Pusuana 14:21 - Syin Chin Bible

²¹ Moses in tuipi tungah a khut a vaan ciang, Topa in nisuana sang pan vui thahat khat taw tuipi kinilsak hi. Tua vui sia zankhuateak va in, tuipi leiko suaksak hi. Tui kikhen a,

Pusuana 14:21 Iomraidhean Croise

Pianciilna 8:1

Pathian in Noah le ama taw teambaw sungah a om nganhingte theampo mangil ngawl hi; ama in vuivasak a, tuaciang tui kiamsuk tu kipan hi.

2 Kumpite 2:8

Tuaciang Elijah in a puantual suutin, a zial zawkciang tui saatna in nei hi; tui hong kikhen a, ama le Elisha in a langkhat ah leiko tung tawnin kaantan uh hi.

Nehemiah 9:11

Na mite atu in tuipi kaantanin lampi khat na vawt a, leiko tungah amate na paipui hi. Tuipi kihual sungah suangtum khat a tumsuk bangin, amate a del a ngalte tuithuk sungah tuitaa uh hi.

Job 26:12

Ama ii thahatna in tuipi zothal hi; ama in a thiamna taw nganhingpui Rahab thatlum hi.

Job 38:24

Ni a suatona mun ah, ahibuale nisuana vui hong vakna munah na om ngei ziam?

Psalm Late 136:13

Ama in San Tuipi khen hi; ama ii itna kip tawntung hi.

Psalm Late 148:8

a thupiak a zui khualeng le ngialte, vuuk le meeite, vui thahatte awng.

Psalm Late 66:6

Ama in tuipi sia leiko suaksak hi; ih taanghpupite in a peang uh taw ngun kaantan hi. Tua munah eite in ama ii sepna hu in ih lawp hi.

Psalm Late 74:13

Na thahatna lian taw tuipi na khen a, tuipi sung nganhing lianpuite lutang na sutham hi;

Psalm Late 78:13

Ama in tuipi kikhensakin amate kaantansak hi; tuite sia pang bangin dingtosak hi.

Pusuana 14:16

Na ciangkhut laamin, tuipi tungah vaan in. Tui hong kikhen tu a, Israel te leiko tung tawnin paisuak thei tu uh hi.

Pusuana 14:20

Egypt te le Israel te kilaklaw dong hong kikhiin hi. Meei in Egypt te atu in khuazingsak a, Israel mite atu in khuavaksak ahikom zankhuateakin ngalkaphonpite khat le khat kineak thei ngawl uh hi.

Pusuana 15:8

Tuipi tungah na hu na muut ciang, a sang in tui kiciangto hi; tuasia pang khat bangin dingtang hi; tuipi a thukbelna mun sia leitang ko suak hi.

Pusuana 7:19

Topa in Moses tungah, “Aaron tungah na ciangkhut la in a, Egypt ngamsung ngunte, a kitotawm tuiluamte le tuicingte theampo tungah na ciangkhut vaan in. Tuite chisan hong suak tu a, ngamsung mun theampo le thingbealte, suangbealte sung ngawngawn ah chisan om tu hi, ci in son in,” ci hi.

Isaiah 23:11

Topa in tuipi tungah a khut vaan in kumpi ngamte lawnthal zo hi. Phoenicia sum vawtna phualpite a kilalsak natu in ama in thupia zo hi.

Isaiah 43:16

Nidang lai pekin Topa in tuipi kaantan in lampi khat vawt a, a tuipeite kaantanin lamzin khat vawt hi.

Isaiah 44:27

Thupiakna kam khat taw tuipi ka kangcipsak hi.

Isaiah 50:2

“Ka mite hun tu kong pai ciang banghangin ka mite in hong awlmawk ngawl ziam? Ka sap ciang amate in banghang hong zo ngawl ziam? Amate a hun tu in keima thazawm lei ka hi ziam? A sungah a om ngasate tui kisamh in a thi natu sia ka thupiakna taw in tuipi tui ka kangsak thei a, ngunte sennealngam ka suaksak thei hi.

Isaiah 51:10

Na hutsa mite in tui a kaantan thei natu in, tui kaantanna lampi khat vawt a, tuipi a kangsak sia zongh nangma na hi hi.

Isaiah 51:15

“Keima in Topa na Pathian ka hi hi; tuipi saukeak in a tuihualte ka hawksak hi. Keima min sia Vaanglianbelpa Topa ahi hi!

Isaiah 63:12

Ama minthan tawntung natu in Moses tungtawnin a vaangletna taw na lian a seam pa, tuipi tuite khen a, tuithuk kaantan in a mite lam a pui pa Topa koi sungah om ziam?” ci in dongh uh hi. Topa in lampui a, amate sia ngam siphu bangin a peang sina kho mama a, lutu ngeingawl hi.

Habakkuk 3:8

Topa awng, ngunte in hong thin uuksak ziam? Nang hong thinsosak sia tuipi ahi ziam? Meeite tungah na to hi; na mite zawna na puak ciang vuipi suangval meeikaai sia na leang ahi hi.

Sawltakte 7:36

Ama in Israel te sia Egypt ngam pan pusua pui a, Egypt ngam le San Tuipi ah ahizong, kum sawmli sung sennealngam sungah ahizong, nalamdang laknate le a lamdangte ama in vawt hi.

Joshua 2:10

Topa in Egypt ngam na nusiat uh ciangin na mai a om San Tuipi sia kangsak ci in ka za uh hi. Jordan nisuana sang Amor te ii kumpite nii Sihon le Og na thalup uh zongh ka za uh hi.

Joshua 3:17

Mipite in leiko tung tawn tan in a pai uh laitakin, Topa ii Thuciamna Thingkuang a pua thiampite sia mi theampo ii kaantan zawk mateng Jordan ngun laizang lei kona ah ding uh hi.

Joshua 4:23

Topa na Pathian in ei atu San Tuipi sung leiko a suasak bangma in Jordan ngun zongh ih kaantan siat dong leiko a suasakna thu na son tu uh hi.