Pusuana 14:10 - Syin Chin Bible

¹⁰ Israel te in kumpipa le a ngalkaphonpi in a del a mu ciang lau mama a, Topa tungah huna ngen in au uh hi.

Pusuana 14:10 Iomraidhean Croise

2 Khangtaanghthu 18:31

Tua ahikom amate in Kumpipa Jehoshaphat a mu uh ciangin a vekpi ma in Israel kumpipa sa ahiciang ama sim tu in kiheak uh hi. Ahihang ama hong au keak ahiciang Topa Pathian in suatak a, ama kung pan a simte kileesak kik hi.

Nehemiah 9:9

“Egypt ah koma ii taanghpupite ii thuakna na mu a; San Tuipi ah hu hong ngetna na za hi.

Psalm Late 106:44

Ahizong amate ii au in a biapui ciang Topa in za a, amate ii dongtawnate phawsak hi.

Psalm Late 107:13

A ngim nga uh ciang amate in Topa biakpui a, ama in a cimawkna uh panin hun hi.

Psalm Late 107:19

Tuaciang a ngim nga uh ciangin amate in Topa sam a, amate cimawkna sung pan Topa in hun hi.

Psalm Late 107:28

A ngim nga uh ciang amate in Topa biakpui a, a cimawkna uh panin ama in hun hi.

Psalm Late 107:6

Tuasia ciang a ngim ngana sung pan amate in Topa biakpui uh a, ama in a cimawkna uh sung pan hun hi.

Psalm Late 34:17

Thutangte in Topa biakpui uh a, ama in ngai hi; amate ngimna theampo panin suatak hi.

Psalm Late 53:5

Ahihang amate in nidangin a thuak ngeingawl uh launa nasia thuak tu uh hi, banghang ziam cile Pathian in a mite ii ngalte ii ngute sia thethaang tu hi. Pathian in amate nial zo ahikom, Israel in amate zothal siat tu hi.

Psalm Late 81:7

Ngim na nga laitakin nong sam uh a, kong hun hi. Ka bukna vuipi sung panin kong zo a, Meribah cikte ah note kong ze et hi.

Pusuana 13:17

Egypt kumpipa in Israel te a paisak lai in, Philistia tuipi hui ah a paito lampi sia lam banbel hikale, Pathian in totpui ngawl hi. Pathian in, “Amate ngal a sim kul tu ci in a mu ciang a thin kikheal a, Egypt ah a heak kik tu ka oai bua hi,” ci in ngaisun hi.

Pusuana 15:25

Moses in thinsung tak taw, Topa tungah thungen hi, Topa in thingbek khat lak a, tua thingbek tui sungah a lot ciang tua tui neakthei suak hi. Topa in tua munah a nuntakpui tu thukhamte pia in, amate ze et si hi.

Isaiah 26:16

Topa awng, na mihingte daan na pia hi, a thinna sa in nang tungah thu hong ngen uh hi.

Isaiah 7:2

Syria ngalkap honte Israel ngamsung theng zo hi ci thu Judah kumpipa kung a thet ciang, ama le a mite theampo lausak mama ahikom, vui ii seam thingkungte bangin liing vadil uh hi.

Jeremiah 22:23

Lebanon pan a na laak uh cedar thingtaam sungah thin muangin om nu hi; ahihang numei khat nau a tut ciangin na a sak bangin natna ngimna na thuak uh ciang bangzata in hesuakhuai tu nu ziam?

Thuhil kikna 9:7

“Sennealngam ah Topa na Pathian na thin uuksaknate mangil ngei heak vun. Egypt na nusiat ni a kipan, hi lai na thet uh dong ama langpanin na leedo zo uh hi.

Joshua 24:6

Egypt panin na taanghpupite uh ka pusua a, tuaciang Egypt te in siphu ngalleang le siphu ngalkapte taw del uh hi. Ahihang na taanghpupite uh San Tuipi a thet uh ciang,

Joshua 24:7

amate au in kei tungah hu hong ngen uh hi, tuasia ciang amate le Egypt te kilaklaw ah khua ka zingsak hi. Egypt te tungah tuipi ka kihualsak a, amate tuitaa siat hi. Egypt tungah ka vawt ka sep teng na he uh hi. “ ‘Sennealngam sungah khuangei ma na teang uh hi.

1 John 4:18

Itna sungah launa om ngawl a, a cialcing itna in launa theampo hawlkeak hi. Tua ahiciang, launa sia daan thuakna taw kizom ahikom kiitakna a neite sungah itna kicing om ngawl hi.