Pusuana 12:16 - Syin Chin Bible

¹⁶ Ni masa ni le ni sali ni in biak kikhopna nei tu nu hi. Tua ni nii sung, na na seam buatu uh a, ahizong an neak tu vawt thei nu hi.

Pusuana 12:16 Iomraidhean Croise

Pusuana 16:23

Moses in amate tungah, “Topa in zing ciang sia ama tungah a ki aap tawlngakna ni thiangtho ni khat hi, ci in thu hong pia hi. Tuni in na em nop teng le na huan nop teng em in huan tavun. A taanglai teng peuma zing ciang atu in koituam vun,” ci hi.

Pusuana 16:29

Tawlngak ni hong pia pa sia keima Topa ka hina phawk tavun a, tua ahi hu in ni nii sung na khom tu uh an, ni luk ni in kong pia tawntung tu hi. Ni sali ni in a kuama po a omna munah om tu a, inn pan pusuak ngawl tu hi,” ci hi.

Pusuana 16:5

Ni luk ni in, na top ngeiza ii a zaa nii kaikhawm tu in kinging vun,” ci hi.

Pusuana 20:10

ahizong a ni sali ni sia keima atu a kikoituam tawlngak ni ahi hi. Tua ni in kuama — nangma, na tate, na silate, na ngannote le na ngam sungah hong teang ngamdangmite khat zongh in naseam ngawl tu uh hi.

Pusuana 34:18

Tol saw ngawl Anluum Poaipi vawt suak vun. Kong thupiak bangin, Abib tha ni sali sung tol saw ngawl anluum ne vun, banghang ziam cile tua tha in Egypt pan pusuak nu hi.

Isaiah 1:13

Nong paipui uh biakpiaknate kimanna nei ngawl hi. Na hal uh paaknamtui ngim ka kii hi. Thadet Poaite, Sabbath nite le biakna kikhopnate ka thuak zo bua hi; tuate a vekpi in na mawnate uh in ninsak siat hi.

Thiampite 23:21

Tua ni in kuama in noma ii ni sim nasep bangma seam heak vun, ahizong biak kikhopna nei vun. Koisung po ah na teang uh zong na suan na paalte in hi ngeina sia maisang hun theampo ah zui tu uh hi.

Thiampite 23:35

Ni masabel ni in biakna vawt khawm vun a, kuama in noma ii ni sim nasep bangma seam heak vun.

Mi Simna 28:18

Poaikhaam a ni masabel ni in, biakna vawt tu in na kikhawm tu uh a, na kiseam ngawl tu hi.

Mi Simna 28:25

A ni sali ni in, biakna vawt tu in kikhawm vun a, na seam heak vun.

Mi Simna 28:26

Anlaak Poai a ni masabel ni in Topa tungah anpal biakpiakna na piak uh ciang biak kikhopna nei in, bangma seam ngawl tu nu hi.

Mi Simna 29:1

Tha salina a ni khat ni in, biak kikhopna na nei tu uh a, na naseam buatu uh hi. Tua ni in lemle kitum tu hi.

Mi Simna 29:12

Tha salina a ni sawm le ni nga ni in biak kikhopna nei vun. Topa patoaina in tua poaipi ni sali sung khaamin, naseam heak vun.

John 19:31

Jew thuneite in, Pilate munah a kithatte ii peang a thiatan natu le, thinglamtee tung pan a luangte a laaksuk thei natu in ngen uh hi. Hi bang a nget theina uh sia banghang ziam cile tua ni sia nipi zawk Ni nga ni hi a, hong pai tu Sabbath sia a thiangtho tuam a kingaisun ahikom Sabbath ni in a luangte thinglamtee tungah a om tu a dei bua uh hi.

Thuhil kikna 16:8

Tua zawk ni luk sung tol saw ngawl anluum na ne tu uh a, tuaciang ni sali ni in Topa na Pathian bia tu in kikhawm vun a, tua ni in naseam heak vun.