Pusuana 15:11 - Syin Chin Bible

¹¹ “Topa awng, pathiante sung pan akua in nang taw kibang ziam? Nang taw a kibang, a thiangtho, a lamdang akua om ziam? Akua in nangma aa bangin nalamdang laknate le a nasia sepnate seam thei ziam?

Pusuana 15:11 Iomraidhean Croise

2 Samuel 7:22

Bangza in lian ni ziam, Vaanglianpipa Topa awng! Nang taw a kibang khat zongh om ngawl hi; nangma bekma Pathian na hi sia kong he tawntung uh hi.

1 Kumpite 8:23

thu ngen hi, “Israel ii Topa Pathian awng, a tungsang vantung ah ahizong, a nuaisang lei tungah ahizong nang taw a kibang pathian om ngawl hi! Na mite taw na thuciamna na kholet a, amate in thin theampo taw na thu hong ni in a nuntak ciangin na itna na lak hi.

1 Khangtaanghthu 16:25

Topa sia lian a, nasia tak pok tu ahi hi; ama sia pathiante theampo sangin patoai zawk tu ahi hi.

2 Khangtaanghthu 2:5

Ih Pathian in pathian dang khat pawpo sangin lianzaw ahikom biakinn lian khat sak tu ka sawm hi.

2 Khangtaanghthu 6:14

Ama in, “Israel ii Topa Pathian awng, vantung le leitung theampo ah nangma taw a kibang pathian dang om ngawl hi. Na mite taw na thuciamna na kholet a, tuaciang a thin tatak taw na thu hong ni in a nuntak ciang na itna amate tungah na lak hi.

Psalm Late 113:5

Topa ih Pathian taw a kibang kuama dang om ngawl hi. Ama sia tungsang a saangna ah teang a,

Psalm Late 119:120

Nangma hu in ka lau hi; na thukhennate hu in launa taw ka kidim hi.

Psalm Late 136:4

Ama bek in nalamdang lakna liante vawt hi; ama ii itna kip tawntung hi.

Psalm Late 145:17

Topa in ama ii sepna theampo sungah thutang a, a ngamtatna sung theampo ah hesuak thei hi.

Psalm Late 22:23

“Topa naseamte awng, ama pok vun! Jacob suante awng, ama zatakna pia vun! no Israel mite awng, ama bia vun!

Psalm Late 35:10

Topa tungah “Nang bang ahi kuama om ngawl hi; a hatte khut sung pan a thazawmte na sungsia a, a zawngte sia a zothawte khut sung pan na hung hi” ka thin theampo taw ka ci tu hi.

Psalm Late 60:2

Leitangte nangma in na liingsak a na kekthamsak hi; tu in a keknate kimatsak kik in banghang ziam cile cimhtham tu in kithoai hi.

Psalm Late 66:5

Hong pai tavun a, Pathian sepna sate, mihingte atu a lamdang a septe hong en tavun.

Psalm Late 77:11

Topa awng, na nasepna liante ka phawk tu hi; hun bosa sungah a lamdang na sepnate ka phawk kik tu hi.

Psalm Late 77:14

Nangma in nalamdang a vawt Pathian na hi hi; na thahatna sia minam tuatuamte tungah na lak hi.

Psalm Late 77:19

Tui kihualte tungah na vak hi; tuipi thuk, na kaantan hangin, na khuanite a kimu thei bua hi.

Psalm Late 86:10

Nangma in thahat in a lamdang nate na vawt hi; nangma bek Pathian na hi hi.

Psalm Late 86:8

Topa awng, nang taw a kibang pathian om ngawl hi, nang sep bang a seam kuama om ngawl hi.

Psalm Late 89:18

Topa awng, nangma in kote hong dalpa nong tealsak hi; Israel ii a Thiangtho Pathian awng, nangma in ko atu kumpipa nong pia hi.

Psalm Late 90:11

Na thin uukna ii thahatna buppi akua in thuak ngei ziam? Na thinsona sia bangza lauhuai thei ci sia akua in he ziam?

Pusuana 18:11

Topa sia pathian theampo sangin a let zawkna tu in ka he hi, banghang ziam cile Egypt te in Israel te tua bang a zawnsak vawt ciang Topa in hi bang seam hi,” ci hi.

Pusuana 20:3

“Keima simngawl pathian dang bia heak vun.

Pusuana 3:20

Ahizong ka vaangletna zanghin, a lauhuai nate tua munah ka vawtna taw Egypt daan ka pia tu hi. Tua zawkciang ama in note hong paisak tu hi.

Pusuana 8:10

Kumpipa in, “Zing ciangin thu hong ngetsak ta'n,” ci in zo hi. Moses in, “Nong sawl bangin ka seam tu a, tuaciang kote Pathian Topa taw a kibang pathian dang a om ngawl hunlam he tu ni hi.

Pusuana 8:6

Tua ahiciang Aaron in a ciangkhut tui omna theampo tungah vaan a, ulolte pusuak in ngamsung dim hi.

Pusuana 9:14

Leitung theampo ah keima taw kibang khat beak a om ngawl hunlam na heak natu in tu tungin na uliante le na mihingte bek daan pia ngawlin nangma zongh daan kong pia tu hi.

