Biblia Todo Logo
Bìoball air-loidhne

- Sanasan -




Pusuana 14:13 - Syin Chin Bible

13 Moses in, “Lau heak vun! Kip takin ding vun a, tu ni in Topa hong hutna mu tu nu hi; hi Egypt te mu kik ngeingawl tu nu hi.

Faic an caibideil Dèan lethbhreac




Pusuana 14:13
36 Iomraidhean Croise  

Hi teng zawkciang Abram in mukholna nei a, Topa in, “Abram awng, lau heak in, Keima in lauhuaina panin nang kong dal tu a, thaman lian khat kong pia tu hi,” a cisia za hi.


Tua zanin Topa ama tungah kilangh a, “Keima in na pa Abraham ii Pathian ka hi hi. Lau heak in; nang taw kong omkhawm hi. Nang thupha kong pia tu a, suan le paal tam mama kong pia tu hi, banghang ziam cile ka naseampa Abraham tungah ka kamciamna hang ahi hi,” ci hi.


Ama in, “Keima in Pathian, na pa ii Pathian ka hi hi,” ci hi. “Egypt ah na pai tu sia lau heak in; na suan na paalte tualai ah minam lian khat in ka siam tu hi.


“Topa awng, nong hut tu ka ngak hi.


Elisha in, “Lau heak in, amate sangah a pangte sangin ei sangah hong pangte tamzaw hi,” ci in zo kik hi.


tuabangin ama le a mite sia lo lai ah dinmun la in Philistine te do uh hi. Topa in ama ngalzawna lianpi pia hi.


Jahaziel in, “Nangma kumpipa le no Judah le Jerusalem mite theampo awng, na ngalte a tam hangin thinkiamin lau ngawl het tu nu hi, Topa in hong ci hi. Ngal kisimna sia Pathian ii sep tu hi a, no taw kisai ngawl hi.


Note in hi ngal do kul ngawl tu hi. Panmunte la po vun a, ngak vun; Topa ii zawna hong piak na mu tu uh hi. Judah mite le Jerusalem mite awng, haisaang heak vun a lau heak vun. Ngalsim tu in kuan vun, Topa in note hong ompui tu hi!” ci hi.


“Egypt ah koma ii taanghpupite ii thuakna na mu a; San Tuipi ah hu hong ngetna na za hi.


Ngalzawna sia Topa kung pan hong pai hi — Ama in ama ii mihingte thupha pia tahen.


A mawna a kheal nuam ngawl, a ngalte ii lutang sia Pathian in sutham takpi tu hi.


Ama in amate ngammuang takin lampui a, amate a lau bua uh hi; ahihang tuipi in a ngalte khulum hi.


A seksolte daan a kipiakzia en in, na mu tu hi.


Tua ni in Topa in Egypt te khut sung pan Israel mite hun a, tuipivaal ah a thite Israel te in mu uh hi.


Moses in, “Lau heak vun! note na khial ngawl natu hong sit tu in Pathian hong pai hi bek a, ama thu ni tawntung tu in hong vawt hi,” ci in zo kik hi.


Topa awng, nang hong muangin, tupna kho a nei mihingte a kicing thinnopna na pia hi.


Vaanglianpipa Topa Israel te ii a thiangtho Pathian in mihingte tungah, “Hong heak kik tavun a, keima hong muang hiithiat tavun. Tua hile na tha uh hat tu a, ngammuang tu nu hi,” ci hi. Ahihang nong nial uh hi!


“Hat vun a lau heak vun! Pathian sia note hong suatak tu le na ngalte uh daan pia tu in hong pai tu hi,” ci in a thinkiamte theampo son vun.


“No hong ngum thei tu sia Topa ahi, keima khat bekma ka hi hi.


Ama kinging sa in a om khinkhian natu le a thin patau ngawl natu in son in. Kumpipa Rezin le ama ii Syria mite le Pekah kumpipa ii thin uukna te sia meikuang valiat thingkhua nii panin meikhu sia sangin lauhuai ngawl zaw hi.


Mualdawn ah ih doai biakna in ei hong hu vet ngawl hi. Israel te atu huna sia Topa ih Pathian kung pan bekin hong pai hi.


Tua ahikom eite atu in, thin sauna taw ama ngakin ih om tu — eite hong ngum tu in ama ngakin ih om tu — phabel hi.


Ahihang Judah mite tungah ka itna ka lak tu hi, keima, amate ii Pathian, Topa in amate ka hun tu hi, ahihang ngal kisimna — namsau, thal le thaltang, ahibuale siphu le siphu ngalkapte ka zangh buatu hi,” ci hi.


Topa in, “Keima in Topa noma ii Pathian, Egypt pan hong pui pa khi hi. Kei simngawl Pathian dang nei ngawl nu hi. Keima bekma na ngumpa ka hi hi.


“Israel mite awng, hong susia tu khi hi! Tuasia ciang akua in no hong hu thei tu ziam?


Na mite le na teal kumpipa hun tu in na kuan hi. Mi ngilote lampui pa na vaatvawk a, a nungzuite na lalcipsak hi.


Topa awng, ngunte in hong thin uuksak ziam? Nang hong thinsosak sia tuipi ahi ziam? Meeite tungah na to hi; na mite zawna na puak ciang vuipi suangval meeikaai sia na leang ahi hi.


Topa leedo heak vun a, tualai a teang mihingte kiita heak vun. Eite in olno takin amate ih zo tu hi. Eite taw a omkhawm Topa in amate a dal a pathiante zo zo a; tua ahikom lau heak vun,” ci hi.


Vantunglalang in numeite paupui hi. “Lau heak vun. Thinglamtee tungah a kithat Jesus sia zong nu hi ci in kong he hi.


‘Israel mite awng ngai vun! Tuni in ngal simin na kuan tu uh hi. Na ngalte kiita heak vun a, lau in liing heak vun.


Ahihang Saul in, “Tuni in kuama kithisak ngawl tu hi, banghang ziam cile Topa in Israel a suatak ni hi,” ci hi.


Tua ahikom na dinmun uh kholet vun, tua hile Topa hong sep tu na lianpite na mu tu uh hi.


Lean sinn:

Sanasan


Sanasan