Pusuana 13:11 - Syin Chin Bible

¹¹ “Topa in na taanghpupite tungah a kamciamsa Canaan ngam ah note hong paipui tu hi. Tua ngam note tungah hong piak ciang,

Pusuana 13:11 Iomraidhean Croise

Pianciilna 15:18

Tuasia ciang tua munah Topa in Abram taw thuciamna khat vawt hi. Ama in, “Na suan na paalte tungah Egypt ngamngi pan Euphrates ngun dong,

Pianciilna 17:8

Tu in ngamdangmi khat bangin na omna hi leitang sia nangma le na suan na paalte tungah kong pia tu hi. Canaan ngam bup sia na suan na paalte in a tawntungin lua tu a, keima in amate ii Pathian ka hi tu hi,” ci hi.

Pianciilna 28:15

Ciamtee ta'n, na paina po ah nang taw om in, kong dal tu a, hi leitang ah kong thet pui kik tu hi. Kong kamciamsa teng ka vawt siat mateng in, nang kong nusia buatu hi,” ci hi.

Psalm Late 105:42

A naseampa Abraham tungah a kamciam thiangtho a piak teng ama in ciamtee hi.

Pusuana 13:5

Topa in na taanghpupite tungah Canaan mite, Hit mite, Amor mite, Hiv mite, le Jebus mite teenna ngam piak tu in ciliap huai takin hong kamciam hi. Tua ngam leihoi leiphana ngam ah hong paipui ciang kum sim tha masabel sungin hi poai vawt nanak tu nu hi.

Pusuana 32:13

Na naseamte ahi, Abraham, Isaac le Jacob phawk in. Amate tungah ciliap huai takin na kamciam ahi, a suan a paalte van ah aksi za in tam tu a, a suan a paalte in na khapsa ngam theampo a tawntungin amate ii neisa hi tu hi, na ci thute phawk in,” ci hi.

Mi Simna 11:12

Amate kei bitphua hi ngawl a, kei piansak le hi ngawl hi. Amate ii taanghpupite tungah na kamciamsa ngam sang paina lam tawntung ah nau omh khat bang ahi tu le amate nausen te bangin ka baan taw a toai tu in banghang kei hong sawl ni ziam?