Pusuana 13:9 - Syin Chin Bible

⁹ Hi ngeina poai vawtna in na khut ah ahibuale na tal tungah na khat a kikhit bangin, tua in Topa thukham hong phawksak tawntung tu hi. Tua in Topa thukham na sin tu le na sim tawntung natu in hong phawksak tu hi. Banghang ziam cile Topa in a vaangletna taw Egypt pan note hong pusuapui hi.

Pusuana 13:9 Iomraidhean Croise

Nehemiah 1:10

“Topa awng, hite in nangma mi, na naseamte ahi uh hi. Na vaangletna le na thahatna taw amate na suatak hi.

Psalm Late 136:11

Ama in Israel mite Egypt ngam panin pusuapui hi; ama ii itna kip tawntung hi;

Psalm Late 136:12

a khut tha khona, a vaanglian baan taw pusuapui hi; ama ii itna kip tawntung hi.

Psalm Late 89:13

Bangza in na vaanglian ziam! Bangza in na thahatna lian ziam!

Pusuana 12:14

Keima Topa in bang vawt khi ziam ci na phaw natu in hi ni sia biaknapoai khatin vawt tu nu hi. Mailam hun theampo ah tua poai vawt suak tavun,” ci hi.

Pusuana 12:41

Kum 430 a bo ni in Topa mite ii minam theampo in Egypt nusia uh hi.

Pusuana 13:14

Mailam sangah na tapa in hi bang a ih sepnate bang a khiakna ziam ci in hong dongh le, ‘Topa in a vaangletna zanghin ih saltanna Egypt pan eite hong paipui hang ahi hi.

Pusuana 13:16

Hi bang ngeina poai vawtna sia nung thu hong phawksak kik tu in ih khut tungah ahibuale ih tal tungah tepteena a kikhit bang hi tu hi; tua in Egypt pan Topa in a vaangletna taw hong pusuapuina thu hong phawksak tu hi,’ ci in son tu nu hi,” ci hi.

Pusuana 13:3

Moses in a mihingte tungah, “Egypt ngam sal na tanna mun na nusiat ni — tuni phawk tavun. Tu ni sia Topa in ama ii vaangletna taw hong pusua pui ni ahi hi. Tol saw ngawl anluum ne tu nu hi.

Pusuana 3:20

Ahizong ka vaangletna zanghin, a lauhuai nate tua munah ka vawtna taw Egypt daan ka pia tu hi. Tua zawkciang ama in note hong paisak tu hi.

Paunakte 1:9

Amate hong hilnate in a et hoi dial khat, khi khat ii na meal hong hoi tuamsak bangin na pianzia hong etlawmsak tu hi.

Paunakte 3:21

Ka tapa awng, na ciimna le a thuk na muna sia keamcing in kholet in. Na kung panin taisua heak in.

Paunakte 7:23

tua thaang sia thaltang ii a lungtang a vutlet natu mun hi. Ama sia ngeen sungah a tum vacim bang hi a — ama nuntakna lauhuai ahi hunlam a he bua hi.

Solomon ii La 8:6

Keima simngawl kuama dang it heak in a, keima simngawl kuama dang koai heak in. Ki itna sia thina bangza in vaanglian a, kingaina zongh thina za in kho hi. Ki itna sia mei bangin kuang a, kaanghmei bangin lengkeak hi.

Isaiah 27:1

Tua ni in tuipi sungah a om nganhing pui sia a that tu le kizialin a kual, a kiitakhuai Leviathan ngul sia daan pia tu in Topa in a vaang nei, thisakna namsau zangh tu hi.

Isaiah 40:10

Vaanglianpipa Topa sia vaangletna taw uk tu in hong pai a, ama ii a suatak sa mite hong tonpui tu hi.

