Pusuana 13:3 - Syin Chin Bible

³ Moses in a mihingte tungah, “Egypt ngam sal na tanna mun na nusiat ni — tuni phawk tavun. Tu ni sia Topa in ama ii vaangletna taw hong pusua pui ni ahi hi. Tol saw ngawl anluum ne tu nu hi.

Pusuana 13:3 Iomraidhean Croise

Pianciilna 15:16

Khang li zawkciang na suan na paalte hi ngam ah hong cia kik tu hi, banghang ziam cile hi sungah Amor te sia hong seksol mama tu a, daan a kipiak mateng hi mun pan ka notkeak buatu hi,” ci hi.

1 Khangtaanghthu 16:12

No Pathian ii naseampa Jacob ii suan le paalte, Pathian ii teal Israel ii suan le paalte awng, Pathian ii nalamdang laknate le a thukhennate phawk vun.

Nehemiah 1:10

“Topa awng, hite in nangma mi, na naseamte ahi uh hi. Na vaangletna le na thahatna taw amate na suatak hi.

Nehemiah 9:10

Kumpipa, a uliante le a ngammite langpanin nalamdang laknate na vawt hi, banghang ziam cile amate in na mite a zawnsakna na he hi. Tuni dongin na nei minthanna sia tua hunlai pan na nga ahi hi.

Psalm Late 105:5

A naseampa Abraham ii suante, a teal pa Jacob ii suante awng: Pathian ii a sep nalamdang laknate le a thukhennate phawk vun.

Psalm Late 114:1

Israel te in Egypt ngam pan pusuak a, Jacob suante in tua ngamdang sia a nusiat ciang,

Psalm Late 136:11

Ama in Israel mite Egypt ngam panin pusuapui hi; ama ii itna kip tawntung hi;

Psalm Late 136:12

a khut tha khona, a vaanglian baan taw pusuapui hi; ama ii itna kip tawntung hi.

Psalm Late 89:14

Na kumpi ngam sia thumaan le thutang tungah kidoppha hi; itna le thumaanna sia na sep na vawt theampo ii sungah kilangh hi.

Pusuana 12:15

Topa in, “Ni sali sung tol kisaw anluum peuma na ne buatu uh hi — tol kisaw ngawl anluum bekma na ne tu uh hi. Ni masa ni in na inn uh pan tol theampo heam tu nu hi, banghang ziam cile tua ni sali hunsung khat po in tol kisaw anluum a ne le, ama keima mi in a kisim nawn buatu hi.

Pusuana 12:17

Hi poai bosak ngawl tu nu hi, banghang ziam cile tua ni in na minamte Egypt pan kong pusuapui hi. Mailam hun ah zongh tua ni in poai vawt nanak tu nu hi.

Pusuana 12:19

Ni sali sung tol peuma na inn sungah koi ngawl tu nu hi, banghang ziam cile tualmi ahizong, ngamdangmi khat pawpo in tol kisaw anluum a ne le keima mi khat in kingaisun nawn ngawl tu hi,” ci hi.

Pusuana 12:2

“Tu tha sia note atu in kum kipat tha hi tu hi.

Pusuana 12:41

Kum 430 a bo ni in Topa mite ii minam theampo in Egypt nusia uh hi.

Pusuana 12:42

Tua zan sia amate Egypt pan pusua pui tu in Topa ii kep ni zan hi a; tua zan sia ma Israel te ii mailam hun theampo ah a kepcing nanak tu zan khat in Topa tungah aap uh hi.

Pusuana 12:8

Tua zanin a sa na em tu uh a, tol saw ngawl anluum le a kha meeteete taw na ne tu uh hi.

Pusuana 13:14

Mailam sangah na tapa in hi bang a ih sepnate bang a khiakna ziam ci in hong dongh le, ‘Topa in a vaangletna zanghin ih saltanna Egypt pan eite hong paipui hang ahi hi.

Pusuana 13:9

Hi ngeina poai vawtna in na khut ah ahibuale na tal tungah na khat a kikhit bangin, tua in Topa thukham hong phawksak tawntung tu hi. Tua in Topa thukham na sin tu le na sim tawntung natu in hong phawksak tu hi. Banghang ziam cile Topa in a vaangletna taw Egypt pan note hong pusuapui hi.

Pusuana 20:2

“Keima in note saltanna Egypt pan hong pusuapui Topa na Pathian ka hi hi.

