Pusuana 12:49 - Syin Chin Bible

⁴⁹ Hi zui tu ngeinate sia ma, Israel mi tualsuakte le note sungah hong teang ngamdangmite a kibangin na zui tu uh ahi hi,” ci hi.

Pusuana 12:49 Iomraidhean Croise

Pusuana 12:50

Topa ii Moses le Aaron tungah a thupiak bangin Israel te theampo in thu ni in, seam uh hi.

Thiampite 19:34

Na lawm Israel te na vawt uh bangin vawt vun a, noma na ki it uh bangin amate it vun. Khatvei lai in Egypt ngam ah ngamdangmi na hina thu phawk vun. Keima in Topa na Pathian ka hi hi.

Thiampite 24:22

Hi thukham sia no Israel te le note sungah hong teang ngamdangmite theampo ii zui tu ahi hi, banghang ziam cile Keima in Topa na Pathian ka hi hi,” ci hi.

Mi Simna 15:29

Hi ngeina sia Israel mi tatak te ahizong, ngam sungah a teang ngamdangmite ahizong, a kuama po in mawna khialna khat a vawt thaak ciang zui tu ahi hi.

Mi Simna 35:15

Hi khuapi luk te sia Israel mite le tawmvei sung ahizong a tawntung ahizong a teang ngamdangmite atu in bukna hi tu hi. Ngaisut khol ngawlin mi khat a that tha pawpo in tua khuapi khat pawpo zuan thei tu hi.

Mi Simna 9:14

“Note sungah ngamdangmi khat in Paisan Poai a vawt nuam ahile sep tu le zui tu ngeina om theampo vawt tu hi. Ngamdangmi hikale ngamsung mi hikale a kuama po zui tu in a kibang thukham ahi hi,” ci in sawl hi.

Galatia te 3:28

Tua ahikom Jew te le Gentile te, silate le sila ahi ngawlte, pate le numeite kilaklaw tek ah kilamdanna om nawn ngawl hi; Christ Jesus taw na kipumkhat uh ciangin note theampo sia pumkhat na hi uh hi.

Colossae te 3:11

Tua hu in Gentile le Jew, vunteap at le at ngawl, khualmi le tualmi, sila le sila ahi ngawlte ci bangin kidoidanna om ngawl hi. Ahihang Christ sia na theampo hi a, na theampo sungah Christ om hi.