Isaiah 44:5

“Mite, khat zawkciang khat in, ‘Keima in Topa aa ka hi hi,’ ci tu hi. Amate in Israel mite taw kikop tu in hong pai tu uh hi. mi simin a baan tungah Topa min at in ama le ama sia Pathian ii mihing khat ka hi hi,’ ci tu hi.” ci hi.

Isaiah 49:16

Jerusalem awng, nang kong mangil thei ngei bua hi! Ka khutza lamlai ah na min ka at zo hi.

Isaiah 51:9

Khanglo in, Topa awng, ko hong hu ta'n! Na vaangletna zanghin ko hong ngum ta'n; taanghlai hun a na zak ngei bangma in zangh in. Tuipi ngulpui Rahab saatin a neensem pa sia nangma na hi hi.

Isaiah 59:21

Note taw thuciamna khat ka vawt hi: ka vaangletna le ka thuhilnate a tawntung atu in note kong pia zo hi, tu pan kipan note in ka thu nong ni tu uh a, na tate le na suan na paalte in a tawntungin ka thu hong nit natu uh in na hil tu uh hi,” ci hi.

Jeremiah 22:24

Topa in Judah kumpi Jehoiakim ii tapa Jehoiachin kumpipa tungah, “A nungta Pathian ka hi bangma in, nang sia ka ziatsang khut tungah min tupna khutzungbu na hi hial zongh in, kong suut keak tu a,

Daniel 9:15

Oh “Topa kote Pathian awng, na mite Egypt ngam pan nong paipuina taw in na vaangletna nong lak a, na vaangletna kiciamtee lai hi. Ka maw zo uh hi; khialna ka vawt zo uh hi.

Joel 2:11

Topa in a ngalkaphonpi tungah vanto aw taw thupia hi. A thuni ngalkap honte tam a, thahat hi. Topa ni sia bangza in lauhuai ziam! akua suakta zo tu ziam?

Mi Simna 15:39

Puanteapkaaite in nung thu hong phawksak kik tu a, tuate na mu simin, ka thupiakte theampo phawk kikin na zui tu uh hi; tua sia ciang note deinate le uuknate zui nuam ngawlin, kei nong taisan buatu uh hi.

Matthew 23:5

Mihingte mu tu in amate in na theampo seam uh hi. Amate talki tung le a baante tungah laithiangtho kammal a ki at savun pheakte bangza in beak ziam, en vun! A laktong puasilh mong a teapkaaite zongh bangza in sausak ziam!

Romete 10:8

Hi bangin ci zaw hi: “Pathian hong piak kammal sia na kung nai ah om a, na muk tung le na thinsung ah om hi.” — Tua in upna thu ka hil uh sia ahi hi.

Thuhil kikna 30:14

Tuabang hi ngawl hi, hi lai ah note taw omkhawm hi. Note in na he uh a, zongh, na son kaak thei uh hi, tua ahiciang tu in zui vun.

Thuhil kikna 5:15

Egypt ah sila na hi na le keima Topa na Pathian in ka vaangletna le ka thahatna taw kong suatakna thu ciamtee vun. Tua hu in Sabbath tang tu in thu kong pia hi.

Thuhil kikna 6:21

Tuasia ciang amate tungah, ‘Eite sia Egypt kumpipa sila ih hi a, Topa in ama ii vaangletna taw hong suatak hi.

Thuhil kikna 6:6

Tuni a kong piak hi thupiakte mangil ngei heak vun.

Thuhil kikna 6:8

Tuate hong phawksak kik tu in na baan ah khit vun a, na talki ah suang vun.

Thupualaakna 18:8

Hisia hu in ni khat ni ciang ama in ngimna liante ahi — natna, heena, kial tunna, thuak tu hi. Ama thu a khen Topa Pathian sia thahat ahikom, ama sia mei taw kihal tu hi.”

Thukhente 2:12

A taanghpupite ii Pathian, Egypt ngam panin amate a pusua pui Pathian, Topa bia nawn ngawlin a kiim le a paam mihingte ii pathiante, pathian dangte bia tu in kipan uh hi.