Isaiah 30:11

Ka lampi uh hong awn tavun a, hong khak heak vun. Na Israel te ii a thiangtho Pathian ii thu za nuam ngawl khu hi,” ci uh hi.

Isaiah 40:18

Pathian sia akua taw kitee ngat thei tu ziam? Ama sia bang taw kibang hi ci in bangbang na son thei tu uh ziam?

Isaiah 40:25

A thiangtho Pathian sia akua taw kitee ngat thei tu ziam? Ama taw a kibang akua dang om ziam?

Isaiah 46:9

Nidang lai a, a piang thute phawk vun; keima bekma Pathian hi a, kei taw a kibang kuama dang om ngawl a hina thu phawk tavun.

Isaiah 57:15

“Keima in a saang le a thiangtho, a tawntung a nungta Pathian ka hi hi. Keima in a saang le a thiangtho na munah ka teang hi, ahihang mite ii hong muanna le lametna a nga kik thei natu in mawna kisiik kik a, a kiniamkhiak vadeam mite taw zongh in ka teang khawm hi.

Isaiah 6:3

Amate khat le khat ki oksan in: “Thiangtho, thiangtho, thiangtho! Vaanglianbelpa Topa sia thiangtho hi! Ama ii minthanna in leitung zel hi,” ci in au uh hi.

Jeremiah 10:16

Jacob ii Pathian sia amate bang hi ngawl hi; ama in na theampo a vawt pa hi a, ama mi tatak tu in Israel mite teal zo hi. Ama min sia Vaanglianbelpa, Topa ahi hi.

Jeremiah 49:19

Tawpi in ngam tawnghtol sung pan hong pusuak a, lopa hingna Jordan ngundung zui in a pai bangin, keima kong pai tu a, Edom mite a ngam uh panin thakhat thu in ka taikeaksak tu hi. Tuasia ciang keima ii teal lampuipa in ngam uk tu hi. Kei taw kitee ngat thei tu akua om ziam? Akua in kei hong thato ngam tu ziam? Kei hong nalh zo tu ukpa akua om ziam?

Thiampite 19:2

Israel taangpite tungah a sonsawn tu in Moses tungah, “Thiangtho vun, banghang ziam cile Keima Topa na Pathian thiangtho khi hi.

Micah 7:18

Topa awng, nang bang ahi pathian dang om ngawl hi, a nungta lai na mite ii mawnate na maisak hi. A tawntungin thin uukin na om bua a, na itna kip nong lak sia nuam na sa hi.

Luke 12:5

Kiitak tu akua ziam ci sia kong lak tu hi. Pathian na kiita vun, ama in a thalup zawkciang meikuang sungah bum thei lai hi. Hong um tavun, na kiitak tu uh sia ama ahi hi!

Thuhil kikna 1:30

Topa na Pathian in no lam hong pui tu a, Egypt le sennealngam ah a vawt na mu uh bangin, noma atu ngal hong simsak tu hi.

Thuhil kikna 3:24

‘Vaanglianpipa Topa awng, na lian le nalamdang na vawt tu te ii kipatna bek nong lak pheang hunlam ka he hi. Nangma sepna sa bangin nalamdang nasiate a seam thei, vantung ah ahizong leitung ah ahizong pathian om ngawl hi!

Thuhil kikna 33:26

Israel mite awng, noma hong hu tu in meei tungah a to, a vaangletna taw van kaantan in a pai Noma ii Pathian taw a kibang pathian peuma om ngawl hi.

Thuhil kikna 4:34

Topa na Pathian in Egypt ah note atu hong vawtsak bangin pathian khat pawpo in minam dangte khut sung pan la in ama mi sua ngam ngei na ziam? Ama in note mitmu in a hatna le a vaangletna hong kilanghsak a; natna le ngal thengsakin, nalamdang laknate le a lamdangte vawt a, a lauhuai nate piangsak hi.

Thupualaakna 13:4

Ngulpui in tua nganhing tungah ama thuneinate pia ahikom, mihing theampo in ngulpui a bia uh hi. Amate in nganhing zongh bia uh a, “Akua in hi nganhing taw kibang ziam? Akua in ama do zo tu ziam?” ci uh hi.

Thupualaakna 15:4

Topa awng nang lamdang hong sa ngawlin akua ding tu ziam? Akua in na letna a thansak tu nial ngam tu ziam? Nangma bek na thiangtho hi. Minam theampo hong pai in nang hong bia tu hi, banghang ziam cile, thumaanin na ngamtatnate mihing theampo in hong mu siat uh hi,” ci hi.

Thupualaakna 4:8

Nganhing lite khat simin tha luk tek nei a, tuaciang tua thate sungsang le puasang ah mittang taw kidim uh hi. Sun taw zan taw amate in a lasak a tawlnga ngei bua uh hi: “Vaanglianbel Topa Pathian sia Thiangtho, thiangtho, thiangtho hi, ama in a om sa, a om nginge, hong pai pheang tu pa hi,” ci uh hi.

1 Samuel 2:2

“Topa bangin a thiangtho kuama om ngawl hi; Ama taw a kibang kuama om ngawl hi, Ih Pathian bangin hong dal kuama om ngawl hi.