Pusuana 12:14 - Syin Chin Bible

¹⁴ Keima Topa in bang vawt khi ziam ci na phaw natu in hi ni sia biaknapoai khatin vawt tu nu hi. Mailam hun theampo ah tua poai vawt suak tavun,” ci hi.

Pusuana 12:14 Iomraidhean Croise

2 Kumpite 23:21

Kumpipa Josiah in mipite munah thuciam laibu sungah a ki at bangin Topa amate ii Pathian zatakna Paisan Poai vawtin sawl hi.

Psalm Late 111:4

Topa in ama ii a lamdang a septe eite makngil tu a dei bua hi; ama dik a hesuak thei hi.

Psalm Late 135:13

Topa awng, nangma sia Pathian hi ci in a tawntungin hong kithangsak tu hi; khang theampo in nang hong phawk tu hi.

Pusuana 12:17

Hi poai bosak ngawl tu nu hi, banghang ziam cile tua ni in na minamte Egypt pan kong pusuapui hi. Mailam hun ah zongh tua ni in poai vawt nanak tu nu hi.

Pusuana 12:24

Hi zui tu ngeinate nangma le na tate in a tawntung zui tu nu hi.

Pusuana 12:43

Topa in Moses le Aaron tungah, “Hite Paisan Poai ah zui tu ngeinate ahi hi: Ngamdangmite kuama in Paisan Poai an ne thei ngawl tu hi,

Pusuana 12:6

Tuaciang tua tha ni sawm le ni li nitak ciang Israel mi bup in tua ngante ngo tu uh hi.

Pusuana 23:15

Kong thupiakna sa taw kizui in Egypt na nusiat tha ahi, Abib tha sungin Tol saw ngawl Anluum Poaipi khaam vun. Tua poaipi ni sali hun sung tol taw kivawt anluum peuma ne heak vun. Biakpiak natu khat keng ngawlin kei hong bia tu in hong pai heak vun.

Pusuana 27:21

Kong ompuina Puanbuk sung, Thuciamna Thingkuang mai, puankhai pua sangah Aaron le a tapate in meiinn koi tu uh hi. Tua mun keima omna ah nitak pan zingsang dong mei de tu uh hi. Hi thupiak sia Israel te le a suan a paalte in a tawntung a zui tu uh ahi hi.

Pusuana 5:1

Tuaciang Moses le Aaron Egypt kumpipa kungah pai in, “Topa Israel te ii Pathian in, ‘Ka mite sennealngam ah kei zatak piakna poai khat a khaam thei natu in paisak in’ hong ci hi,” ci hi.

Ezekiel 46:14

Zing sim biakpiakna ah zungtaang vui kilogramme 2 le tua taw hel tu in olive thau litre khat taw zong pia khawm tu hi. Topa tungah hi biakpiakna ngeinate sia a tawntungin zui tu ahi hi.

Thiampite 23:6

Ni sawm le ni nga ni in Tol saw ngawl Anluum Poai kipan a, ni sali sung tol kisaw anluum peuma na ne buatu uh hi.

Zechariah 6:14

Tua kumpilukhu in, Heldai, Tobijah, Jedaiah le Josiah te upatna le phawk natu in Topa Biakinnpi sungah om tu hi,” ci hi.

Mi Simna 10:8

Aaron tapa thiampite in lemlete tum tu uh hi. “A nuai a ngeina sia maisang hun theampo ah zui tu ahi hi.

Mi Simna 15:15

Noma na hi uh zong, note sungah hong teang ngamdangmite ahizong, hi ngeinate ma maisang hun theampo ah zui tu hi. Note le amate Topa muna ah a kibang na hi uh a;

Mi Simna 16:40

Hi thu sia Aaron suan le paal simngawl kuama in biaknatau ah Topa atu in ngimnamtui hal in a pai ngawl natu, Israel te kidop natu ahi hi. Tua bangin a kidawm buale Korah le a mite bangin kithatlum tu hi. Moses tungtawnin Topa ii Eleazar tung, a thupiak bangin hite theampo kiseam hi.

Mi Simna 18:8

Topa in Aaron tungah, “Kei hong kipia tuamte theampo sung pan biakpiakna sungah a kihaltumte simngawl po nangma kong piak sia ciamtee in. Hite nangma le na suan na paalte atu in a tawntung atu kong piak ahi hi.

Matthew 26:13

A tatakin kong ci ciang, hi lungdamna thu leitung theampo ah a kihil na mun po ah, ama nasep sia ama a kiphawk natu in, kison tawntung tu hi,” ci hi.

Luke 22:19

Tua zawkciangin anluum bekno khat la a, Pathian pokin, a balneen zawkciang amate pia a, hi bangin ci hi. “Hisia no atu hong kipia ka pumpi ahi hi. Kei nong phawna in, hi bang na vawt vun,” ci hi.

Thuhil kikna 16:1

Abib tha sungah Paisan Poai vawtna taw in “Topa na Pathian patoai vun; tua tha sung zan khatin ama in Egypt pan note hong suatak hi.

Thuhil kikna 16:11

Topa mai ah na tate, na naseamte le Levi te, ngamdangmite, tangate le noma khua ah a teang meingongte taw lungnuam khawm vun. Biakna mun khat sia ah lungdam takin biakna vawt vun.

Thuhil kikna 6:8

Tuate hong phawksak kik tu in na baan ah khit vun a, na talki ah suang vun.

Joshua 4:7

Topa Thuciamna Thingkuang ii ngun a kaantan ciangin Jordan ngun sia a luan tawlnga hi, ci in na son tu uh hi. Hi lai munah bang thu piang ci sia hi suangte in Israel mite phawksak tawntung tu hi,” ci hi.

1 Samuel 30:25

David in hi thuthun vawt a, tuate Israel ngam ah tua hun pan kipan kizui tan hi.