Pusuana 14:14 - Syin Chin Bible

¹⁴ Topa in no atu ngal hong simsak tu a, note sep tu bangma kisam ngawl hi,” ci in zo hi.

Pusuana 14:14 Iomraidhean Croise

2 Khangtaanghthu 20:15

Jahaziel in, “Nangma kumpipa le no Judah le Jerusalem mite theampo awng, na ngalte a tam hangin thinkiamin lau ngawl het tu nu hi, Topa in hong ci hi. Ngal kisimna sia Pathian ii sep tu hi a, no taw kisai ngawl hi.

2 Khangtaanghthu 20:17

Note in hi ngal do kul ngawl tu hi. Panmunte la po vun a, ngak vun; Topa ii zawna hong piak na mu tu uh hi. Judah mite le Jerusalem mite awng, haisaang heak vun a lau heak vun. Ngalsim tu in kuan vun, Topa in note hong ompui tu hi!” ci hi.

2 Khangtaanghthu 20:29

Topa in Israel ii ngalte a zawsakna thu a za ngam theampo lau mama uh hi.

Nehemiah 4:14

Mite thinngimna ka mu ciang amate tung, a lampuite tung le uliante tungah, “Ih ngalte kiita heak vun. Topa bangza lian a bangza kiitakhuai ci sia phawk vun a, na ngammipuite atu, na tate atu, na zite atu le na bangkuate atu in ngalsim tavun,” ka ci hi.

Nehemiah 4:20

Lemle aw na za uh le ka kiim ah hong kikhawm tavun. Ih Pathian in ei atu ngal hong simsak tu hi,” ci in ka son hi.

Nehemiah 9:11

Na mite atu in tuipi kaantanin lampi khat na vawt a, leiko tungah amate na paipui hi. Tuipi kihual sungah suangtum khat a tumsuk bangin, amate a del a ngalte tuithuk sungah tuitaa uh hi.

Psalm Late 35:1

Topa awng, kei hong langpante na langpan in; kei hong dote na do in.

Psalm Late 50:3

Eite Pathian hong pai a, ahihang a thimtham in hong pai bua hi; ama mai ah a lengkeak meikuang om a, vuipi suangval in a kiim uum hi.

Psalm Late 83:1

Pathian awng, thim om heak in; huthe ngawlin om heak in, dai takin om heak in!

Pusuana 14:15

Topa in Moses tungah, “Banghangin huna dei in au nu ziam? Israel te maisang a pai natu in sawl in.

Pusuana 14:25

Topa in a ngalleang muite awksak ahikom haksa takin kikhiin hi. Egypt te in, “Topa in Israel te sang pangin eite hong do hi. Hi lai pan tai tawng,” ci uh hi.

Pusuana 15:3

Topa sia ngalhangpa hi a; ama min Topa ahi hi.

Isaiah 30:15

Vaanglianpipa Topa Israel te ii a thiangtho Pathian in mihingte tungah, “Hong heak kik tavun a, keima hong muang hiithiat tavun. Tua hile na tha uh hat tu a, ngammuang tu nu hi,” ci hi. Ahihang nong nial uh hi!

Kaa late 3:26

Tua ahikom eite atu in, thin sauna taw ama ngakin ih om tu — eite hong ngum tu in ama ngakin ih om tu — phabel hi.

Thuhil kikna 1:30

Topa na Pathian in no lam hong pui tu a, Egypt le sennealngam ah a vawt na mu uh bangin, noma atu ngal hong simsak tu hi.

Thuhil kikna 20:4

Topa na Pathian in note hong tonpui tu a, zawna hong pia tu hi,’ ci tu hi.

Thuhil kikna 3:22

Amate kiita heak in, banghang ziam cile Topa na Pathian in no atu ngal hong simsak tu hi,’ ka ci hi.

Joshua 10:10

Topa in Amor te sia Israel ngalkaphonpi a mu po ciang patau keaksak hi. Israel te in amate Gibeon ah a thatlup kawmin, Beth Horon mualciangh ah delsuk a, thang sangah Azekah le Makkeda dong simsuk lai hi.

Joshua 10:14

Tua masia hikale a zawkciang hikale Topa in mihing khat ii thu a nit hun, tuabang ni khat om ngeingawl hi. Topa sia Israel sangah pangin ngalsim hi.

Joshua 10:42

Joshua in hi kumpite le a ngam a lei teng theampo nawk khat in zo siat hi, banghang ziam cile Topa Israel te ii Pathian sia Israel atu in ngal sim hi.

Joshua 23:10

No sung pan pasal khat pawpo in pasal tulkhat taikeaksak zo tu nu hi, banghang ziam cile Topa na Pathian sia, hong kamciamsa bangma in, no atu ngal hong simsak hi.

Joshua 23:3

Noma hu in hi minam teng tungah Topa na Pathian ii a sep a vawt theampo na mu zo uh hi. Topa na Pathian sia no atu in ngal do hi.

Thukhente 5:20

Aksite in, van pan ngaldo uh hi; van kaantan in a pai uh ciang, tuate in Sisera sim hi.

1 Samuel 4:7

amate lau in, “Pathian khat amate ngiaphual theng hi! Eite mansa hi hing! Tu ma sia in hi bang peuma piang ngeingawl hi!