Pusuana 12:21 - Syin Chin Bible

²¹ Moses in Israel lampui teng samin amate tungah, “Na innkuan tek in Paisan Poai na vawt thei natu in, tuuno khat ahibuale kealno khat tealin ngo vun.

Pusuana 12:21 Iomraidhean Croise

2 Kumpite 23:21

Kumpipa Josiah in mipite munah thuciam laibu sungah a ki at bangin Topa amate ii Pathian zatakna Paisan Poai vawtin sawl hi.

Ezra 6:20

Thiampite le Levi te theampo in amate le amate kithiansua in a zeksa om bangin thiangtho uh hi. Levi te in hong cia kik mite theampo atu le thiampite le amate mama atu in Paisan Poai sangaw biakpiakna in ngannote ngo uh hi.

Pusuana 12:11

Hi ante manlang takin na ne tu uh hi, banghang ziam cile khualhaw tu in peangdapte thua in, na khut sungah ciangkhut toai a, na kithoai uh kul tu hi. Tua in keima Topa tungah zatak piakna Paisan Poai ahi hi.

Pusuana 12:3

Israel mi bup tungah hi bang kihilna te son tu ni hi: Tu tha ni sawm ni in pasal sim in tuuno khat ahibuale kealno khat a innkuan atu in teal nanak tu hi.

Pusuana 17:5

Topa in Moses tungah, “Israel lampuite pawlkhat samin a, mipite mai ah paikhol vun. Nile ngun na saatna ciangkhut keng in.

Pusuana 19:7

Tua ahiciang Moses tuaksuk a mipi lampui teng khawmin Topa thupiak theampo sonsiat hi.

Pusuana 3:16

Pai in a, Israel lampuite kaikhawmin, Keima Topa a taanghpupite ii Pathian, Abraham, Isaac le Jacob te ii Pathian in note mai ah hong kilangh ka hi sia amate tungah son in. Amate kungah ka pai zo a, Egypt te ii amate tungah a vawtna teng ka mu hunlam amate son in.

Mi Simna 11:16

Topa in Moses tungah, “Mipite lampui in a kiciamtee a zatak huai mihing sawmsali khawm in a, ka ompuina Puanbuk ah hong paipui ta'n, tua munah nangma kiim ah dingsak in.

1 Corinth te 10:4

thaa tui a kibangin dawn uh hi. Amate taw a tonkhawm thaa suangpi panin tui dawn uh hi; tua suangpi sia Christ ama mama ahi hi.

Hebrew te 11:28

Thina ii Vantunglalang in, Israel mite ii tapaciil theampo a thalup thaak ngawl natu in ama in Paisan Poai piangsak a, kongkhate tungah chisan a kinoi natu thu a piak zongh upna hang ahi hi.

Joshua 5:10

Jericho hui zaangtam, Gilgal ah Israel te ngiaphual a saat laitakin, tua tha a ni sawm le ni li ni nitak sangin Paisan Poai khaam uh hi.