Pusuana 20:8

“Sabbath tang vun a, tua ni thiangthosak vun.

Pusuana 23:15

Kong thupiakna sa taw kizui in Egypt na nusiat tha ahi, Abib tha sungin Tol saw ngawl Anluum Poaipi khaam vun. Tua poaipi ni sali hun sung tol taw kivawt anluum peuma ne heak vun. Biakpiak natu khat keng ngawlin kei hong bia tu in hong pai heak vun.

Pusuana 3:20

Ahizong ka vaangletna zanghin, a lauhuai nate tua munah ka vawtna taw Egypt daan ka pia tu hi. Tua zawkciang ama in note hong paisak tu hi.

Pusuana 34:18

Tol saw ngawl Anluum Poaipi vawt suak vun. Kong thupiak bangin, Abib tha ni sali sung tol saw ngawl anluum ne vun, banghang ziam cile tua tha in Egypt pan pusuak nu hi.

Pusuana 6:1

Tuasia ciang Topa in Moses tungah, “Tu in kumpipa tungah ka sep tu te na mu tu hi. Ka mite a paisak natu in ka seam nanak tu hi. A tatakin ci leang a leitang pan ka mite a hawlkeak tu in ka sawl nanak tu hi,” ci hi.

Pusuana 6:6

Tua ahiciang Israel te tungah, ‘Keima in Topa ka hi hi; Egypt te sal panin note kong hun tu a, kong suaktasak tu hi. A thahat ka khut laamin amate tungah a lauhuai daan ka tungsak tu a, note kong hun tu hi.

Pusuana 6:7

Note keima mihing kong suaksak tu a, keima in note Pathian ka hi tu hi. Egypt saltanna pan kong suataksak ciang na Topa na Pathian ka hina nong he tu uh hi.

Jeremiah 34:13

Israel ii Pathian in mipite tungah thuson tu in keima hong sawl na pan in: “Keima in na taanghpupite uh a sila kaaina Egypt ngam pan ka suatak lai in amate taw thuciamna khat ka vawt hi.

Daniel 9:15

Oh “Topa kote Pathian awng, na mite Egypt ngam pan nong paipuina taw in na vaangletna nong lak a, na vaangletna kiciamtee lai hi. Ka maw zo uh hi; khialna ka vawt zo uh hi.

Matthew 10:12

Inn khat sungah na tum uh ciangin, ‘Thupha na nga tavun,’ ci vun.

Luke 22:19

Tua zawkciangin anluum bekno khat la a, Pathian pokin, a balneen zawkciang amate pia a, hi bangin ci hi. “Hisia no atu hong kipia ka pumpi ahi hi. Kei nong phawna in, hi bang na vawt vun,” ci hi.

1 Corinth te 11:24

Pathian munah lungdam a ko zawkciang anluum balneen a, “Hisia in note atu in a kipia ka pumpi ahi hi. Kei nong phawna in hi bangin vawt vun,” ci hi.

1 Corinth te 5:8

Tua ahikom ih ngitlona le mawna tol lui taw a kivawt anluum taw hi ngawlin tol saw ngawl thumaanna le thianthona anluum taw ih Paisan Poai khaam tawng.

Ephesus te 1:19

tuaciangin ei, thu umte sungah na hong seam ama ii vaangletna sia bangza in lian ziam, ci in na heak natu kong ngetsak hi. Eite sungah na hong seam, hi a nasia thahatna in,

Thuhil kikna 13:10

Amate suang taw deanglum vun! Na saltanna Egypt pan hong suatak Topa na Pathian kung pan lam hong pialpui nuam hi.

Thuhil kikna 13:11

Tua hile Israel mite theampo in thupiang teng za tu a; lau tu uh hi, tuaciang kuama in hi bang a sia ngamta kik nawn ngawl tu uh hi.

Thuhil kikna 13:5

Ahizong na saltanna Egypt pan hong suatak Topa langpan tu in hong sawl mangkhia theite ahibuale kamsaangte peuma thatlum vun. Tua bang mite sia misia hi a, noma nuntak natu a Topa ii hong thupiak nuntakna sia pan hong pialpui nuam hi. Hi siatna taw na kipeal natu in amate thalup kul tu hi.

