Pusuana 13:19 - Syin Chin Bible

¹⁹ Joseph in Israel te tungah a sep tu in ciliap huai kamciam a vawtsak bangin, Moses in Joseph ii luang tonpui hi. Joseph in, “Pathian in note hong suatak ciang, hi mun pan ka luang nong pua hamtang tu uh hi,” ci hi.

Pusuana 13:19 Iomraidhean Croise

Pianciilna 48:21

Tua zawkciang Jacob in Joseph tungah, “Nong mu bangin kei thi nai tu khi hi, ahizong Pathian in nang hong panpui tu a, na taanghpupite ii ngam le lei ah hong ciapui kik tu hi.

Pusuana 4:31

Amate in um uh hi. Amate kungah Topa pai in kivawtsiatna a thuaknate Topa ii a mu sakna thu teng a zaak uh ciang amate kunin Topa bia uh hi.

Luke 1:58

Topa ama tungah thuthiam mama hi ci in a innpaamte le a mealheakte in za uh a, lungdam pui tek uh hi.

Luke 7:16

Amate theampo lau in, Pathian pok uh hi. “A lian mama kamsaangpa khat ei sungah piang zo hi! Pathian in a mite ngum tu in hong pai zo hi!” ci uh hi.

Sawltakte 7:15

Tuaciangin Jacob sia Egypt ngam ah pai a, tua munah ama le a tate thi hi.

Sawltakte 7:16

A luanghawmte sia Shechem ah kitua hi. Abraham ii Hamor minamte tung pan a sum taw a lei, tuak a thaan sia sungah amate kiphum uh hi.

Hebrew te 11:22

Joseph in a thi dektak ciangin Israel mite Egypt ngam pan a pusua natu thu a son sia le ama luanghawm tungtaang ah a ngamtat natu uh a vaithak teng sia upna hang ahi hi.

Joshua 24:32

Egypt pan Israel mite ii a paipui uh Joseph luang sia Shechem ii pa Hamor tapate tung pan ngunntang zakhat taw Jacob leisa leitang no khat sung Shechem ah kiphum hi. Hi leitang sia Joseph suante in lua hi.