Pusuana 14:12 - Syin Chin Bible

¹² Ih pusua ma in, hi bang teng piang tu ci hong son zo hi ngawl khu ziam? Egypt te sal ahi tan tu in ko nguak hong nusia lel ta'n kong ci uh hi. Hi lai sennealngam ah thi sangin tua munah sila hi tu phazaw lai hi,” ci uh hi.

Pusuana 14:12 Iomraidhean Croise

Psalm Late 106:7

Egypt ngam ah ka taanghpupite in Pathian ii a lamdang a sepnate tel ngawl hi; tamvei tak, a itna a lak hunte amate in mangil hi, tuaciangin San Tuipi ah amate in Vaanglianbelpa langpan uh hi.

Pusuana 13:17

Egypt kumpipa in Israel te a paisak lai in, Philistia tuipi hui ah a paito lampi sia lam banbel hikale, Pathian in totpui ngawl hi. Pathian in, “Amate ngal a sim kul tu ci in a mu ciang a thin kikheal a, Egypt ah a heak kik tu ka oai bua hi,” ci in ngaisun hi.

Pusuana 3:9

Ka mite kaana aw ka za takpi zo a, Egypt te ii a zawthawk vawtzia zongh ka mu zo hi.

Pusuana 5:21

Amate in Moses le Aaron tungah, “Na nasepnate uh Topa in hong mu zo hi, kumpipa le a uliante in kote hong ensansak na hi uh kom, daan hong pia tu hi. Kote hong thalup natu in a paulap tu khat a pia na hi uh hi,” ci uh hi.

Pusuana 6:9

Moses in Israel te tungah hi thu teng son a, ahizong amate in nadon ngawl uh hi, banghang ziam cile a sila tanna ah kivawtsia in a thin uh tamhtham zo hi.

Hosea 4:17

Israel mite sia milimte ii ngau tawk hi. Amate lampi tek tawn lel tahen.

Jonah 4:3

Tu in Topa awng hong thisak ta'n. Ka nuntak nial sang thi leng phazaw hi,” ci hi.

Jonah 4:8

Nisua zawkciang Pathian in nisuana sang pan vuisa vasak in, nisa in a lu kap a Jonah butthi tu in kithoai hi. Tua ahikom ama thi nuam hi. Ama in, “Ka nuntak nial sang thi leng phazaw hi,” ci hi.

Mark 1:24

“Nazareth mi Jesus awng, kote bang hong nuammaw ni ziam? Ko hong lalcipsak tu in hi sungah hong pai na hi ziam? Nang akua na hi hunlam hong he khu hi — Nang sia a thiangtho Pathian kamtaipa ni hi,” ci hi.

Mark 5:7

“A saangbel Pathian Tapa awng! Kei bang hong law nuam ni ziam? Kei daan nong piak ngawl natu in Pathian min taw kong thuum hi,” ci in a aw neiza taw au hi.