Pusuana 12:17 - Syin Chin Bible

¹⁷ Hi poai bosak ngawl tu nu hi, banghang ziam cile tua ni in na minamte Egypt pan kong pusuapui hi. Mailam hun ah zongh tua ni in poai vawt nanak tu nu hi.

Pusuana 12:17 Iomraidhean Croise

Pusuana 12:14

Keima Topa in bang vawt khi ziam ci na phaw natu in hi ni sia biaknapoai khatin vawt tu nu hi. Mailam hun theampo ah tua poai vawt suak tavun,” ci hi.

Pusuana 12:24

Hi zui tu ngeinate nangma le na tate in a tawntung zui tu nu hi.

Pusuana 12:41

Kum 430 a bo ni in Topa mite ii minam theampo in Egypt nusia uh hi.

Pusuana 12:6

Tuaciang tua tha ni sawm le ni li nitak ciang Israel mi bup in tua ngante ngo tu uh hi.

Pusuana 13:10

Kum sim a ciangtan hun a tun simin poai vawt tu nu hi.

Pusuana 13:3

Moses in a mihingte tungah, “Egypt ngam sal na tanna mun na nusiat ni — tuni phawk tavun. Tu ni sia Topa in ama ii vaangletna taw hong pusua pui ni ahi hi. Tol saw ngawl anluum ne tu nu hi.

Pusuana 13:8

Tua poai na vawt uh ciang na tapate tungah Topa in Egypt pan note hong paipui ahi hu in hi bangin poai kivawt hi, ci in son tu nu hi.

Pusuana 34:18

Tol saw ngawl Anluum Poaipi vawt suak vun. Kong thupiak bangin, Abib tha ni sali sung tol saw ngawl anluum ne vun, banghang ziam cile tua tha in Egypt pan pusuak nu hi.

Pusuana 6:26

Aaron le Moses tungah Topa in, “Israel minamte lampui in Egypt pan pusuapui vun,” ci in a sawl ahi hi.

Pusuana 7:5

Keima in ka khut laam in Egypt te tungah ka thahatna ka lak ciang le Israel te a ngam pan ka pusuapui ciang, Egypt te in Topa ka hina hong he tu uh hi,” ci hi.

Mi Simna 20:16

Topa tungah hu ngenin ka kiko uh hi. Ama in kote ngetna aw za a, vantunglalang khat hong puak in Egypt pan hong pusua pui hi. Tu in, na ngamngi Kadesh khua ah ka om uh hi.

Thuhil kikna 16:3

Hi an na neak uh ciang tol kisaw anluum ne heak vun. Egypt pan hi bingbungin, na pusua uh lai na neak uh bangin ni sali sung tol saw ngawl anluum na ne tu uh hi. Thuakna mun ahi Egypt ngam pan na pusua ni uh sia na nuntak lai teng na phawk thei natu in hi anluum ne vun — tuasia thuakna anluum kici tu hi.