Pusuana 12:43 - Syin Chin Bible

⁴³ Topa in Moses le Aaron tungah, “Hite Paisan Poai ah zui tu ngeinate ahi hi: Ngamdangmite kuama in Paisan Poai an ne thei ngawl tu hi,

Pusuana 12:43 Iomraidhean Croise

2 Khangtaanghthu 30:18

Tuaban ah, Ephraim, Manasseh, Issachar le Zebulun namte sung panin hong pai mihing tam mama te in a zeksa thiansuana vawt ngawl ahikom amate in Paisan Poai sia a ngeina zui ngawlin tang uh hi. Hezekiah kumpipa in amate atu in hi bangin thungetsak hi:

Pusuana 12:11

Hi ante manlang takin na ne tu uh hi, banghang ziam cile khualhaw tu in peangdapte thua in, na khut sungah ciangkhut toai a, na kithoai uh kul tu hi. Tua in keima Topa tungah zatak piakna Paisan Poai ahi hi.

Pusuana 12:48

ahizong vunteap at ngawl sia in ne thei ngawl tu hi. Note sungah hong teang ngamdangmi khat in Topa zatakna Paisan Poai a vawt nuam le amate innkuan sung pan pa peuma vunteap atsak masa tu nu hi. Tuasia ciang Israel mi tualsuak khat taw a kibangin poai sungah kihel thei tu hi.

Ezekiel 44:7

Keima sangaw biakpiakna ii a thau le a chi hong kipiak ciangin amate in ka thu a ni ngawl, vunteap at ngawl ngamdangmite sia Biakinnpi sungah a tumsak hu in ka Biakinnpi ninsak uh hi. Tua ahikom a kiihuai a ngamtatnate taw ka mite in ka thuciamna paltan uh hi.

Thiampite 22:10

“Thiampi innkuanpuite bek in a thiangtho biakpiakna an pawpo ne thei tu a; kuama dang — thiampi taw a omkhawm khat, ahibuale a thacial khat zongh in ne thei ngawl tu hi.

Thiampite 22:13

Ahizong thiampi khat ii tanu sia a pasal thi in meingong, ahibuale ta nei ngawlin a pasal in khul a, a pa inn ah bealhin a cia kik le a pa ii nga thiampi ante ne thei tu hi. Thiampi innkuanpuite bek in hi ante ne thei tu hi.

Mi Simna 9:14

“Note sungah ngamdangmi khat in Paisan Poai a vawt nuam ahile sep tu le zui tu ngeina om theampo vawt tu hi. Ngamdangmi hikale ngamsung mi hikale a kuama po zui tu in a kibang thukham ahi hi,” ci in sawl hi.

Ephesus te 2:12

Tua hunlai in note in Christ taw kikhenin a omte na hi uh hi. Note in ngamdangmite na hi uh a Pathian ii tealsa mihingte na hi bua uh hi. Pathian ii mihingte tungah a kamciamte a bulphu thuciamnate sungah na kihel bua uh a, note in hi leitung ah lametna sel le Pathian selin na nungta uh hi.

1 Samuel 2:27

Topa kung pan hi thu puak in kamsaang khat Eli kungah hong pai hi: “Na taanghpupi Aaron le innkuanpuite Egypt kumpipa salin a om lai in, Aaron tungah keima ka kilaak hi.