Pusuana 11:3 - Syin Chin Bible

³ Topa in Israel te sia Egypt te in zaktasak hi. Uliante le mihingte theampo in Moses sia mi thupi mama khatin ngaisun takpi uh hi.

Pusuana 11:3 Iomraidhean Croise

Pianciilna 12:2

Suan le paal tam mama kong pia tu a, amate minam lian khat suak tu uh hi. Nang sia thupha naak na hi natu in, thupha kong pia tu a, na min kong thangsak tu hi.

Pianciilna 39:21

Ahihang thong ukpa ii Joseph tungah a lungkim natu in Topa in Joseph panpui a, thupha pia hi.

2 Samuel 7:9

Na paina po ah nang taw kong omkhawm a, maisang na manaw ciang na ngalte theampo ka zo siat hi. Leitung ah lampui lianbel te bangin kong minthangsak tu hi.

Esther 9:4

Mordecai sia tu in kumpi inn sungah a vaang nei pa hi ci in, kumpi ukna ngam theampo ah a minthang a, tuaciang a vaangletna khang vaial hi.

Psalm Late 106:46

Pathian in amate a vawtsia mihing theampo sungah, hesuakna thin neisak hi.

Pusuana 12:35

Moses ii a ci bangin Israel te in Egypt te tungah khamh le ngunn kizepna, le puansilhte ngen uh hi.

Pusuana 12:36

Topa in Israel te sia Egypt te in zaktasak ahikom Israel te nget bangin pia uh hi. Tuabangin Egypt te hauna teng Israel te in paipui uh hi.

Pusuana 3:21

“Ka mite a pai ciang, khut nguak masuan in a pai ngawl natu in Egypt te in note kong upatsak tu hi.

Isaiah 60:14

Nang hong zawthawk vawt mite ii tapate hong pai tu a, Nang zatakna hong lak tu in kun tu hi. Khatvei lai in nang hong nomu theampo sia na peang ah bokin hong bia tu uh hi. Amate in nang sia, ‘Topa ii Khuapi,’ ‘Zion, Israel ii A thiangtho Pathian ii Khuapi,’ hong ci tu uh hi.

Sawltakte 7:22

Egypt te ciimna theampo kisinsak a, mihing thupi khat ii kampau luheakzia hong nei hi.

Thuhil kikna 34:10

Topa in ama taw maitang kisi in paupui hi. Moses bang ahi Israel mite sungah kamsaang khat zongh om ngeingawl hi;

Thuhil kikna 34:11

Topa in Moses sawlin Egypt kumpipa, a uliante tung le a ngamsung tengah nalamdang laknate le a lamdangte a vawt bangin a vawt ngei kamsaang dang om ngawl hi.

Joshua 4:14

Topa ii tua ni a sep a vawt teng in Joshua sia Israel te ngaisutna ah mihing thupi mama khat suaksak hi. Amate ii Moses a zatak vawt uh bangma, ama zongh a khan tawntungin zatak vawt uh hi.

Thupualaakna 3:9

Ngai vun! Jew mi a kici theam a leilot, tua Satan pawlte ahile, na peang uh ah a bok tu in kong paisak tu hi. Amate theampo in note kong it sia he tu uh hi.