27

“No hong langpan mihingte in keima hong kiitak natu in ka vawt tu hi; na do ngalte sungah buaina ka omsak tu a, note kung pan na ngalte theampo kilee in ka taisak siat tu hi.

Pusuana 6:7

Note keima mihing kong suaksak tu a, keima in note Pathian ka hi tu hi. Egypt saltanna pan kong suataksak ciang na Topa na Pathian ka hina nong he tu uh hi.

Isaiah 51:10

Na hutsa mite in tui a kaantan thei natu in, tui kaantanna lampi khat vawt a, tuipi a kangsak sia zongh nangma na hi hi.

Isaiah 63:12

Ama minthan tawntung natu in Moses tungtawnin a vaangletna taw na lian a seam pa, tuipi tuite khen a, tuithuk kaantan in a mite lam a pui pa Topa koi sungah om ziam?” ci in dongh uh hi. Topa in lampui a, amate sia ngam siphu bangin a peang sina kho mama a, lutu ngeingawl hi.

Jeremiah 31:11

Israel mite ka suaktasak zo a, a thahat minam khat ii khut sung panin ka hun zo hi.

Ezekiel 16:8

“Nang kaantanin kong pai kik ciang, ngual taw a kidei thei tu na hi hun hong theng zo na hi sia kong mu hi. Na pumnguaktang sia ka laktong puasilh taw kong khu a, itna kamciam kong pia hi. Hi hi, nangma taw kiteenna thuciam kong pia a, nang sia keima aa na suak hi,” ci hi. Hisia Vaanglianpipa Topa son teng ahi hi.

Sawltakte 20:28

Tua ahikom noma le noma kikeam tavun a, Thaa Thiangtho ii noma khut sung a hong aap tuuhonte zongh en in keam tavun. A Tapa ii chisan tungtawnin, ama atu a piansak Pathian ii pawlpi ii tuucingte na hi tavun.

Thuhil kikna 11:25

Tua ngamsung na paina po ah Topa na Pathian ii hong kamciam bangin ama in, mihingte ii kiitak hong hisak tu uh a, kuama in note hong khaam zo buatu uh hi.

Thuhil kikna 2:25

Tuni a kipan mun theampo ah mihingte in note hong kiita tu in ka vawt tu hi. Na min uh a kilaw ciang mihing theampo lau in liing tu uh hi,’ hong ci hi.

Thuhil kikna 2:4

Ama in a nuai a hilnate note tungah son tu in keima hong sawl a: ‘Na bee dawnte ma ahi Esau ii suan le paalte ngam, Edom mualtung ngam kaantan in na pai tu uh hi. Amate in no hong kiita tu uh a,

Thuhil kikna 32:6

A mawmaw, khuangaisut nei ngawl mite awng, hi bangin Topa vawt tu nu ziam? Ama sia no hong Bitphua pa, na pa uh hi a, minam khatin hong vawt pa ahi hi.

Thuhil kikna 32:9

ahizong Jacob suan le paalte sia ama atu in teal hi.

Titus 2:14

Seksolna theampo pan ih suatak natu le ama bek ii neisa hi in, a pha sep tu a lawp, a thiangtho mite hong suasak natu in ama le ama sia ei atu hong kipia hi.

Joshua 2:9

hi bangin ci hi; “Topa in hi ngam sia no hong pia zo hi ci in ka he hi. Ngamsung mite khat simin no hong kiita vadil hi.

Joshua 4:24

Hi sia hu in leitung mi theampo in Topa ii vaangletna sia bangza in lian ci in he tu a, tuaciang note in Topa na Pathian sia a tawntungin na zatak vawt tu uh hi,” ci hi.

1 Peter 2:9

Ahihang note sia a kiteal sa minam, Kumpi thiampite, a thiangtho minam, Pathian ii aituam mite, khuazing sung pan a lamdang ama ii khuavak sungah nang hong sam pa Pathian ii a lamdang ngamtatnate a thangsak tu a hong tealsate na hi uh hi.

2 Peter 2:1

A bosa hun in mihingte sungah kamsaang maan ngawlte piang hi, tuasia bangma in no sung zongh sya maan ngawlte hong piang tu hi. Amate in hong lalsak thei upna thubul maan ngawlte hong keng tu a, amate a tan Topa nial tu hi, tuasia ciang thakhat thu in, amate le amate kilalsua tu hi.

1 Samuel 2:9

“Ama in a thumaan a mite ii nuntakna dal hi, ahihang a seksolte sia khuazing sungah mang hi; mihing khat in ama hantang tha ngum hatna taw mualsuak zo ngawl hi.

1 Samuel 25:37

A zukham hong thai ciang ama in thu theampo son hi. Thakhatin ama sia pumzaw natna hong nga a, a tung thei nawn bua hi.