Pusuana 11:8 - Syin Chin Bible

⁸ Moses ii a thukhupna panin, “Na ulian theampo hong pai tu a, ka mai ah kunin ka mite theampo ka paipui natu in hong thuum tu hi. Tua zawkciang ka pai tu hi,” ci hi. Tuaciang Moses thin uuk mama in kumpipa nusia hi.

Pusuana 11:8 Iomraidhean Croise

1 Kumpite 20:10

Benhadad tung pan kamthaak dang khat hong keng hi: “Na khuapi hisia a susia zo tu le amate khut tek taw suangbek teng a vawk siat zo tu mihing a khom kong paipui tu hi. Tuabangin ka ngamta bua ta le pathiante in hong vaatlum tahen!” ci hi.

2 Kumpite 3:9

Tua ahikom Kumpipa Joram, Judah le Edom kumpipate ngamkuan uh hi. Ni sali a pai zawk uh ciang a tui neak tu uh bo a, mihingte atu ahizong, vanh pua ngannote atu ahizong bangma om nawn ngawl hi.

Nehemiah 5:6

A phunnate ka zaak ciang ka thin uuk a,

Psalm Late 6:1

Topa awng, thin uuk in hong teih heak in a; thin uuk in daan hong pia heak in!

Pusuana 10:29

Moses in, “Nangma maan ni hi. Kei nong mu kik ngei nawn buatu hi,” ci in zo hi.

Isaiah 49:23

Kumpite sia no tungah pate bang hong hi tu hi; kumpinu te sia nute bang hong hi tu hi. Amate in na mai uh ah kun sukin hong upat tu uh hi; amate kiniamkhiakin note zatakna hong lak tu uh hi. Tuasia ciang Topa ka hina thu na he tu uh hi; keima ii hu tu a ngak peuma thin kiam ngawl tu uh hi,” ci hi.

Isaiah 49:26

Nang hong zawthawk vawtte khat le khat ka kithatlumsak tu hi; amate mihing thalup nopna le thin uukna taw a thin uh so ngawp tu hi. Tuaciang mihing nam buppi in keima sia, nang hong ngumpa le hong suatak pa, Topa ka hina thu he tu uh hi. Amate in keima sia Israel te ii a vaanglian Pathian ka hina thu he tu uh hi,” ci in zo kik hi.

Ezekiel 3:14

Topa ii vaangletna sia ka tungah thahatna lianpi taw hong theng a, tuaciang ama thaa in kei hong paipui ciangin dik ka sa bua a ka thin a uuk hi.

Daniel 3:19

Tuasia ciang Nebuchadnezzar kumpipa in Shadrach, Meshach le Abednego tungah a thin uuk mama a, a mai san liang hi. Tua ahikom ama in meiphual sia a sat ngeina sang a salivei in a satsak zawk natu in a mite thupia hi.

Mi Simna 12:3

(Moses sia a kiniamkhiak mihing hi a, leitung ah a om midang khat pawpo sangin kiniamkhiak zaw hi.)

Mark 3:5

A kiimkot a et ciangin, Jesus in amate tungah thin uuk ahitazong hesuakhuai sa si hi, banghang ziam cile amate a thin uh pui mama a, a ngaisutna uh zongh maan ngawl hi. Tua zawkciang pasalpa munah, “Na khut vaan in,” ci hi. Ama in a khut vaan a, a khut dam kik hi.

Thuhil kikna 29:24

Tuasia ciang leitung buppi in, ‘Banghang Topa in amate ngam hi bang vawt ziam? Bang thu hangin Topa a thin uuk ziam?’ ci in dongh tu hi.

Thuhil kikna 32:24

Amate ngilkial le cisa natna taw thi tu a; a lauhuai natnate taw thi tu uh hi. Ngamsa ngilote in amate ka simsak tu a, ngul ngu neite in ka tusak tu hi.

Hebrew te 11:27

Moses in kumpipa thin uuk tu lau ngawlin, Egypt ngam a nusiat sia upna hang ahi hi. A kimu thei ngawl Pathian sia a mu bang phetin, nungsang ah heak kik tu a uuk bua hi.

Thupualaakna 3:9

Ngai vun! Jew mi a kici theam a leilot, tua Satan pawlte ahile, na peang uh ah a bok tu in kong paisak tu hi. Amate theampo in note kong it sia he tu uh hi.

Thukhente 4:10

Barak in Zebulun le Naphtali namte Kedesh ah sam a, pasal 10,000 samin ama zuisak hi. Deborah sia ama taw paikhawm hi.

Thukhente 8:5

Amate Sukkoth hong thet uh ciangin a khua mite munah, “Nong hesuakna in ka mite anluum hong piaksak tavun. Amate sia toi mama zo a, tuaciang Midian kumpipate ahi Zebah le Zalmunna te del suak lai tu khu hi,” ci hi.