Pusuana 11:10 - Syin Chin Bible

¹⁰ Moses le Aaron in kumpipa mai ah nalamdang hi zata lak zo hikale, Topa in a thin sahsak ahikom, a ngam sia Israel te in nusiasak nuam ngawl hi.

Pusuana 11:10 Iomraidhean Croise

Job 9:4

Pathian sia ciim peuma a, vaanglian hi; kuama in ama langpan zo ngawl hi.

Pusuana 10:20

Ahizong Topa in kumpipa thin sahsakin ama in Israel te paisak ngawl hi.

Pusuana 10:27

Topa in kumpipa thin sahsak a, amate paisak nuam ngawl hi.

Pusuana 12:1

Egypt ngam sungah Topa in Moses le Aaron tung a cina ah:

Pusuana 3:19

Zawthawk thu taw a kisawl bua nale Egypt kumpipa in note hong paisak ngawl tu cisia ka he hi.

Pusuana 4:21

Topa in Moses tungah, “Tu in Egypt ah cia kik tu na hi ciang nalamdang lakna theampo a vawt thei tu in vaangletna kong piaksa hi a, kumpipa mai ah vawt tatak tu ni hi. Ahizong kumpipa thin ka sahsak tu a, ama in mihingte paisak ngawl tu hi.

Pusuana 7:3

Ahizong kumpipa a thin ka sahsak tu a, Egypt ah a lauhuai na tam mama vawt kaleng awlmawk ngawlin na thuson hong ngai ngawl tu hi. Tuasia ciang Egypt te tungah nasia takin daan ka pia tu a, ka mite ii minamte tua ngam pan ka pusuapui tu hi.

Pusuana 9:12

Ahizong Topa in kumpipa thin sahsakin, Topa cisa bangma kumpipa in Moses le Aaron thu ngai nuam ngawl hi.

Isaiah 63:17

Banghangin na lampi panin kote lam hong pialsak ni ziam? Banghangin nang kung pan lampial tu in thinpui mama tu in hong vawt ni ziam? Na na a seam mihingte atu le nangma mihing ahi tawntungte atu in hong heak kik ta'n.

John 12:40

“Pathian in amate ii mit tawsak a, a thinsung khacipsak hi, tua in, a mit khua a mu ngawl natu, a thinsung taw a tel ngawl natu, tuaciang amate in keima ii amate ka damsak natu kei kungah hong heak kik ngawl natu, ahi hi, Pathian in ci hi.”

Romete 9:18

Tua ahikom Pathian in a hesuak nopte tungah hesuak a, thin sahna a piak nopte tungah thin sahna pia hi.

Romete 9:22

Pathian nasepna zongh tuasia bangma ahi hi. Ama in a thin uukna lak nuam a, a vaangletna kihesak nuam hi. Ama a thin a uuksak, lalcipna sung a theng tu mihingte thinsauna tatak taw thuak hi.

Thuhil kikna 2:30

“Ahizong Kumpipa Sihon in a ngam a kaantan tu uh oai ngawl hi. Ama zo zo a, tu laitak ih omna, ama ngam sia ih laak thei natu in Topa na Pathian in ama a thin sahsakin ngal thin neisak hi.

Joshua 11:20

Topa in amate sia Israel te a do natu a thin khosak mama a, tua in a lalcip natu le hesuak ngawlin a kithalup siat natu ahi hi. Hi sia in Topa ii Moses tungah thu a piaksa ahi hi.

1 Samuel 6:6

Egypt kumpipa le Egypt mite bangin banghangin na thinpuisak tu nu ziam? Israel mite ii Egypt a nusiat mateng Pathian in Egypt te a mawmaw bangin a vawt sia ciamtee vun.