Pusuana 15:13 - Syin Chin Bible

¹³ Na kamciam bangin na thumaan a, na suatak sa mite lam na pui hi; na thahatna taw na ngam thiangtho ah amate lam na pui hi.

Pusuana 15:13 Iomraidhean Croise

Pianciilna 19:16

Lot sia a thinkaa in om lai hi. Bangbang hikale Topa in ama hesuak hi; tua ahikom tua pasalte in ama, a zi le a tanute nii a khut lenin khuapi pua sangah masuan hi.

2 Samuel 15:25

Tuasia ciang kumpipa in Zadok munah, “Thuciamna Thingkuang khuapi sungah heak pui kik ta'n. Topa in kei tungah hong lungkim ahile ni khat ni ciangin kei hong heak kiksak tu a, tuasia le a omna mun hong musak tu hi.

Nehemiah 9:12

Sun in amate meei taw lam na pui a, zanin mei taw a lampite na taangsak hi.

Psalm Late 106:9

Ama in San Tuipi thupia a, tua tuipi kang hi; ama in a mite leiko tung tawnsak in lampui hi.

Psalm Late 74:2

Khuangei lai pek a, nangma mama atu na tealsa mihingte phawk in, saltanna sung pan nangma minam tu a, na tat sate phawk in. Khatvei lai a, na teenna mun Zion Mual sia phawk in.

Psalm Late 77:20

Nangma in Moses le Aaron ii a uk, na mite sia tuucingpa bangin lam na pui hi.

Psalm Late 78:35

Amate in Pathian sia amate a hungpa hi a, amate hu tu in Vaanglianbelpa hong pai ahi hunlam phawk uh hi.

Psalm Late 80:1

Israel te ii Tuucing pa awng, hong ngai ta'n; Na tuu hon lampuipa awng, hong za ta'n. Cherub te ii tung sang, na kumpi tokhum tungah a to pa awng,

Pusuana 15:16

Launa le patauna amate tungah theng hi; Topa awng, amate in na thahatna mu uh hi, saltanna pan na suatak na mite ii a kaantan zawk mateng amate launa taw cimaw in ding uh hi.

Pusuana 15:17

Nangma in amate paipui in na mual tungah na omsak hi, Topa awng, tua mun sia nangma tatak ii na saksa Biakinnpi, na inn atu in na tealna mun ahi hi.

Pusuana 20:2

“Keima in note saltanna Egypt pan hong pusuapui Topa na Pathian ka hi hi.

Pusuana 6:6

Tua ahiciang Israel te tungah, ‘Keima in Topa ka hi hi; Egypt te sal panin note kong hun tu a, kong suaktasak tu hi. A thahat ka khut laamin amate tungah a lauhuai daan ka tungsak tu a, note kong hun tu hi.

Isaiah 51:10

Na hutsa mite in tui a kaantan thei natu in, tui kaantanna lampi khat vawt a, tuipi a kangsak sia zongh nangma na hi hi.

Isaiah 57:15

“Keima in a saang le a thiangtho, a tawntung a nungta Pathian ka hi hi. Keima in a saang le a thiangtho na munah ka teang hi, ahihang mite ii hong muanna le lametna a nga kik thei natu in mawna kisiik kik a, a kiniamkhiak vadeam mite taw zongh in ka teang khawm hi.

Isaiah 63:9

a thuakna theampo panin, ngum hi. Amate a ngum sia vantunglalang khat hi ngawl a, Topa ama mama ahi hi. A itna le a hesuakna taw amate suatak hi. Ama in a bosa hun sungah amate keamcing tawntung hi,

Jeremiah 2:6

Keima in amate Egypt ngam pan suatakin duisung ngampa: sennealngam le dumkhuk sung, lei kongaw a, kuama teen ngawl, a lau huaina mun le kuama khual zongh a haw ngawl natu mun kaantanin amate keima in lampui hi napi amate in kei, hong awlmawk ngawl hi.

Ephesus te 2:4

Ahihang Pathian ii hesuakna sia kicing lawlawm a, tuaciang eite hong itna sia lian mama hi.

1 Peter 1:5

Tua teng sia noma atu ahi hi, hun tawpkhak ni ciang a kilaak khia tu a kinging sa in a om, ngupna sia upna tungtawnin a nga note atu in, Pathian vaang taw tuate hong kepcingsak hi.