Pusuana 10:7 - Syin Chin Bible

⁷ Kumpipa uliante in kumpipa tungah, “Bang tanvei hisia pa in eite ngimna hong pia tu ziam? Topa a Pathian a biak thei natu in, Israel mite paisak in. Egypt ngam lal zo ci sia tel ngawl ni ziam?” ci uh hi.

Pusuana 10:7 Iomraidhean Croise

Psalm Late 107:34

Tua munah a teangte ii seksolna hangin, ama in leiphate ci al lei ngamtul suaksak hi.

Pusuana 12:33

Egypt te in a ngam manlang tak a nusiat natu in tua mite sawl a; “Na pai bua uh ahile ka thi siat tu uh hi,” ci uh hi.

Pusuana 23:33

Tua mihingte na ngam sungah teangsak heak vun; na teangsak uh le amate in kei tungah na maw na khial natu hong vawt tu hi. A pathiante na bia uh le note atu in hong thisak thei thaang hi tu hi,” ci hi.

Pusuana 7:5

Keima in ka khut laam in Egypt te tungah ka thahatna ka lak ciang le Israel te a ngam pan ka pusuapui ciang, Egypt te in Topa ka hina hong he tu uh hi,” ci hi.

Pusuana 8:19

tuaciang mitbum thiamte in kumpipa tungah, “Hi sia in Pathian nasepna hi zo hi!” ci uh hi. Ahizong kumpipa thinsakin, Topa ci bangma kumpipa in Moses le Aaron thu ngai ngawl hi.

Paunakte 29:6

Mi ngilote amate mawna sungah awk hi, thumaan mihingte ahile lungdam in suakta hi.

Thuhilsya 7:26

Thina sangin a khaa zaw khat ka mu hi — tua in thaang taw a kibang numei ahi hi. Ama ii hong itna in ngeen bangin nang hong man tu a, ama hong koaina in thikkhau khat bangin nang hong heencip tu hi. Pathian ii deina bangin a ngamta sia in tuabang numei pial thei a, ahizong a khial sia, a thaang sungah awk hi.

Isaiah 14:20

Nangma in na ngam susia a, na mite mama na thatlup hu in nang sia kumpi dangte bangin hong kiphum ngawl tu hi. A tatsia na innkuan sungah kuama nungta ngawl tu hi.

Isaiah 51:9

Khanglo in, Topa awng, ko hong hu ta'n! Na vaangletna zanghin ko hong ngum ta'n; taanghlai hun a na zak ngei bangma in zangh in. Tuipi ngulpui Rahab saatin a neensem pa sia nangma na hi hi.

Jeremiah 48:4

“Moab sia kisusia zo hi; patangte kaana aw ngai vun.

Jeremiah 51:8

Babylon sia thakhat thu pukin kisiacipsak hi! Tuasia khuangai pui vun! A liamma bawl natu in zatui la vun; dam thei lai tha tu hi.

Zephaniah 1:18

Tua ni in Topa in a thinsona hong lak ciang a ngunn a khamh te theampo zongin amate a hun zo buatu hi. Leitung bup sia a thin uukna meikuang in susia tu hi. Leitung a teang mihing theampo bona — thakhat thu in a bona — ama in tungsak tu hi.

1 Corinth te 7:35

Hi bang teng kong sonna in, noma kong hu nopna hang ahi hi. Note tungah kikhaatnate hong pia nuam hi ngawl khi hi. Tua hizaw ngawlin, a maan le ahi tu bangin seamin, Topa ii na, na sepna sungah kheet nei ngawlin noma le noma na kibuppiak tu ka deina ahi hi.

Joshua 23:13

Topa na Pathian in hi minamte sia maisang na manaw uh ciang hong nawkeaksak nawn ngawl het tu ahi sia na he thei hi. Amate sia no atu in thaang bang, vuum bangin hong lauhuai zaw tu a, thibin pan kivel bang, mittang sung ling do bangin hong na zaw tu hi. Topa na Pathian ii hong piaksa hi leitang hoi tungah note kuama na om nawn ngawl uh dong hisia kipee tan tu hi.

1 Samuel 18:21

Ama le ama hi bangin kici hi, “Michal sia David ka pia tu a; ama thaang ka sia natu ka tanu zangh tu khi hi, tuasia ciang Philistine te in ama thatlum tu hi.” Tua ahikom Saul in David munah a nii veina in, “Nang sia ka maakpa hi tu ni hi,” ci hi.

1 Samuel 5:11

Tua ahikom Philistine kumpite theampo sam kikin, “Israel ii Thuciamna Thingkuang sia, ei le ih innkuanpuite hong thalup ngawl natu in, a omna ngei ah puak kik tavun,” ci uh hi. Pathian in amate nasia takin daan pia ahikom khuapi sung bup ah patauna om hi.