Thuhil kikna 13:6

“Na suapui, na tapa, na tanu, na it na zi, na lawm phabel te ngawngawn in noma le na taanghpupite ii na biak ngeingawl uh pathian dangte bia tu in hong hanthawn ku thei tu hi.

Thuhil kikna 15:15

Noma Egypt ngam ah sal na tanna uh le Topa na Pathian ii hong suataksakna thu phawk vun; tua ahi hu in hi thupiakna tu in kong pia hi.

Thuhil kikna 16:1

Abib tha sungah Paisan Poai vawtna taw in “Topa na Pathian patoai vun; tua tha sung zan khatin ama in Egypt pan note hong suatak hi.

Thuhil kikna 16:12

Egypt ah na saltannate uh mangil heak vun a; hi thupiakte pha takin zui vun.

Thuhil kikna 16:3

Hi an na neak uh ciang tol kisaw anluum ne heak vun. Egypt pan hi bingbungin, na pusua uh lai na neak uh bangin ni sali sung tol saw ngawl anluum na ne tu uh hi. Thuakna mun ahi Egypt ngam pan na pusua ni uh sia na nuntak lai teng na phawk thei natu in hi anluum ne vun — tuasia thuakna anluum kici tu hi.

Thuhil kikna 24:18

Egypt ngam ah sal na hina uh le Topa na Pathian ii hong suataksakna thu phawk vun; tua hu in hi thupiakna sia kong pia hi.

Thuhil kikna 24:22

Egypt ngam ah sila na hina uh mangil ngei heak vun; tua hu in hi thupiakna sia kong pia hi.

Thuhil kikna 26:8

Ama in a vaangletna le a thahatna taw Egypt ngam pan hong suatak hi. Ama in nalamdang lakna te le a lamdangte vawtin a kiitakhuai nate piangsak hi.

Thuhil kikna 4:34

Topa na Pathian in Egypt ah note atu hong vawtsak bangin pathian khat pawpo in minam dangte khut sung pan la in ama mi sua ngam ngei na ziam? Ama in note mitmu in a hatna le a vaangletna hong kilanghsak a; natna le ngal thengsakin, nalamdang laknate le a lamdangte vawt a, a lauhuai nate piangsak hi.

Thuhil kikna 5:15

Egypt ah sila na hi na le keima Topa na Pathian in ka vaangletna le ka thahatna taw kong suatakna thu ciamtee vun. Tua hu in Sabbath tang tu in thu kong pia hi.

Thuhil kikna 5:6

‘Keima in Topa na Pathian, na saltanna Egypt pan hong suatakpa ka hi hi.

Thuhil kikna 6:12

sila in na omna Egypt pan hong suatak Topa mangil peuma heak vun.

Thuhil kikna 6:21

Tuasia ciang amate tungah, ‘Eite sia Egypt kumpipa sila ih hi a, Topa in ama ii vaangletna taw hong suatak hi.

Thuhil kikna 7:8

Ahizong Topa in note hong it a, na taanghpupite tungah a kamciam taangtungsak nuam hi. Tua ahikom ama in note a thahatna lian taw hong hun a, Egypt kumpipa sila panin hong suaktasak hi.

Thuhil kikna 8:14

kiphasak heak vun a, na saltanna, Egypt pan hong suatak Topa na Pathian mangil peuma heak vun.

Thuhil kikna 9:12

“Tua zawkciang Topa in kei tungah, ‘Mualtung pan thakhatin tuaksuk in, banghang ziam cile Egypt pan na paipui na mihingte lalthaangin, a sia ngamta uh hi. A sep a vawt tu in ka thupiaknate pan amate lampial zo uh a, amate atu in milim khat vawt zo uh hi,’ hong ci hi.

Joshua 24:17

Topa ih Pathian in ih pate le ei sia Egypt ngam saltanna pan hong pusuapui a, nalamdang lakna a vawtte ih mu hi. Ih paina po ah ih kaantan sa minamte khut sung panin hong keamcing hi.

Thukhente 2:12

A taanghpupite ii Pathian, Egypt ngam panin amate a pusua pui Pathian, Topa bia nawn ngawlin a kiim le a paam mihingte ii pathiante, pathian dangte bia tu in kipan uh hi.

Thukhente 6:8

tuaciang ama in kamsaang khat paisak a, Topa Israel te ii Pathian ii thupuak hisia kengsak hi: “Egypt ngam na saltanna uh panin kong pusua pui hi.