Pusuana 12:27 - Syin Chin Bible

²⁷ ‘Topa tungah zatakna in ih piak Paisan Poai sangaw biakpiakna hi, Egypt ah Israel te ii innte hong paisatna hang ahi hi. Ama in Egypt te that a, ahizong eite hong khoaikhe hi,’ na ci tu uh hi,” ci hi. Israel mite in khupdin in bia uh hi.

Pusuana 12:27 Iomraidhean Croise

1 Khangtaanghthu 29:20

Tua zawkciang David in mipite tungah: “Topa na Pathian pok vun!” ci in thupia hi. A kikhawm mihonpi bup in Topa a taanghpupite ii Pathian pok in, a lu uh kun in Topa zatakna pia uh a, kumpipa zongh upatna pia uh hi.

2 Khangtaanghthu 20:18

Tuasia ciang Jehoshaphat kumpipa sia a mai lei pha dongin kun a, mipi teng zongh kunin Topa bia uh hi.

2 Khangtaanghthu 29:30

Kumpipa le ngam lampuite in David le kamsaang Asaph ii a phua pokna late Topa tungah a sak natu in Levi te sawl uh hi. A sawl bangma in a kuama po in lungdamna lianpi taw khupdin in lasa a, Pathian bia uh hi.

Nehemiah 8:6

Ezra in, “A lian Pathian, Topa pok vun!” ci hi. Mihing theampo in a khutte laamto in, “Amen! Amen!” ci in zo uh hi. Mipite khupdin in a maitang lei a phak dong kunin bia uh hi.

Psalm Late 44:1

Pathian awng, ngei tawngh lai in na sep na vawtte ka taanghpupite in hong son zo a, ka bil uh taw ka za zo uh hi:

Psalm Late 78:5

Ama in Israel mite tungah thukhamte pia a, Jacob suan le paalte tungah thupiakte pia hi. Amate ii tate tungah ama ii thukhamte hil tu in ama in ih taanghpupite sawl hi.

Pusuana 10:2

nalamdang ka lak ciang, Egypt te a mawmaw bang ka sua sakna thute, na tu na tate tungah na son thei natu ahizong ama le a uliante thin ka sahsak hi. Note theampo in Topa ka hina nong he tu uh hi,” ci hi.

Pusuana 12:11

Hi ante manlang takin na ne tu uh hi, banghang ziam cile khualhaw tu in peangdapte thua in, na khut sungah ciangkhut toai a, na kithoai uh kul tu hi. Tua in keima Topa tungah zatak piakna Paisan Poai ahi hi.

Pusuana 12:23

Egypt te a that tu in Egypt ngamsung teng ah Topa a pai ciang, kongkha khuamte le a vathaangte tungah a kinoai chisan mu tu a, Thina ii Vantunglalang sia na inn te sungah hong that tu in tumsak ngawl tu hi.

Pusuana 12:28

Tua zawkciang Topa ii Moses le Aaron tungah a thupiak bangin amate pai in seam uh hi.

Pusuana 13:14

Mailam sangah na tapa in hi bang a ih sepnate bang a khiakna ziam ci in hong dongh le, ‘Topa in a vaangletna zanghin ih saltanna Egypt pan eite hong paipui hang ahi hi.

Pusuana 13:8

Tua poai na vawt uh ciang na tapate tungah Topa in Egypt pan note hong paipui ahi hu in hi bangin poai kivawt hi, ci in son tu nu hi.

Pusuana 34:25

Nganhing taw biakpiakna nong nei uh ciang tol saw anluum hong pia heak vun. Paisan Poaipi hunsung na ngaw uh nganhing sa peuma a zingsang ciang dong koi heak vun.

Pusuana 34:8

Moses in lei ah manlang tak kunsuk in bia hi.

Pusuana 4:31

Amate in um uh hi. Amate kungah Topa pai in kivawtsiatna a thuaknate Topa ii a mu sakna thu teng a zaak uh ciang amate kunin Topa bia uh hi.

1 Corinth te 5:7

Na thiantho sinsen natu in, mawna tol lui sia na lakeak vun. Tua hile tol saw ngawl anvuinoai thak bang na hi tu a, tuabang takpi ma hi ci in, kong heak bang tatak ma na hi tu uh hi. Banghang ziam cile tu in Christ, ih Paisan Poai tuuno sia sangaw biakpiakna in kinei zo ahikom, ih Paisan Poai sia a kinging sa in om zo hi.

Thuhil kikna 16:2

Biakna mun khat sia ah pai vun a, tua munah Topa na Pathian patoai natu in Paisan poai an in na tuu ahibuale na khui khat ngo vun.

Thuhil kikna 16:5

“Paisan Poai sung a kizangh ngannote sia Topa na Pathian ii hong piak tu ngamsung mun khat po ah ngo ngawlin — biakna mun khat sia bek ah ngo vun. Egypt na nusiat hun, nitum hunin ngo vun.