Pusuana 15:15 - Syin Chin Bible

¹⁵ Edom lampuite lau mama uh a; Moab mi thahat te liing uh hi; Canaan mite in a thinhanna teng bosua hi.

Pusuana 15:15 Iomraidhean Croise

Pianciilna 36:15

Esau suante sia hi minamte ahi uh hi. Esau ii ta masabel Eliphaz sia a nuai a minamte ii pianna taanghpupi ahi hi. Tua minamte sia Teman, Omar, Zepho, Kenaz,

Pianciilna 36:16

Korah, Gatam le Amalek te ahi hi. Hite sia Esau ii zi Adah ii suan le paalte ahi hi.

Pianciilna 36:40

Esau sia a nuai a Edom minamte ii pianna taanghpupi hi a: tuate sia, Timna, Alvah, Jetheth, Oholibamah, Elah, Pinon, Kenaz, Teman, Mibzar, Magdiel le Iram ahi hi. Hi minamte teenna, a mun a ngam tek sia minam min zui in kilo hi.

2 Samuel 17:10

Tawpite bangin kiitak a nei ngawl a hangsan belte ngawngawn lau tu hi, banghang ziam cile Israel ngam a om a kuama po in na pa sia ngalkap lian khat hi a, a mite zongh ngalsim a hatte vive hi ci in he uh hi.

Psalm Late 48:5

Ahihang tuasia a mu uh ciangin lamdang sa hi; amate lau in taikeak uh hi.

Psalm Late 68:2

Meikhu a kiseamkeak bangin amate hawlkeak hi; khuainunte meikuang mai ah a tuithap bangin, mihing seksolte Pathian mai ah a mangthang uh hi.

Isaiah 13:7

Mihing theampo ii khutte zaw vanek tu a, a thinhanna uh kiam tu hi.

Isaiah 19:1

Hisia sia Egypt ngam taw kisai thupuak ahi hi. Topa sia meei tungah to in, manlang mama in Egypt ngam ah hong pai hi. Ama mai ah Egypt milimte liingin, Egypt mihingte a hanna bo hi.

Jeremiah 49:23

Topa in Damascus ii thu hi bangin son hi: “Hamath le Arpad khuapite sungah a teang mihingte sia thusia a zaak uh manin patau a, thinngimin om uh hi. A patauna te tuipi bangin amate tungah kiliim a, thim om thei ngawl uh hi.

Ezekiel 21:7

Amate in banghangin tau ni ziam hong ci ciangin, hong tung tu thu hang hi ci in. Tua thu hong tun tak ciang a mate launa taw kidim tu a, a khutte zaw in a thin letna bo tu a, a khupte liing tu uh hi. A hun hong theng zo hi; tu hun ahi hi,” Vaanglianpipa Topa in pau zo hi.

Nahum 2:10

Nineveh sia kisusia in, kinusia a, ngamkhing hi! Launa taw thin tamhtham a; khupte liingin, a thahatna bo hi; maitangte daang hi.

Habakkuk 3:6

Ama a tawlngak ciang, leitung kithing a; Ama ii a et ciang minamte liinglawng hi. A tawntungin a om mualte kektham a; taanghlai hunin, a va ngeina mualte, a kip tawntung mualte kiasuk hi.

Habakkuk 3:7

Cushan mite launa ka mu a, Median mite liinglawng uh hi.

Thuhil kikna 2:4

Ama in a nuai a hilnate note tungah son tu in keima hong sawl a: ‘Na bee dawnte ma ahi Esau ii suan le paalte ngam, Edom mualtung ngam kaantan in na pai tu uh hi. Amate in no hong kiita tu uh a,

Thuhil kikna 20:8

“Tuaciang ngalkap bute in a mite tungah, ‘Hi sungah patau in a lauthauh khat pawpo a om ziam? A om le, a inn ah cia kik tahen. Tua ahi buale ama in a dangte thin lalsak tu hi,’ ci si tu hi.

Joshua 14:8

Kei taw a paikhawm pasal dangte in ahile ih mite lauthawn hi. Ahihang keima in Topa ka Pathian thu ka mang hi.

Joshua 2:11

Ka zaak uh po ciang ka lau uh hi; no hu in ka thin letna teng ka bosua uh hi. Topa na Pathian sia vantung le hi lai leitung ii Pathian ahi hi.

Joshua 2:24

tuasia zawkciang, “Topa in ngam buppi sia ei hong pia zo hi ci in um khu hi. Tua munah a om mipi theampo sia ei hong kiita vadil hi,” ci uh hi.

Joshua 2:9

hi bangin ci hi; “Topa in hi ngam sia no hong pia zo hi ci in ka he hi. Ngamsung mite khat simin no hong kiita vadil hi.

Joshua 5:1

Jordan nitumna sangah a om Amor kumpite theampo le Mediterranean Tuipi hui susuk ah a om Canaan kumpite theampo in, Israel te ii kaantan dong Topa in Jordan ngun leiko suaksak hi ci in za uh hi. Amate lau a, Israel te hangin a thin letna uh bo hi.

1 Samuel 14:16

Benjamin ngamsung Gibeah encik in a om, Saul ii mite in Philistine te lungmangin a tai mu uh hi.