Pusuana 12:29 - Syin Chin Bible

²⁹ Zankim laitak Topa in Egypt ngamsung tapaciil theampo, kumpi tokhum a lua tu kumpipa tapa pan kipan leinuai khuazing sung thongtaakte ii tapate dongin that siat a; nganno suakciil theampo zongh that hi.

Pusuana 12:29 Iomraidhean Croise

Pianciilna 15:14

Ahizong amate sila in a khoai minam sia daan ka pia tu a, tua ngamdang a nusiat ciang nei le lam tam mama hong ciapui tu uh hi.

Job 34:20

Mihing khat sia zanin thakhat thu in thithei hi. Pathian in mihingte vaatvawkin amate bo hi; a thahatte zongh ol takin ama in thatlum hi.

Psalm Late 105:36

Ama in Egypt ngam ah innkuante theampo sung pan tapaciil teng thatlum hi.

Psalm Late 135:8

Egypt ngam ah ama in mihing le nganhingte ii taciil tek a kibangin thatlum hi.

Psalm Late 136:10

Ama in Egypt te ii tapaciil teng that hi; ama ii itna kip tawntung hi.

Psalm Late 78:50

Ama in a thin uukna iip ngawlin amate nuntakna uh khoaikhetsak ngawlin, pul natna taw amate thatlum hi.

Psalm Late 78:51

Ama in Egypt ngammite innkuan theampo sung pan a tapaciil teng thatlum hi.

Pusuana 11:1

Tuaciang Topa in Moses tungah, “Egypt kumpipa le a mihingte tungah khatvei bek daan ka pia lai tu hi. Tua zawkciang note hong paisak tu hi. A tatakin ci leang ama in, hi lai pan note theampo hong hawlkeak tu hi.

Pusuana 12:12

“Tua zanin Egypt ngamsung tengah ka pai tu a, mihing le nganhing te ii tapaciil teng thatin, Egypt pathian theampo daan ka pia tu hi. Keima in Topa ka hi hi.

Pusuana 12:28

Tua zawkciang Topa ii Moses le Aaron tungah a thupiak bangin amate pai in seam uh hi.

Pusuana 13:15

Egypt kumpipa a thinsakin eite hong paisak nop ngawl ciang Topa in Egypt ngamsung tapaciil theampo le nganhing suakciil a pa theampo thatlum siat hi. Tua ahi hu in tapaciil le nganhing suakciil a pa theampo Topa tungah sangaw biakna in kipia a, ahizong ih tapaciilte sia kitan kik hi.

Pusuana 4:23

Keima hong biak thei natu in ka tapa paisak in, hong ci khi hi, ahihang nong nial hi. Tu in, na tapaciil thatlum tu khi hi,’ ci in na son tu hi” ci kik hi.

Pusuana 9:6

A sonsa bangin a zing ciangin Topa in naseam a. Egypt te nganno theampo thi siat hi, ahizong, Israel te nganno khat zongh thi ngawl hi.

Isaiah 24:22

Dum sungah thongtaakte bangin Pathian in kumpi honkhat kaikhawm tu hi. Amate daan piak tu hun hong thet mateng Topa in thong sungah khabil tu hi.

Isaiah 41:11

“Nang tungah hong thin uukte sia ngallel maizumna he tu uh hi. Nang hong sim mite thi tu a,

Isaiah 51:14

Thongtaakte sia kisuatak pal tu hi; amate khansau in, nungta in an neak tu a kicing nei tu uh hi.

Jeremiah 38:13

tuasia ciang amate in tuikhuk sung panin kei hong kaito in hong pusua hi. Tua zawkciang kumpi innhuang sungah kei hong keam hi.

Jeremiah 38:6

Tuaciang amate in kei hong paipui a, kumpi innhuang sungah a om, kumpipa tapa Malchaiah ii tuikhuk sungah khau taw hong khiasuk uh hi. Tuikhuk sungah tui om ngawlin, buan bek om a, tua buan sungah ka tumsuk hi.

Habakkuk 3:5

Ama in natnate a mai ah puak a, thina ii a zui tu in thupia hi.

Zechariah 9:11

Topa in, “Sangaw biakpiakna chisan taw a kikipsak ka thuciamna hangin na saltanna mun, tui om ngawlna dum sung pan note kong suaktasak tu hi.

Mi Simna 33:4

Topa ii a thalup a tapaciilte phumin a om Egypt mite mu tangin amate in paisan uh hi. Hi bangin a sepna taw Topa in Egypt pathiante sangin vaanglian zaw a hina lak hi.

Mi Simna 8:17

Egypt ah taciil theampo ka thalup lai in, Israel innkuan sim ii tapa lianbel tek le a nganhing suakciil theampo keima neisa in ka tuam koi hi.

Hebrew te 11:28

Thina ii Vantunglalang in, Israel mite ii tapaciil theampo a thalup thaak ngawl natu in ama in Paisan Poai piangsak a, kongkhate tungah chisan a kinoi natu thu a piak zongh upna hang ahi hi.

Hebrew te 12:23

Note in vantung ah a min a kikhum Pathian taciilte lungdam takin a kikhopna ah nong pai uh hi. Note in mihing theampo thukhenpa Pathian kung le a kicialcingsak mihingphate ii thaa omna munah nong pai uh hi.