Pusuana 10:3 - Syin Chin Bible

³ “Tua ahiciang kumpipa kungah Moses le Aaron pai in, “Topa, Hebrew te ii Pathian in, ‘Kei tungah nong kiniamkhiak tu, bang tanvei hong nial lai tu ni ziam? Kei hong biak thei natu in, ka mite paisak in.

Pusuana 10:3 Iomraidhean Croise

1 Kumpite 18:21

Elijah in mite kungah paito in, “Na thin uh na khensat natu in bang tanvei hai lai tu nu ziam? Topa sia Pathian ahile ama bia vun; ahihang Baal sia Pathian ahile bia vun!” ci hi. Ahihang mite in kam khat zongh pau ngawl uh hi.

1 Kumpite 21:29

“Ahab in keima mai ah bangzata kiniamkhiak in a om sia na mu ziam? Hi bangin ngamta ahiciang ama khan sungah tuasiatna piangsak ngawl tu khi hi; a tapa ii khan sung in Ahab bangkua sungah tuasiatna piangsak tu khi hi,” ci hi.

2 Kumpite 22:19

tuaciang Jerusalem le a mite daan piak tu ka tawn na te na zaak ciang kisiik kikin kiniamkhiakna taw ka mai ah na puansilh eaukeak in kap ni hi. Mit mu bek zongin a lauhuai mama na mun ka suaksak tu a, mihingte in tua mun ii min sia haamsiatna kammal in a zangh tu hi. Ahihang na thungetna hong za zo khi hi,

2 Khangtaanghthu 33:12

Hi bangin a thuakna hu in ama kiniamkhiak in Topa a Pathian zuanin huna ngen hi.

2 Khangtaanghthu 33:19

Kumpipa ii thungetna le Pathian zo kikna, a kisiik kik ma in a vawt mawna khialna — a sia a vawtte, doai sepna munte le numeipathian Asherah lim, tuaciang a biak milimte — theampo sia Kamsaangte Taanghthu sungah kiciamtee hi.

2 Khangtaanghthu 34:27

tuaciang Jerusalem le a mite daan piak tu ka tawnna na zaak ciang kiniamkhiakna le kisii kikna taw ka mai ah na puansilh eaukeak in kap ni hi. Na thungetna hong za zo khi hi.

2 Khangtaanghthu 7:14

amate in kei tungah thungenin kisiik kikin a tatsiat ngamtatnate a nungngat le, tuaciang a thungetnate vantung pan ka za tu a, a mawnate maisak in a ngam a lei ngamnuam ka suaksak kik tu hi.

Job 42:6

Tua ahikom ka pau sa theampo tungtaang ka maizum a, kisik kik in leivui sung le vut sungah ka om hi.

Pusuana 10:4

Nong nial lai le, zing ciangin na ngam sungah khaumaw kong puak tu hi.

Pusuana 16:28

Tuaciang Topa in Moses tungah, “Banghun dong ka thupiakte note in hong nial lai tu nu ziam?

Pusuana 4:23

Keima hong biak thei natu in ka tapa paisak in, hong ci khi hi, ahihang nong nial hi. Tu in, na tapaciil thatlum tu khi hi,’ ci in na son tu hi” ci kik hi.

Pusuana 5:1

Tuaciang Moses le Aaron Egypt kumpipa kungah pai in, “Topa Israel te ii Pathian in, ‘Ka mite sennealngam ah kei zatak piakna poai khat a khaam thei natu in paisak in’ hong ci hi,” ci hi.

Pusuana 9:17

Ahizong nangma na kisathei veve a, ka mite na paisak bua hi.

Paunakte 1:22

“Mihing mawmawte awng! bang tanvei mawmaw nuam nu ziam? Heakna bang tanvei ciammui vawt tu nu ziam? Heak tu sawm nawn ngawl nu ziam?

Paunakte 1:24

Hong sasam khi hi, hong pai tavun ci in hong thaw khi hi, ahihang hong ngai nuam ngawl nu hi. Kei sia hong nadon nuam ngawl nu hi.

Paunakte 18:12

A kiniamkhiak ngawlte kuama in a zakta bua hi; mihing a kisatheite sia lalna lampi zuan ahi hi.

Isaiah 1:5

Banghangin hong langpan lalai nu ziam? Daan thuak thua nuam lai nu ziam? Israel te awng, na lu tung theampo liamma dim zo a, na thin uh ngim mama hi.

Isaiah 2:11

Mihingte kiphatsakna le, mihingte kisaktheina a kilalsak tu ni khat hong theng tu hi. Tuasia ciang Topa bekma kipok tu hi.

Jeremiah 13:10

Hi mi ngilote in ka thu hong ni nuam bua uh hi. Amate sia a ngei bangma in a thin uh pui in seksol uh a, pathian dangte bia in a na seam uh hi. Tua ahikom, amate sia a kizangh thei nawn ngawl, hi ngoaipuan tomte bang suak tu uh hi.

Jeremiah 13:18

Topa in kei tungah, “Kumpipa le a nu sia a kumpi tokhumte tung panin a tuaksuk natu in son in, banghang ziam cile amate ii a hoi mama a kumpi lukhute a lu tung uh panin taaksuk zo hi.

Jeremiah 50:29

“Babylon sim tu in thalkaap thiamte son vun. Thal le thaltang a zangh thiamte theampo kuansak vun. A khuapi kiim uum vun a khat zongh suaktasak heak vun. A sep a vawt theampo thuk kik vun, midangte tungah a vawt bangin a tungah vawt vun, banghang ziam cile a kiphatsakna taw diang in Israel ii a Thiangtho Pa, hong langpan hi.

Ezekiel 5:6

Ahihang Jerusalem in ka thupiakte hong langpan a, a dang ngamte sangin a ngitlo zawkna hong lak a, kiim le paam ngamte sangin thuni ngawl zaw hi. Jerusalem in ka thupiakte nial a, ka thukhamte zui ngawl hi.

Daniel 5:22

“Ahihang nangma, a tapa in, hi thu theampo he hi napi na kiniamkhiak bua hi.

Mi Simna 14:27

“Hi mihing seksolte in bang tanvei kei hong phunsan lai tu ziam? Hong phutsatnate ka zaak tam zo hi!

Romete 2:4

Tua ahibuale ama ii cikna, thiamna le dual zawknate zawnsak vawt na hi uh ziam? A tatakin Pathian cingh mama hi, banghang ziam cile na kisiik kik natu in ama in hanciam in lam hong pui hi.

Hebrew te 12:25

Tua ahikomin kidawm vun a, a sonpa sia ngai nuam ngawlin, nial heak vun. Pathian thu leitung ah a son pa nadon ngawl a, a nialte a suakta bua hi. Vantung pan hong sonpa na thusim buale bangbang suakta thei seseam tu hi ziam!

James 4:10

Topa mai ah noma le noma kiniamkhiak tavun, tua hile ama in hong laamto tu hi.

1 Peter 5:6

Pathian ii thahatna khutnuai ah kiniamkhiak vun, tua hile ama ii hunpha hong tun ciangin ama in hong laamto tu hi.