Pusuana 12:48 - Syin Chin Bible

⁴⁸ ahizong vunteap at ngawl sia in ne thei ngawl tu hi. Note sungah hong teang ngamdangmi khat in Topa zatakna Paisan Poai a vawt nuam le amate innkuan sung pan pa peuma vunteap atsak masa tu nu hi. Tuasia ciang Israel mi tualsuak khat taw a kibangin poai sungah kihel thei tu hi.

Pusuana 12:48 Iomraidhean Croise

Pianciilna 17:11

Tu pan kipan note sung pan a sua zawk ni liat a pha pano peuma, vunteap ki at tu a, na inn sungsuak silate le ngamdang pan na lei silate zongh kihel tu hi.

Pianciilna 17:12

Note vunteap ki atna in, no le kei kilaklaw a thuciamna khat a om hunlam lak tu hi.

Pusuana 12:19

Ni sali sung tol peuma na inn sungah koi ngawl tu nu hi, banghang ziam cile tualmi ahizong, ngamdangmi khat pawpo in tol kisaw anluum a ne le keima mi khat in kingaisun nawn ngawl tu hi,” ci hi.

Pusuana 12:43

Topa in Moses le Aaron tungah, “Hite Paisan Poai ah zui tu ngeinate ahi hi: Ngamdangmite kuama in Paisan Poai an ne thei ngawl tu hi,

Ezekiel 14:7

“Israel te khat po ahibuale, Israel mite omna sungah a teang ngamdangmi khat po in kei kung pan kiheakin, milimte bia a, tua zawkciang, kamsaang khat thu a dongh le Keima, Topa in ama ii zona tu ka pia tu hi!

Ezekiel 44:9

“Keima, Vaanglianpipa Topa in vunteap at ngawl ngamdangmi, ka thu hong ni ngawl peuma, Israel mite taw a teang khawm ngamdangmi khat ngawngawn ka Biakinnpi sungah tum thei ngawl tu hi, ci thu ka thangsak hi,” hong ci hi.

Ezekiel 47:22

tua sia a tawntungin noma neisa hi tu hi. Ngamdangmi noma taw a teang khawm te le hi lai munah a suak a tate zongh in leitang na hawm uh ciang a nga tu bang hawmtel saang tu uh hi. Amate sia Israel ngammi tatakte bangma in kivawt tu a, Israel minamte taw a kihawmna meetang sawk khawmin leitang nga tu uh hi.

Thiampite 19:34

Na lawm Israel te na vawt uh bangin vawt vun a, noma na ki it uh bangin amate it vun. Khatvei lai in Egypt ngam ah ngamdangmi na hina thu phawk vun. Keima in Topa na Pathian ka hi hi.

Mi Simna 9:14

“Note sungah ngamdangmi khat in Paisan Poai a vawt nuam ahile sep tu le zui tu ngeina om theampo vawt tu hi. Ngamdangmi hikale ngamsung mi hikale a kuama po zui tu in a kibang thukham ahi hi,” ci in sawl hi.

Galatia te 3:28

Tua ahikom Jew te le Gentile te, silate le sila ahi ngawlte, pate le numeite kilaklaw tek ah kilamdanna om nawn ngawl hi; Christ Jesus taw na kipumkhat uh ciangin note theampo sia pumkhat na hi uh hi.

Colossae te 3:11

Tua hu in Gentile le Jew, vunteap at le at ngawl, khualmi le tualmi, sila le sila ahi ngawlte ci bangin kidoidanna om ngawl hi. Ahihang Christ sia na theampo hi a, na theampo sungah Christ om hi.